Versículos bíblicos populares de Luk 14

Compartir

“Wìʼ zì kò ghə̀ lù kwʉʼ ədiʼ ndzɨ̀mtə̀ bàm mò, chò la ghə̀ kòŋ mò chò ando ghə̀ kòŋə̀ tìʼ wen nə̀ lì wen, ne wì wen, nə̀ vunə wen, nə̀ və lèmə̀ və wen, be kòŋ mò chò tè ngə̀ŋ kətʉ wen.

No məndò a ghə̀ sətsèn faŋ ke byèʼè kəntò kə wen ə dzɨ̀mtə mo, ghə̀ zì kò ghə̀ lə ndiʼ ndzɨ̀mtə̀ bàm ghom.

No ndo a ghə̀ kuʼsə wenə wen a kàŋ, Nyìngòŋ lu shisə wen, ə no ndo a ghə̀ shiʼsə wenə wen, Nyìngòŋ ne kuʼsə wen a kàŋ.”

Kə le diʼ tò ndə̀ŋndəŋ ando no ndò à ghə̀ŋ ntìntìn faŋ ke moʼtə no məghò yì a ghə̀ kiʼi, kò ghə̀ ndiʼ ndzɨ̀mtə̀ bàm ghom.

No məndo a ghə̀ŋ a ntyìntyìn sətsèn mù nkəŋ bwom ngə̀ŋ ghoʼo ə faŋ ke shiʼi ŋwʉʼʉ ə kyitə ə lye la gàʼa yi kiʼ ki a ji a yi ne myètə kəmbwom akyì tsu lo? Ghə̀ sətsèn faŋ ke nè alì, ə wye kechɨ kə ngə̀ŋ akyì, ə fàŋ ke bwom mwètə̀, à sə nchò no ndò fa ji ə yen, ghə̀ sə chəʼə dyʉ̀ nə̀ wen, gàʼà la,‘Wìʼ ghèn tə̀ zìtə̀ kəmbwom ko ghə̀ diʼi mwètə̀’.

Wù kyè kənyʉ̀ kyə̀ kə, wu bòŋsə laʼà viʼi kəfem nə̀ viʼi a və ŋàŋlə, nə̀ viʼi kənfyɨf bènə̀ və nlàʼfwen. Wù sətsèn nè alì mbwaʼmə lu ndiʼ à wù byiʼàndo vəwenə ko lu bwènsə̀ lòʼ wù, Nyìngòŋ lu lòʼ wù a kətsi kyì a viʼi vyì a diʼ viʼi və jùŋə və ashɨ Nyìngòŋ bwènə̀ lù fa pfʉ.”

“Ghə̀ŋ kɨ la, fəmbvaŋ fə bòŋsə, alì mu fə sətsèn faŋ ke be lyìmə̀, ko kənyʉ̀ kə a ndiʼ a wù zì be nè nə̀ fəwenfə, fə be lyìmə̀. Kò fə be boŋ və nè tə̀ kənyʉ̀ kə tsenkə tsu à bwen tò la və chʉtə maʼà. A tofə no məndò ghə̀ tuʼù zhʉtə.”