Versículos bíblicos populares de Ma̱rkut 4

Compartir

Nang gu nshyip a̱ni, a̱ si̱ doot a̱ si̱ kam wun hu, a̱ si̱ nyia̱ ma̱ng ywan a̱sa̱khwot hu, “Yong, tyia̱ nywang!” A̱jawa wun hu si̱ kin tyia̱ bobwak, a̱wot a̱mgba̱m a̱vwuo ka si̱ kin tyia̱ lyot! A̱wot Yesu si̱ nyia̱ ma̱ng mman ta̱m nggu na a̱ni, “Yihwa mbyia̱ nang nyi nfa̱k a̱wun na a̱nia? Ba̱ng ba̱ tat a̱fwun, nyi ka̱n nwuak fwuo da̱ nung baa?”

Ba̱ si̱ fa̱k a̱wun ba̱t. Ba̱ si̱ nwuo lyi̱ri̱m á̱ghyang mba nyia̱, “A̱nyan wa lili huni? Hat nang wun ma̱ng ywan a̱sa̱khwot nfwuong khai nggu hu!”

Nang Yesu shya̱ ma̱ lyim kukwon a̱wak ka a̱ khat nda a̱ sak a̱pyia̱ ka di̱ kyang saai a̱pyia̱ hu; mman ta̱m nggu na si̱ shyip guu. Ba̱ si̱ nyia̱ ma̱ng a̱nggu a̱ni, “A̱tyu tyiet, a dam baa, zi̱ na kwi ma̱ a̱sa̱khwot?!”

Yesu si̱ bu nyia̱ ma̱ng a̱mba a̱ni, “Nyi myiai a̱fufwuo nyi fa̱k shansham! Si̱sak ji nang a myiai a̱fufwuo a̱ni, a̱nia wa a na nfi̱k shansham; a̱wot á̱ na mbeang ang lyen.

Yesu si̱ bu nyia̱ ma̱ng a̱mba a̱ni, “A̱ni wa nang Tyok A̱gwaza hu ndi; ku li nang a̱tyu a̱ nat nai zwá yak ma̱ a̱byin a̱ni. Á̱ kwai á̱ doot, zwá yak ji̱ si̱ ta, ji̱ si̱ laai. Da̱ a̱nggu, a̱ lyen si̱sak ji á̱ nnyia̱ a̱ni bah.

Konyan wa chat lyen a̱ni, gu myiai a̱fufwuo gu fa̱a̱k!”