Versículos bíblicos populares de LUCAS 3

Compartir

Karon sang nabautisohan ang tanan nga katawohan, kag si Jesus man nabautisohan kag sang nagapangamuyo, nagbukas ang langit, kag ang Espiritu Santo nagkunsad sa dagway nga lawasnon, subong sang salampati, sa ibabaw niya, kag naggowa ang tingug sa langit, “Ikaw hinigugma ko nga Anak; sa imo nahamuut ako.”

si Juan nagsabat sa ila tanan, “Ako nagabautiso sa inyo sa tubig; apang may nagakari nga gamhanan pa sa akon, nga indi ako takus sa paghubad sang higot sang iya sandalias; magabautiso sia sa inyo sa Espiritu Santo kag sa kalayo.

Busa patubas kamo sing mga bunga nga takus sa paghinulsul, kag dili kamo magsugud sa pagsiling sa inyo kaugalingon, ‘May amay kami nga si Abraham’; kay nagasiling ako sa inyo, nga ang Dios makabangon sing mga anak kay Abraham sa sining mga bato.

Subong sini ang wasay nabutang na sa gamut sang mga kahoy; gani ang tagsa ka kahoy nga wala nagapatubas sing maayong bunga ginapulud kag ginadap-ung sa kalayo.”

Sono sa nasulat sa tolon-an sang mga polong ni Isaias nga manalagna, “Ang tingug sang isa nga nagasinggit sa kamingawan: Amana ang dalanon sang Ginoo, tadlonga ang iya mga banas. Ang tagsa ka nalupyakan tampokan, kag ang tagsa ka bukid kag bakolod panuboon, kag ang tiko tadlongon, kag ang mga dalanon, nga kudulkudul tapanon; kag ang tanan nga unud makakita sang kaluwasan sang Dios.”