Versículos bíblicos populares de Génesis 3

Compartir

Chantá warmeqa chay sach'aj poqoynin mikhunapaj sumaj kasqanta qhawarqa, jinaqa maytapuni mikhuyta munarerqa. Qhawallarqataj yachayniyoj kanapaj jina sumajllataj kasqanta. Jinaqa pay ujnin poqoyta p'itispa, mikhuykorqa. Qosanmanpis jaywarqa, paypis mikhullarqataj.

Katareqa Tata Dios tukuy imaymana k'ita animalkunata ruwasqanmanta may jina yuyaysapa karqa. Chantá uj kuti payqa warmita taporqa: Huertapi kaj tukuy sach'aj poqoyninta ama mikhunkichejchu, nispachu Dios nisorqachej? nispa.

Noqataj qantawan, warmitawan jap'inachisqaykichej. Jinallataj mirayniykiwan, mirayninwanpis chejninakonqanku. Warmej mirayninmanta kajqa umaykita sarusonqa, qantaj chaki talonninmanta khaninki, nispa. Ajinata Diosqa katarita nerqa.

Chantá Tata Diosqa warmita nerqa: Onqoj kashaspa, sinch'i nanayta ñak'arinki, may jina nanaywantaj wawaykikunata paqarichikunki. Chaywanpis sonqoykeqa qosaykiman aysasonqa, paytajrí qanta kamachisonqa, nispa.

Mikhunaykipaj jump'i suruyta llank'anayki kanqa, wañupunayki p'unchaykamataj ajina kanqa. Qanqa jallp'amanta ruwasqa kanki, chayrayku jallp'allamantaj kutinki, nispa.

Chantá Tata Dios qharitañataj nerqa: Warmiykita kasuspa, mana mikhunaykita nerqayki chay sach'aj poqoyninmanta mikhusqaykirayku, kunanqa jallp'a maldicisqa kanqa. Chayrayku kawsanaykikama sayk'uy sayk'uyta llank'aspa mikhunki.

Chantá Tata Dios taporqa: Q'alalla kasqaykita, pitaj nerqasunkiri? Mana mikhunaykita nerqayki, chay sach'aj poqoynintachu mikhorqanki? nispa.

Chantá runata qharqospa, Tata Diosqa Edén huertaj inti llojsimuynejman querubinkunata churarqa. Jinallataj uj lawrashaj espadatawan churallarqataj, muyuyninta muyuspa jark'ananpaj amapuni pipis kawsachej sach'aman qayllaykunanpaj.

Chaymanta qhareqa warminta “Eva” sutiwan suticharqa, imaraykuchus payqa tukuy runaj maman kanan karqa.