Versículos bíblicos populares de Piligu 1

Compartir

Di saha ka Naawuni daa lan yɛli, “Chɛliya ka ti nam ninsala ŋ-ŋmahindi timaŋa, ka o be kaman ti ni be shɛm ŋɔ, ka chɛ ka bɛ su zahim mini noonsi ni niɣi ni dunia ŋɔ zaa ni binnɛma balibu kam bɛn gbamdi dunia ŋɔ ni fukumsi.” Naawuni daa nam ninsala ŋ-ŋmahindila omaŋa, ka o be kaman Naawuni ni be shɛm. O daa nam ba la doo mini paɣa.

Ka Naawuni daa niŋ alibarika niŋ bɛ ni ka yɛli ba, “Dɔɣimiya n-nab’ pali dunia ŋɔ n-su di fukumsi; ka su teeku puuni zahim mini noonsi ni binnɛma balibu kam bɛn be dunia ŋɔ ni.”

Piligu ni, Naawuni daa namla zuɣusaa mini dunia.

Dunia ŋɔ daa ka taɣinamsi, di daa kul bela vau, ka zibisim limsi bɔɣ’ zilinli, ka Naawuni shia daa be kom zuɣusaa ginda.

Ka Naawuni daa yɛli, “Neesim, neema!” Ka neesim dii neei.

Ka Naawuni daa nya o ni nam binshɛɣukam maa zaa, ka di viɛl’ pam. Ka di daa niŋ zaawuni, di nyaaŋa ka biɛɣu neei; ka di niŋ dabisili din pah’ ayɔbu.

Ka Naawuni daa nya ka neesim maa viɛla, ka o woligi neesim maa ka chɛ zibisim.

Ka Naawuni daa lan yɛli ba, “Nyama, n zaŋ binyɛra din bindi tiŋgban’ ni zaa ka mali biɛlim mini tia kam din wala mali kpila n-tin ya ni yi dira

Ka Naawuni daa boli neesim maa wuntaŋ’ ni, ka boli zibisim maa mi yuŋ. Ka di daa niŋ zaawuni, di nyaaŋa ka biɛɣu neei; ka di niŋ dabisili din daŋ tooni.

Ka Naawuni daa yɛli, “Foliŋga, niŋmi kom ŋɔ sunsuuni m-pirigi kom maa buyi.”

ka zaŋ bimbilli kam din maha n-ti mɔɣu ni biŋkɔbiri balibu kam mini binnɛma balibu kam bɛn mali nyɛvili zaŋ tabili noonsi balibu kam ni binnɛma balibu kam bɛn gbamdi tiŋgban’ ni ni bɛ dira.” Ka di daa shiri niŋ lala.

Ka Naawuni daa lan yɛli, “Neesim shɛŋa neemiya zuɣusaa sagbana ni n-woligi wuntaŋ’ ni ka chɛ yuŋ,” ka neesim maa wuhiri shihira ni saha ni dabisa ni yuma

Ka Naawuni daa lan yɛli, “Binyɛra din bindi tiŋgban’ ni ka mali biɛlim mini tihi din wala mali kpila balibu kam zaa, bilimiya.” Ka di daa shiri niŋ lala.

Ka Naawuni daa chɛ ka foliŋga maa pirigi kom din be di tiŋli mini di zuɣusaa maa buyi. Ka di daa shiri niŋ lala.

Ka binyɛra din bindi tiŋgban’ ni ka mali biɛlim mini tihi din wala mali kpila balibu kam zaa shiri bili. Ka Naawuni daa nya li ka di viɛla.

Ka Naawuni daa lan nam neesim kara ayi n-chɛ ka din galisi pam la ne wuntaŋ’ ni, ka chɛ ka din pa di zuɣu mi ne yuŋ; ka daa nam saŋmarisi gba.

Ka Naawuni daa lan yɛli, “Kom din be foliŋga tiŋli ŋɔ laɣimmi dɔni luɣ’ yini, ka chɛ ka tiŋgban’ kuŋ yi n-dɔni.” Ka di daa shiri niŋ lala. Ka Naawuni daa boli tiŋgban’ kuŋ maa “Tiŋgbani,” ka boli kom din laɣim do luɣ’ yini maa mi “Teeku.” Ka Naawuni daa nya li ka di viɛla.

Ka o daa niŋ alibarika niŋ bɛ ni ka yɛli ba, “Dɔɣimiya ka wɔɣi n-nab’ pali teeku mini dunia.”

Ka Naawuni daa lan yɛli, “Binnɛma balibu kam, bɛnya tiŋgbani zuɣu; niɣi mini binnɛma bɛn gbamdi tiŋa ni mɔɣu ni biŋkɔbiri balibu kam.” Ka di shiri niŋ lala.

Ka Naawuni daa lan yɛli, “Chɛ ka binnɛma pam be kom ni, ka chɛ ka noonsi be zuɣusaa sagbana tiŋli yiɣiri gindi dunia ni.”

Ka Naawuni daa nam mɔɣu ni biŋkɔbiri balibu kam zaa, ka nam niɣi balibu kam zaa, ka nam binnɛma bɛn gbamdi tiŋa balibu kam zaa. Ka Naawuni daa nya ba ka bɛ viɛla.