Versículos bíblicos populares de MARK 2

Compartir

Jesu’n hichu a jah tahin, a kawmvah, Mi damte’n doctor a mamoh sih va, mi damloute’n a mamoh zaw uhi; midihtatte kou diing a hung ka hi sih a, misualte kisiihsah diing a hung ka hi zaw hi, a chi hi.

Jesu’n a gindan uh a muh in mizeng kawmah, Tapa, na sualnate ngaihdam ahita, a chi a.

Huleh ama’n a kawmvah, Khawlni chu mihing a diing a bawl ahi a, mihing chu khawlni a diing a bawl ahi sih.

Huleh mitam jiaha a kawm nai a ahung theih louh tahun a umna inn tung a hong va; huleh a pheet vang zohun, mizeng chu a lupna toh a khaikhesuh uhi.

A khoi hitaleh mihing Tapa’n leitung ah sualnate ngaihdam theihna, a nei chih na heetna diingun, (mizeng kawmah), Thou inla, na lupna la inla, na inn lamah chiahta in ka hung chi ahi, a chi a.

Mizeng kawma, Na sualnate ngaihdam ahita, chih leh, Thou inla na lupna la inla, keengin chiahta in, chih khoi a baihlamzaw ei?

Huleh amah chu a thoupah a, a lupna la in a bawn va mitmuh ah a chiahdohta hi; huchi'n a bawnun limdang a sa va, Hichibang mawngmawng i mu ngei sih, chi'n Pathian a paahtawi uhi.