Versículos bíblicos populares de John 11

Compartir

Jesus sota̱manistsiiwayi, “Ki niisto̱ahkaoʼka o̱mohtoʼtsstsiihpi issksipoa̱aohsini, ki niipa̱i̱tapiiʼssini. Nita̱o̱maiʼtookiiksi iimaksi̱kaiʼniisaawa a̱ksakiipaitapiiyaawa. Ki kana̱i̱paitapiiksi nita̱o̱maiʼtookiiksi ma̱takonoaitaʼpohkoiʼniiwaiksi. Kika̱taoʼmaiʼtsiihpaatsi?”

Jesus itani̱stsiiwayi, “Kika̱wanisto, ikkamo̱maiʼtakiiniki kita̱kitaistama̱atsookoo A̱ʼpistotookiwa mani̱stsspsspi.”

Jesus sota̱masai̱ʼniwa.

Ki Jesus ota̱ʼyoohtsissi itani̱i̱wa “Aiʼksista̱aʼpaisttsiistomisi a̱kitsakia̱i̱paitapiiwa. A̱a̱mohka iihtani̱stsiiwa A̱ʼpistotookiwa a̱a̱hkohtsspipoʼtoawa. Ki niisto̱wa, ohko̱yi, nita̱kohtsspipoʼtookoowa.”

O̱ki. Ota̱i̱ksistanistoohsi a̱a̱mohka itsohka̱waaniiwa “Lazarus. Po̱o̱hsapsaksit!” Ki oma̱a a̱kaiʼniwa, sota̱mipoohsapsaksiwa. Oʼtsi̱stsi ki ohka̱tsistsi iihtayi̱pistoohpiaawa na̱i̱ʼpisstsii iʼni̱i̱ksi iihtawa̱yipistahpiaawa. Ki ostoksi̱ssi iihtayi̱pistoohpa na̱i̱ʼpisstsisttsoomokaani. Sota̱maniiwa Jesus, “Apiso̱o̱moonoka. Istsipo̱ʼtooka.”

O̱ki. Jesus sota̱mitoʼtoowa omii Lazarus itsstsa̱a̱hpi. Ma̱ttsi̱tsiita̱akohkooniʼtsiihtaawa. Lazarus itsi̱pstsstsaawa omi̱i̱hkayii a̱tanihkaawa. Iihtso̱ʼkiihpa o̱mahkoohkotoki.

A̱nniai a̱a̱niiwa Jesus. Ki ina̱i̱ʼtanistsiiwaiksi, “Oki, kita̱kka̱annoona Lazarus, a̱kayoʼkaawa. Ki nita̱kitapoo. Ta̱kitsiksikiinawa.”