Versículos bíblicos populares de LINJIILA YUUHANNA 5

Compartir

«Ka haqiiqa haqiiqa mi andinii on, kala on heɗiiɗo kongol an ngol, gomɗini Nuluɗo lan on, haray on no e *ngurndan poomayankejan. Awa kadi o aretaake e ɲaaweede, ko fii haray o iwii e mayde, o arii e ngurndan.

Iisaa yi'i on no waalii, o andi on no ɗon gila neeɓii. Kanko Iisaa o wi'i on: «Hiɗa faalaa hettude cellal?»

Hiɗon taskoo bindi ɗin, ɓay hiɗon sikka ko kanji heɓirton ngurndan poomayankejan, e hin-le ko ɗin seeditii fii an. E hara-le on faalaaka arude e an fii heɓugol ngurndan ɗan.

Onsay Iisaa wi'i mo: «Immo, ƴettaa dankun maa kun, yahaa.» Ɗon kisan on neɗɗo hetti cellal, o ƴetti dankun makko kun, o woni e jindugol. Ɗun hawrondiri e *aseweere, ɗun ko *ɲalaande fowteteende e mun nden.

Kono Iisaa jaabii ɓe, wi'i: «Ka haqiiqa haqiiqa mi andinii on, Ɓiɗɗo on waawataa waɗude hay huunde immorde e makko kanko tigi, si hinaa ko o yi'i Baabaajo on no waɗa kon. E kala ko Baabaajo on waɗi, Ɓiɗɗo on kadi waɗiray wano non.