Versículos bíblicos populares de MGA BINUHATAN 2

Compartir

Kag si Pedro nagsiling sa ila, “Hinulsul kamo, kag magpabautiso ang tagsatagsa sa inyo sa ngalan ni Jesu-Cristo sa kapatawaran sang mga sala; kag mabaton ninyo ang dolot sang Espiritu Santo.

Kag nagpadayon sila sing malig-on sa pagtolon-an sang mga pinadala kag sa paghiambitay, sa pagtipiktipik sang tinapay kag sa mga pangamuyo.

Kag napuno sila tanan sang Espiritu Santo kag nagsugud sa pagpamolong sa iban nga mga hambal, sono sa paghambal nga ginhatag sa ila sang Espiritu.

Kag sa hinali nag-abut ang hagunus gikan sa langit subong sang mamadlus nga hangin nga naghuyup, kag nagpuno sang bug-os nga balay diin sila naglingkod. Kag nagpahayag sa ila ang mga dila nga daw kalayo, nga natagtag kag nagatungtung sa tagsatagsa sa ila. Kag napuno sila tanan sang Espiritu Santo kag nagsugud sa pagpamolong sa iban nga mga hambal, sono sa paghambal nga ginhatag sa ila sang Espiritu.

Kag adlawadlaw, sa nagapadayon nga may paghiusa sa templo kag sa pagtipiktipik sang tinapay sa mga puluy-an, nagkaon sila nga may kasadya kag may kabunayag sang tagiposoon, nga nagadayaw sa Dios kag nahamut-an sang bug-os nga katawohan. Kag gindugang sa ila sang Ginoo adlawadlaw ang nagakalaluwas.

‘Kag mahanabu sa katapusan nga mga adlaw, nagasiling ang Dios, nga ipasagahay ko ang akon Espiritu sa tanan nga unud, kag ang inyo mga anak nga lalaki kag ang inyo mga anak nga babayi magapanagna, kag ang inyo mga pamatan-on nga lalaki makakita sing mga palanan-awon, kag ang inyo katigulangan magadamgo sing mga damgo

Kag ang tanan nga nagtoo nagtingub kag kalabilogan nila ang tanan nga butang; kag ginbaligya nila ang ila pagkabutang kag galamiton kag ginpanagtag ini sa tanan, sono sa kinahanglan sang tagsatagsa.

Kag mahanabu nga ang bisan sin-o nga magpanawag sa ngalan sang Ginoo maluwas.’

ang adlaw magabaylo sa kadudulman kag ang bulan sa dugo, sa wala pa mag-abut ang adlaw sang Ginoo, yadtong daku kag dayag nga adlaw.