Versículos bíblicos populares de Genesis 6

Compartir

Talagang nasmekan it AMPUꞌANG DIYUS i in unuka giyuna yay taw baw piyadakel kat sinirungat langit. Talagang nasusa nga banar i nakem ya.

Namuyaan it Ampuꞌang Diyus nga karaꞌe-raꞌetan nay nakapnuꞌ duꞌun it katataawan ngayti, ka pagsumbayaꞌen na nira nga banar i muꞌsang karaꞌe-raꞌetan kat nakem nira.

Temed si Noe ngayti, siyagyaan kanyat AMPUꞌANG DIYUS.

Talagang si Noe ngayti, mataldeng kanya kat panleteg it Ampuꞌang Diyus. Kat iting timpu, kanya lamang i magayen nga adat it taw, ega nay beken. Talagang pagpaꞌresan ni Noe i kaꞌirgan it Ampuꞌang Diyus nga bilang kaꞌiba-iba ya nga pirmi.

Iyan atnakayti, maat it AMPUꞌANG DIYUS, “Puuꞌun kuy katataawan nga giyuna ku kat sinirungat langit. Ega lamang taw, pati mga ramu-ramu baw manu-manuk, ka magkasmekan kuy in unuka giyuna ku sira.”

Iyan dimnakel nay taw kat sinirungat langit, nagsigꞌanak-anak na. Dakel na nga mga babay i ipiyanganak. Paribasay mga daraga i mga babay ngayti nga anak it taw, naꞌirgan it mga anak it Ampuꞌang Diyus. Egay beken, siyari nira nat asawa i kanya-kanyang naꞌigut mata. Ta it atkayti na, maat it Ampuꞌang Diyus, “Ega na ipasigi ku i buwat it Espiritu Santo ku nga magpadisir baw magsupil it katataawan, sabap nagpadura-duraꞌit na sira it adat nga maraꞌe-raꞌet. Takaꞌ ildawan ku naga sira it sang gatus baw duwang puluꞌ nga taꞌun i kaꞌlay.” Kat iti nga timpu, timpu ngayti nga namagpangasawa na i paꞌaaten nga mga anak it Ampuꞌang Diyus it mga paꞌaaten nga mga anak it taw baw namagꞌanak-anak na ngayti, may mga taw na nga lagi nga pagtaꞌwagen it Nefilim. Nagpanaw paꞌ it naꞌlay may iti paꞌ nga mga taw. Baw mga Nefilim ngayti, matanug nga mga mandadaꞌeg nga mga taw.

Ta, muꞌsa ngayting ipiyagꞌaat it Ampuꞌang Diyus nga munaꞌaw ya it ki Noe, siyunud nga muꞌsa ni Noe.

Iyan atnakayti, inaat it Ampuꞌang Diyus si Noe, “Kayti puuꞌun ku nay muꞌsang taw, pati banwa ngaytu, tunawun ku na, sabap talagang punung-punuꞌ nay banwa ngaytu it karaꞌe-raꞌetan nira.

Takaꞌ imu, magbuwat ka it subuk dakulang baul nga masakayan mi. Kayu nga sipres i buwaten mu. Seled-seleden mu in maꞌman mu na baw palanayan mut paparkat i paseled paliꞌwan isaꞌun ega tubudan.

Kamatuudan, kat panleteg it Ampuꞌang Diyus, talagang karaꞌe-raꞌetan nay betang it sang kinleban.

Baw kumargaꞌ ka naga it muꞌsang mga ramu-ramu gasiꞌ, nga kat kada kalasi tagduwang batu i ikargaꞌ mu, isaꞌun makaꞌuyut sirat imyu nga maꞌped. Lalaki baw babay i ikargaꞌ mu.