Versículos bíblicos populares de Malɨka 12

Compartir

ɄYesu akamwamʉla akati, “Ʉlʉlaghɨlo ʉlʉvaha mʉ sooni lwe ʉlʉ, ‘Pʉlɨkagha ghwe Isilaeli, ʉMʉtwa ʉNgʉlʉve ghwitu ghwe Mʉtwa jʉmo mwene. Ʉmʉghanaghe ʉMʉtwa ʉNgʉlʉve ghwako nʉ mwojo ghwako ghwoni, nʉ lʉhala lwako lwoni, ni ngʉfu saako sooni.’ Ʉlʉlaghɨlo ʉlwa vʉvɨlɨ lwe ʉlʉ, ‘Ʉmʉghanaghe ʉnnino ndavʉle ghukughana jʉʉve.’ Nakwelʉle ʉlʉlaghɨlo ʉlʉnge kukila indaghɨlo isi.”

Pepano ʉYesu akavakemeela avavʉlanɨsɨvua vaake, akavavʉʉla akati, “Kyangʼhaani nɨkʉvavʉʉla, ʉmʉkɨjʉʉva ʉmfwɨle ʉjʉ ʉnkotofu atavwile kukila avange vooni vano vasopile. Ʉlwakʉva avange vooni vatavwile fidebe mʉ finga fino valɨ nafyo. Looli ʉmʉkɨjʉʉva ʉjʉ mʉ vʉkotofu vwake, atavwile fyoni fino fyava fya kʉntanga mʉ vwʉmi vwake.”

ɄYesu ye alɨ mʉ nyumba ɨnyɨmɨke ɨja kufunyila, alikalile alʉngiime kʉ kyombo ɨkya kʉsopela ɨlɨtekelo. Apuo akava ilola avaanhu vinga vano vakava vitavʉla ɨlɨtekelo. Avamofu vinga vakatavʉlagha indalama nyinga. Ʉnsiki ʉghuo akiisa ʉmʉkɨjʉʉva ʉmfwɨle kange nkotofu, akatavʉla isendi ivɨlɨ.

Lʉnoghiile kʉkʉmʉghana ʉmwene nʉ mwojo ghwoni, nʉ lʉhala lwoni, ni ngʉfu sooni na kʉkʉmʉghana ʉnnino ndavʉle ghukughana jʉʉve. Ʉluo lwe lʉvaha kukila ɨlɨtekelo lyoni lɨno litavʉlua kwa Ngʉlʉve.”

Apuo ʉYesu akavavʉʉla akati, “Ifya Kaisali, mʉmpelaghe ʉKaisali; ifya Ngʉlʉve, mʉmpelaghe ʉNgʉlʉve.” Pe vakanʼdegha kyongo.