Versículos bíblicos populares de Yohana 14

Compartir

Lukoosi nilwo lwesi imbalekheele; lukoosi lwase lulweene nilwo lweesi imbaweele. Ise s'imbawa lukoosi nga shiibala ni shibawa ta. Kimyoyo kyenywe kikheyembelela namwe kikharya ta.

Yezu wamwiilamo ari, “Ise niye intsila, nalundi niye bwa ŋali, nalundi niye bulamu. Mbaawo umuundu uwiitsa isi Paapa ta, khurusakho nga abirira mus'iise.”

Yezu wiloosela waloma ari, “Mukhaba ni khukhwiyembelela mu myoyo kyenywe ta. Ni mufukiilile mu Wele, ni nase ni mufukiililemo.

Ne Umuyeeti, nga niye Umwoyo Umukhosefu, isi Paapa alyakaanisa mu lisiina lyase, alibaleekela inywe bibiindu byoosi. Nalundi alibashebusa ibyo byoosi byeesi imbabooleele.

Uyo umanyile kamakaambila kaase, wakawamba, aba uyo niye uwungana ise. Ni n'oyo uwungana ise, naye alikanibwa ni Paapa wase. Ni nase ndi mukana, niyokesanise is'ali.”

Ni nase kane inoombe Paapa, ni naye alibawa Umuyeeti ukuundi, ulibatsaka ni nanywe bifukhu byoosi. Umweene uyo niye Umwoyo uwa ŋali, isi shiibala shikhanyala khukhwakaanila ta, khulwekhuba shiibala seshimubona namwe sishamumanya ta. Ne inywe mwamumanya khulwekhuba amenya mus'iinywe, akhaabe mus'iinywe.

Buli shoosi shoosi sheesi kane muloombatsake mu lisiina lyase, indishikhola, nio shiriifwa sha Paapa shibonekhele mu Mwana. Ni mulinoomba shishiindu shoosi mu lisiina lyase, indishikhola.”

Yezu weloosela ari, “Ni muba nga mungana ise, kane mulondelelatsake kamakaambila kaase.

Muntsu ya Paapa wase mulimo biifwo bikali. Ni nase ndi khuutsya khubaŋoonaŋoonela shifwo. Shino shiba shishikhali shiryo ta, khali ise s'imbaboolele inywe ta.

Ne n'imba nga namalile khubaŋoonaŋoonela shifwo, indikobola lundi imbayile isi ise ndi, nio isi ise ndi ni nanywe mube ibweene iyo.

Tomasi wamureeba ari, “Umukasya, sikhwamanyile ni mu shifwo mweesi ulikho wutsya ta, khunyala khuryeena khwamanya intsila?”