Versículos bíblicos populares de IOANE, 6

Compartir

Ua fetalai atu Iesu ia te i latou, O a‘u nei le areto o le ola; o lē sau ia te au, e le laina lava ia; o lē faatuatua foi ia te au, e le toe fia inu lava ia.

O le agaga lea e tupu ai le ola, e le aoga le tino i se mea; o upu ou te fai atu ia te outou, o le agaga ia, o le ola foi ia.

Aua tou te galulue i mea e ‘ai e pala, a o mea e ‘ai e tumau i le ola e faavavau, e foaiina atu ia te outou e le Atalii o le tagata; auā ua faaalitinoina mai o ia e le Atua le Tamā.

O lenei foi le finagalo o le ua auina mai a‘u, ia maua le ola e faavavau e i latou uma o e vaai i le Atalii, ma faatuatua ia te ia, ou te toe faatuina foi i latou i le aso gataaga.

Ua tali atu Iesu, ua faapea atu ia te i latou, O lenei le galuega a le Atua, ia outou faatuatua ia te ia ua auina mai e ia.

O i latou uma ua foaiina mai ia te au e le Tamā, e o mai i latou ia te au; o ia foi e sau ia te au, ou te le tulia lava i fafo.

Ona tali mai lea o Simona Peteru ia te ia, Le Alii e, a matou o ea ia te ia? o ia te oe upu o le ola e faavavau.

O a‘u le areto ola na alu ifo mai le lagi; pe a ‘ai se tasi i lenei areto ona ola ai lea o ia e faavavau. O le areto foi ou te avatua, o lo‘u tino lea, ou te avatua ma ola o le lalolagi.

E le mafai se tasi ona sau ia te au, pe a le tosina mai e le Tamā ua auina mai a‘u; ou te toe faatuina foi o ia i le aso gataaga.

auā o le areto mai le Atua, o le mea ua alu ifo mai le lagi lea, ma au mai le ola i le lalolagi.

O a‘u o le areto o le ola.

Ona tago lea o Iesu i areto, ua faafetai, ona tufatufa lea i ona soo, a e tufatufa e ona soo i e taooto. Ua faapea foi ma i‘a, ua avatu faitalia i latou. Ua maoona lava i latou, ona fetalai ane lea o ia i ona soo, ia faapotopoto toe ‘aiga, ne‘i ai ni mea e māumau.

Ua taualo i latou, pe lua sefulu ma le lima, pe tolugafulu o setatio, ona iloa atu lea o i latou ia Iesu, o savali lava i luga o le vai, ua latalata atu foi o ia i le vaa; ua latou fefefe ai. A ua fetalai atu ia ia te i latou, O a‘u lava lenei; aua tou te fefefe.