Versículos bíblicos populares de Matay 6

Compartir

So ikapinsan na no kakza nyo no katalamozong na ninyo ni Ama ta do to a omahap so isaray na vazay. Ta ori o torwan na nya jinyo so apyahen nyo no nakem.

Am ori o ji nyo alawi no vazay nyo simaraw. Ta mapinpin o vazay simaraw. So ji mapazavozi so ikeykalaw do kasaraw.

Maniring si Yeso do macinanao jya am, “Ko pa ciring jinyo am ji nyo a ratan o kanen nyo a kano ayob nyo. Ta maharahara pa o ipeyigegen nyo do karawan a kano kanen nyo. Meyneynakem pa o kataotao nyo a kano ayob nyo.

No meynozi kamo am somdep kamo do vahay a kapangneb nyo a mapasyasi ji Ama ta do to. Ta iya o makacita jinyo do sahad no vahay nyo. So amizngan na jinyo.

No meynozi kamo am inarahen nyo ya an. ‘Mo Ama do to, inaoy no si mamimin o tao a zomwazway so meylimwang a ngaran mo. Inaoy no italamozong mo o karawan. Inaoy no mai jyamen do teyrahem o apiya ahahapan mo sya do teyngato.

O kanen namen sicyaraw eya am itoro mo jyamen.

Vonasen mo o raraten namen, akman jyamen a ji mapeyyan sya do onowned so raten da jyamen no icyatatao namen.

Ji mo yamen amya kalittan. Apzatan mo yamen mo Ama do to, do kararatan do teyrahem. [Ta imo rana am ka tey mowyat a tey mazway a Tao do to a yatomalamozong nyamen a mangay do kaidan no karawan. Amin.]’

“No si peykabobwen nyo o raraten da jinyo no icyatatao nyo am akman sang si Ama ta do to a amvonas so raraten nyo.

To nyo nita o meyyasasalap an. Sira ji hakaw. Sira ji manlangi. Yabo da panonokozan so kankan da. Am na avyavyain sira ni Ama ta do to. Jyabo nyo kajyakdekdengan pa kano lapik a.

“Taosya o pangangagoman nyo so kangangay nyo do karawan, ta mavozsok ori, amraci ori, takawen da ori no manakaw a tao. Apyapya pa o kakzan nyo no kangangay nyo do teyngato. Ta abo do dang o vozsok a koman sya. Ji raci do dang. Abo dang o manakaw a tao. Ta o yanan no peymeymasaodan nyo am pacilolwan no onowned nyo an.

“Abo o lamlamsoy a meyvazay do rarwa ka lawpan. No ikanig na o asa am ikaoya na o asa. No ikaoya na o asa am ikaglaw na o asa. Marahet o kapasaklang nyo ji Ama ta do to an, a tongdeng do peynizpi nyo an.”

O tamek am amyan pa sicyaraw eya. Am simaraw am mahayo rana a kapasleb rana sya do apoy. Tana akman sang o tamek a ji meyyonownay do tana am yana padketan ni Ama ta do to so na ikazway a savong na. Kakwakwan na rana no tamek am imanngo kamo na. Ta jyabo kaji na mantan ninyo so ayob nyo a. Am nyo kaji makanetan so nakenakem ji Ama ta do to.

Am ori an ji nyo meycicicyan do tao no mangazaw kamo. Tana ney yapya na kagagan nyo am ji nyo mancyan jya. Ta si Ama ta do to a makacita jinyo a mapowzowzib so kapangazaw nyo am amyan so yazaw na jinyo.

“Makapzat kamo. Ji nyo mapacitacittan o kakdekdeng nyo a manaralay do tangain no tao. Ta no si makman kamo so sang am ji nyo ngakzeba o keyyan no yazaw na jinyo ni Ama ta do to.

“No ji kamo mangakaday a meynozi am ji nyo nginara sira o tanwasiwasi a tao, do kakma dey mapasingat a mapacita no kaji da nimangakadayan a meynozi. To ko na macitangayan jinyo am tana mahap da o kazwayan da do karawan am abo rana o mahahap da a kadmayan da ji Ama ta do to. Am inyo rana am no ji kamo mangakaday a meynozi am meysorod kamo. Meyramon kamo. Taosya o kapakatovil da jinyo no tao a jya nimangakaday a meynozi, ta katenngan na inyo ni Ama ta do to. So iyan no yazaw na jinyo ni Ama ta do to.