Versículos bíblicos populares de Cäk 24

Compartir

Ku lɛ̈ŋ an, “Bɛ̈nydït, Nhialic de Abraɣam bɛ̈nydï, tɔ ya tiëm ee köölë, ku nyuöthë nhiëërduön agɔk bɛ̈nydiën Abraɣam.

Abä bɛ̈n lɛ̈k nyan tök në keyiic an, ‘Yïn liɛp, käpë töönydu piny, ku tɔ ya dëk, acie dhääl.’ Na le lueel an, Dɛ̈kë, ku thɔ̈rɔ̈lku abä ke lɔ yiɛ̈n pïïu. Ka abï aa yen ee nyan cï lɔ̈c lïmduön Yithaak ka. Ku na le rɔt looi cït ë kënë, abä jɔ ŋic nɔn cï yïn nhiëërduön agɔk nyuöth bɛ̈nydiën Abraɣam.”

Ago Yithaak Rebeka lɛɛr ë paanyic, paany wään rëër ë Thara man thïn, ku tɔ ye tiiŋde. Ago Yithaak Rebeka nhiaar guöp, ku jɔ piɔ̈u bɛ̈n lɔ̈ŋ në thon ë man.

Agokï Rebeka thieei lëkkï yen an, “Nyankënëda, yïn bï lɔ aa man aguum kathiëër ke aguum ke kɔc. Mïthku abïk wuöt ke kɔc de kek ater aa rum!”

Yïn kaar nɔn bï yïn kuëëŋ në rin ke Bɛ̈nydït, Nhialic de paannhial ku piny, nɔn cïn wëndï bï lɔ̈c tik në duet ke Kanaaniic, duet ke kɔc rɛ̈ɛ̈r ɛn wo keek. Yïn bï yïnɔm dak piny wään dhiëëth ë yɛn thïn. Ku lɔ Yithaak wëndï lɔ̈c tik ëtɛ̈ɛ̈n në kɔckï yiic.”