Versículos bíblicos populares de Luukɩ 5

Compartir

Ɔ gwɛꞌɛ -wluwlua ꞌꞌyi a, ꞌle ɔ na: Simɔɔ, -ɩn -ke gɔlʋ -na, -ɩn -ke ɛ ꞌke ꞌꞌniꞌa -da -tɛꞌɛ ꞌmʋ tinyni, ꞌle -ɩn -ke -aꞌa -namʋ ꞌke ꞌbho aꞌba -dadɩ ꞌꞌvuto, a ꞌke zmi kpʋn.

ꞌLe ɔ na: ꞌAn -Kɔyi, -glaapleꞌa ꞌꞌmatʋ, -a -zi ꞌnɩ ꞌmʋ-ɛ ꞌwee, -a -see lɛꞌɛ -lue komu ꞌye, -a sɩa-oꞌo bhubhuyiti. -Ɩnmɔ ꞌlɛꞌɛ ꞌtɔ -kaaꞌa dɩ a, ꞌɩn-ɩ ꞌye ꞌle ꞌan -dada ꞌꞌvuto mʋ. Ɔ poꞌa wlu ti ꞌꞌsɛɛ, ɔ -ke ꞌɔ -namʋ ꞌꞌwe ꞌꞌvutoꞌo-o ꞌwa -dadɩ ꞌle -bada ꞌmnɛ kɔ. Zmi ꞌwa -dadɩ jriꞌa, ꞌya ꞌꞌyidieɛꞌɛ dɩ, ɩ na ɩ ꞌke -dadɩ ꞌmnɩ -cna.

Ʋ-bʋ nyʋ ꞌmnʋꞌa ꞌꞌyidieɛꞌɛ dɩ, ɔ-ɔ poꞌo gwlɔ le. ꞌBɩ -ke ꞌmʋ nyunyu seꞌa -de, ꞌle-e ɔ-ɔ muꞌo ꞌle ɔ-ɔ poꞌo *-Lagɔ wɔn gbo.

ꞌƐ ꞌzɔ-ɔ ꞌmo-o, nyʋ-ʋ ꞌlaꞌa ꞌwa ꞌꞌbhi kplizɩgɩꞌa nʋmʋ, ꞌɩn -see ꞌnɔɔ ꞌkmʋ ꞌmʋ ꞌwa dɩ yi. ꞌꞌNyinynikpliꞌa nʋmʋꞌa dɩ ꞌɩn yiꞌo ꞌle ʋn ꞌke ꞌwa ꞌꞌnyinynidɩ ꞌꞌyiyibo ꞌbho -Lagɔꞌɔ ꞌꞌyigbeyi ꞌle ʋn ꞌke ɔ gbo ꞌꞌbhiti.

-Gblee, Simɔɔ *ꞌPiɛlɩ ꞌwɔn-ɔ dɩ-ɩ ziꞌa ꞌzɔ ꞌmʋti. Ʋn -sɔꞌɔ ꞌꞌnukɔ ꞌmʋ ꞌle ɔ ꞌye Zezii ꞌkolri wɔnyi glu po ꞌle ɔ na: ꞌAn -Kɔyi, ꞌɩnmɔ ꞌbhade -ɩnmʋ li, ꞌꞌnyinynidɩꞌa nʋyi ꞌɩn ꞌꞌduꞌo; ꞌɩnmɔ -ke kpli-i seꞌa ꞌꞌyiꞌsrɛɛ ꞌle -mnɔɔɔ ꞌke ꞌmna linyni! ꞌƐ dɩ nyni ꞌle nya ti.

Zezii ꞌwɔnꞌɔ ꞌwa wlu ꞌmnɛ ꞌbɔ ɔ, ɔ ꞌpo-o ꞌꞌnna ꞌle ɔ na: ꞌKpayibhleyiꞌa ꞌbɔ ꞌꞌgipoyi ti, -bho ɛ -se nyɔ -ke ꞌꞌlru-u ꞌbhatiꞌa, ꞌɩnnɔ ꞌbɔꞌɔ ꞌꞌgipoyi ti.

Simɔɔ -ke ꞌɔ -namʋ ꞌwɔnꞌɔ Zeziiꞌa wlu -nɛɛ ꞌbɔ ɔ, ʋn ꞌꞌluoꞌo-o ꞌwa gɔlɩ ꞌmʋ, ʋn -kpʋn ꞌnɩ-ɩ ꞌkɩka. ꞌBho -gbaa -lue ꞌmnɛ ꞌmʋ, ʋn ꞌsie-e ꞌwa ꞌꞌnizelɩꞌa klɛ ꞌle ʋn -ke ɔ ꞌye mu. ꞌBho ꞌmnɔ, ꞌbho-o ʋn ꞌꞌluoꞌo ꞌɔ ꞌbɩnɛɛ ꞌmʋ ꞌle ʋn -ke ɔ ꞌye -da ꞌwee mu.

Ɩ ziꞌa -kaa, *Zezii -sɔꞌɔ ꞌmʋ-ɛ ɔ ꞌye Galileebhlʋkpa ꞌꞌkpiꞌa -gwlɔ -lue ꞌmʋ mu. Ɛ-bɛ gwlɔ ꞌmnɛ ꞌmʋ, nyukpasu -lue *lalʋ -zaꞌa ku, ꞌbho-o ɔ -yi -nɩꞌe Zezii -bodɩ. Ɔ ꞌye ꞌɔ li a, ɔ ꞌpo -ɔ ꞌkolri wɔnyi glu ꞌle ɔ na: ꞌAn -Kɔyi, ꞌɩnmɔ bhade -ɩnmʋ li, ꞌɩn yi-oꞌo -ɩn ꞌke ꞌɩnmʋ ꞌpʋʋn. -Gblee, Zezii ꞌwɔnꞌɔ wlu ꞌmnɛ ꞌbɔ, ꞌle ɔ ꞌye sʋ sro, ɔ ꞌye ɔ liꞌtʋ ꞌle ɔ na: Kɩn, ꞌɩn ꞌwɔn-oꞌo, ꞌpʋn! ꞌBho -gbaa -lue ꞌmnɛ ꞌmʋ ꞌɔ ꞌwɛ ꞌbhɔ-ɔꞌo

-Gblee, Zezii -see ꞌkɩ ꞌybha ꞌɔ ꞌnynɩ ꞌke ti-wa. Ɛ -nɩꞌa ꞌtɔ -kaa, ɛ -waꞌa-a ꞌle Galileebhlʋkpa ꞌꞌkpi ti. Nyʋꞌa -dadudu ꞌwlʋ-o gwlɛ ꞌꞌkpiti ꞌle ʋn-ʋ yɛ ꞌnɔ ꞌle ʋn ꞌke ɔ -lokuipo, ꞌle, nyʋ -yʋ ꞌbhleꞌa ꞌwalɩ ꞌmʋ a, ɔ ꞌke ʋ ꞌpʋʋn.