Versículos bíblicos populares de Mutendeko 37

Compartir

Zuŵa limoza Yosefe wakalota maloto. Iyo wakati waŵaphalira ŵakuru ŵakhe, iwo ŵakamutinkha kwakuruska.

Yakhobe wakamutemwa Yosefe kwakuruska ŵana ŵakhe ŵanyakhe wose, chifukwa wakaŵa mwana wa mu uchekuru wakhe. Wakamusonera munjilira wa mawoko ghatali.

Kweni para ŵakuru ŵakhe ŵakawona kuti wiskewo wakamutemwa kuruska iwo wose, ŵakamutinkha, ndipo kuti ŵakayowoyanga nayo makora chara.

Yosefe wakalotaso maloto ghanyakhe, ndipo wakaŵaphalira ŵakuru ŵakhe ŵara wakati, “Ndangulotaso, ndipo ndanguwona dazi, mwezi na nyenyezi 11 vyandilambiranga.”

Sono ŵakuru ŵakhe ŵara ŵakachita nayo sanje. Kweni wiske wakasunga mazgu agha mu mtima.

Yosefe wakaŵaphalira wakati, “Pulikani maloto agho ndalota. Tose tanguŵa mu munda ndipo takakanga mphundwe za tirigu. Mphundwe yane yanguwuka na kwimilira pholi. Mphundwe zinu zanguyizingirizga mphundwe yane na kuyilambira.”

Tiyeni sono timukome na kumuponya mu chibuwu chimoza cha ivi vili apa. Titi tiyowoye kuti chikoko chamurya, ndipo tizakawone icho chizamkuŵako kufuma mu maloto ghakhe.”

Para ŵa malonda ŵanji kufuma Midiyani awo ŵakaŵa ŵaIshimaele ŵakajumphanga pafupi, ŵakuru ŵakhe ŵakamufumiska Yosefe mu chibuwu chira. Ŵakamuguliska Yosefe kwa iwo pa mtengo wa magiramu gha siliva 20, ndipo iwo ŵakaruta nayo ku Eguputo.

Ŵakayowoyeskana wakati, “Wonani, wa maloto yura wakwiza.

Ŵana ŵanyakhe ŵara ŵakamuwonera patali, ndipo wachali wandafike kwa iwo, ŵakamuchitira iyo chiŵembu kuti ŵamukome.

Rubeni wakarutilira kuyowoya wakati, “Rekani kuthiska ndopa. Mumuponye waka mu chibuwu ichi muno mu mapopa. Mungamupwetekanga chara.” Wakakhumbanga kwiza kamuthaska kwa iwo, na kumuwezgera ku ŵawiske.