Versículos bíblicos populares de Enzũko 17

Compartir

Neryo omugulu Abramu abya wʼemyaka makũmĩ mwenda nʼomwenda Omwami Mukulu mwamuhulukira, mwabũga naye ati, Ĩngye indi Nyamuhanga Omũtokĩ Wʼebyosĩ. Ulendere embere syage, ũhĩkane.

Kandi erĩna lyawe siryendisyaswahulwa mo Abramu, nĩkwa erĩna lyawe lyasyahulwa mo Abrahamũ kusangwa nabirikuyira mo tata wʼebihanda bingi.

Neryo nasyahanganĩa endagano yage omo katĩkatĩ kage nawe nʼoko bana bawe enyũma syawe oko syondengo syabo busana nʼendagano ya kera na kera, eribya Nyamuhanga ukʼuwe nʼoko bana bawe enyũma wawe.

Nĩkwa ĩngye, lebaya, endagano yage iri haguma nawe, Wasyabya ĩse wʼebihanda bingi.

Neryo Nyamuhanga mwabũga ati, Iyihi, nĩkwa Sara mũkalĩ wawe asyakubutira omugala, nawe wasyahula erĩna liwe mo Ĩsaka. Nage nasyahanganĩa endagano yage haguma naye oko ndagano ya kera na kera busana nʼabana buwe enyũma wuwe.

Kandi nasyakuha, nʼoko bana bawe enyũma wawe, ekihugo ekyo wabirirenderamo mo mubunga, ekihugo kyosĩ kyʼeKanana, eribya bũsokĩ bwawe bwa kera na kera, nage nasyabya Nyamuhanga wabo.

Neryo Abrahamũ mwalambama, mwaseka, mwabũga omo mutima wuwe ati, Omwana asyabutwa oko wʼemyaka erĩgana kwehĩ? Na Sara naye, oyũ wʼemyaka makũmĩ mwenda, asyabuta kwehĩ?

Neryo Nyamuhanga mwabũga na Abrahamũ ati, Nĩkwa busana na Saraĩ mũkalĩ wawe, siwendisyaswahula erĩna liwe mo Saraĩ, nĩkwa erĩna liwe lyasyabya Sara.

Nenyũ mwasyabanĩbwa omo mubiri wʼengoba, nʼekyo kyasyabya kiminyikalo kyʼendagano omo katĩkatĩ kage nenyũ.

Nĩkwa endagano yage nasyahanganĩayo na Ĩsaka, oyo Sara asyakubutira oko mugulu ono, oko mwaka owakasa.

Nʼoyo wamabya wʼebiro munani omo katĩkatĩ kenyũ asyabanĩbwa, obuli mulume omo katĩkatĩ kʼesyondengo syenyũ, omubutwa omo nyũmba, kutse oyukagulawa oko franka oko bandu bʼehandi ate oko bana bawe. Oyukabutawa omo nyũmba yawe, nʼoyukagulawa oko franka, atolere ĩnĩabanĩbwa. Neryo endagano yage yasyabya omo mubiri wenyũ mo ndagano ya kera na kera.