Versículos bíblicos populares de Sant Lucas 11

Compartir

Mar gouzoc’h eta c’houi, pere a zo fall, rei traou mad d’ho pugale, pegement muioc’h e roio ho Tad celestiel ar Spered‐Santel d’ar re her goulen diganthan?

Me ive a lavar deoc’h: Goulennit, hag e vezo roet deoc’h; klaskit, hag e kavfot; skoit, hag e vezo digoret deoc’h.

Rag an hini a c’houlen, a receo, hag an hini a glask, a gav; hag an hini a sko, e vezo digoret dezhan.

Ha Jesus a lavaraz dezhe: Pa bedot, livirit: Hon tad pehini a zo en envou; da hano bezet santifiet; ra zeui da rouantelez; da volontez bezet great var an douar evel en env

pardon deomp hor pec’hejou; rag ni a bardon ive d’ar re holl ho deuz hon offanset; ha n’hon lez ket da gweza en dentation; mes delivr ac’hanomp diouz an drouk.

ro deomp bemdez hor bara pemdeziec

Al lagad eo sclerijen ar c’horf; rag‐se mar d’eo iac’h da lagad, da gorf holl a vezo sclerijennet; mes mar d’eo fall, da gorf ive a vezo en devalijen.

Den e‐bed na allum eur c’houlaouen evit he lakaad en eul leac’h kuzet, pe dindan eur boezel, mes he lakaad a ra var eur c’hantoleur, evit ma c’hallo ar re a zeu en ti gwelet ar sclerijen.