Versículos bíblicos populares de Jon 6

Compartir

Jisòs jis ha ghɨna na, “Mu mò mwə̀ mù yə̂mù me mù fo chyə ha ghɨta. À mò ma à ben nâbi nde ha mu ma jìŋ bê tè fè yafa jə̀ wûn, ma à bimi nâbi nde ha mu, ma kuŋ à mòlû bê tè fè yima jə̀ wûn.

À fo kə Yohnà Fùyènà chyə faŋani ha ghɨta. Wùt kəta wi gha yile hi nì a wun a ngɨŋ hi chyə fâŋ. Mu hi mò ma mu ti fôktì gha ye ghàn kəta hi nì hi khɨte chyə ye yi bè mê wi a Yohnà Fùyènà fo ni.

Kə ghàn hi nyɨŋa yi bàm yi mwə̀ mù yə̂mù mu mô hi bêf. Ghàn hi bɨlà nyɨŋa yi bàm yi mwə̀ mù yə̂mù me mù fo chyəna ghe ghɨ bè mê wi, a mô wûn Wâ Wùt hi fo ha ghàn, beka Bom Yènfù mò ma fu ti chwûtì a ndan na mu kətalò jyak atɨna.”

Bom khɨŋa na nâ ghɨt à jɨ̀m te ghɨ yena mu bime ha mu, chyə̂ faŋ. Ma mu bê kahà lohi ghɨna a yi kpû a tuk wu gokhenu.”

Jisòs fîsì na, “Fêt yì Fùyènì mò na ghàn bimi ha we a ghɨ tuma a mbyî.”

Ghɨt ghe Bom fo ha mu bè kə yi bên ha mu, mu bè jûmà wijə wùt we wù bèna ha mu

Samùn Bità fîsì ha wun na, “Hi fè yèn ha nde a Bâ, à mò hi fòktè nde gha ye yi fo chyə ye yi bè mê wi a bu kə wò?

À mò kə nâ mu mwə̀ mù yə̂mù munâ mù fo chyə ni, te mù chwo bena a nyə̂. À yə nâbi nde mwə̀ mù yə̂mù munâ, ma wù chyə faŋ. Mwə̀ mù yə̂mù munâ a mô wun wu mu we mu fo shyəma ghɨta mbye hi chyə̂.”

Bì we wù tuma mu ki fâŋ hi gùf a wut na wù ben ha mu, ma wù tê bênà jə̀. Wù ki bên ma mu bê kahà lohi wûn a yi kpû a tuk wu gokhenu.

Mwə̀ mù yə̂mù Fùyèn mò wut we wù lo a nyə̂, ben hi fo chyəna a mbyî.”

Mu mò mwə̀ mù yə̂mù me mù fo chyə ha ghɨta.

Jisòs ki fye wu ban we fo àyòŋnà ha Yènfù, fo na ghɨ jyati ha ghɨta. Wù fî fyi yila ghê fo àyòŋnà ha Yènfù jyâtì ha ghɨta, nâbi nde yə kwut kə te wù kòŋà. À hì mô te ghɨna yə kwuta, Jisòs jis ha jùmtìbàmsù wunsu na, “Ghàn kumti chyàk se su faŋa kə shyə ale lə̀ha halô.”

Jùmtìbàmsu wunsu gbî hì tânà yênà mâlsu kìk, shihi kî yen Jisòs wu gbê bakha bênà ha ghɨna a tô mòlû. Ghɨna hì fânà nâ haŋaŋ. Biyani, Jisòs jis ha ghɨna na, “Kə ghàn fan, à mò mu.”