Versículos bíblicos populares de Jɔɔn 6

Compartir

Yeesu ŋɔ, “Minuu paanuu la n na tɛɛ miibɔɔ la. Nɛr la maa n ba n be, wàá ka zum lɔzi wia. Di u yardiŋ, niinyɔgzi gba wàá ka kpuu maa.

Ka ií zum lugɔ Kɔraawiizi Dumnanii benii miibɔɔ lii. Bɔrahɔŋ waa kummaa ɛɛwɛ. Wia la miŋ ŋɔwɛɛ ii be la, a ɛɛ duma wiarɛ, di kaa dɔɔ miibɔɔ.

Ii gilɛɛ ra kuuh dikuu diwee naa n na tuŋ, ka lɔzi kaa ra kpu ia naa wia. Ií ra kuuh dikuu diwee aŋhina n wàá tuŋ, di kaa dɔɔ miibɔɔ la n waa tunaa dɔɔwɛ la wia. Mìŋ́ Newee Biibaallɛ niŋ tɛɛ ia a diwee dee, dikuubɛɛwiai, minuu yaa Mɛɛ Kɔraawiizi gil n dɔɔ u fɔŋŋa la.”

N Mɛɛ ra nyiŋŋuu ú kpa u miibɔɔ la n waa tunaa dɔɔwɛ labuu tɛɛ banla maa n naŋ, di yardiŋ, ka ń lalli baa siu biini, hɔpizaa tuna hiŋ la.”

U ŋɔ, “Kɔraawiizi kipar humaa keŋ. Ií yardi unla uŋ hummɛ la.”

Banla maa n Mɛɛ Kɔraawiizi n tɛŋ la daŋ ba n be. Nɛr la maa n niŋ ba n be, màá sɛɛ duŋŋuu ha maa

Saimɔn Pitta ŋɔ, “N Dɔɔri, anɛɛ benii ya kaa la ga duɛi? I bɛnnɛ dɔɔ wiŋɔzi la n dɔɔ miibɔɔ la n waa tunaa dɔɔwɛ.

Minuu paanuu la dee n lii chiŋ di dɔɔ miibɔɔ la. Di nɛr la maa wa hee paanuu naa, u miibɔɔ wàá tuŋ. N bɔrahɔŋ naa min niŋ kuu durnya maa wia chɔgi, bá wer na miibɔɔ naa, waabuu a paanuu.”

Nɛr maa wàá wer ba n be, di n Mɛɛ la n humiŋ la lɛi tɛrguu di ba n be. Ka di u wa ba n be, n daŋ lalluu siu biini hɔpizaa tuna hiŋ la.

U ge paanuu dee lii chinne di ra tɛɛ nɛra miibɔɔ.”

Minuu paanuu la n dɔɔ miibɔɔ la.

Denii Yeesu kpa paanuuzi la, di suŋŋi wiizi du a ni, ka lawaa mɔnni di bɔnni nɛra la maa n soge de la maa. Gunnɛ u kaa ɛɛ nyinni la ge gba. Ba maa di di piŋ. Baŋ wa diwee tuŋ, Yeesu ŋɔ u hiŋra la be, “Ií ga paagi anla baŋ diwee ka ka la, á gilɛɛ ta.”

Ba saa muugbera la guŋŋ lugɔ kilomitazi anue gɛɛ anumbɛl. Denii ba ga na Yeesu, di u vol nii la nyuu di ra ba ba be. Ɔnsii lau baa werge maa. Yeesu ŋɔ ba be, “Minuu. Ií gilɛɛ ra ɔm!”