Versículos bíblicos populares de Noo Mian 7

Compartir

Yeearree‐jee, as yiow shiu: shirjee, as nee shiu feddyn: conkjee, as yiow shiu fosley.

Son ta dy chooilley unnane ta geearree geddyn: as y fer ta shirrey feddyn: as dasyn ta cronkal, bee’n dorrys er ny osley.

Quoi‐erbee er‐y‐fa shen ta clashtyn ad shoh my ghoan’s, as jannoo ymmyd mie jeu soylee‐ym eh gys dooinney creeney hrog e hie er creg

Shen‐y‐fa dy chooilley nhee cre‐erbee bailliuish deiney dy yannoo riuish, jean‐jee shiuish y lheid cheddin roosyn: son shoh yn leigh as ny phadeyryn.

Er‐yn‐oyr dy nee chion ta’n giat, as coon ta’n raad ta leeideil gys bea, as s’tiark ad ta dy haaghey eh.

Immee‐jee stiagh er y ghiat coon; son lhean ta’n giat, as feayn ta’n raad ta leeideil gys toyrt‐mow, as shimmey ta goll er

Shen‐y‐fa my ta fys euish ta nyn beccee, kys dy choyrt giootyn mie da nyn gloan, cre‐woad smoo nee’n Ayr eu t’ayns niau nheeghyn mie y choyrt dauesyn ta jannoo aghin huggey.

Ny jean‐jee briwyns, as cha bee shiu er nyn mriwnys. Son lesh y vriwnys cheddin ta shuish briwnys, bee shiu hene er nyn mriwnys: as lesh y towse ta shiuish towse, bee eh er ny howse diu reesht.

As dy chooilley unnane ta clashtyn ad shoh my ghoan’s, as nagh vel jannoo ymmyd mie jeu, bee eh er ny hoylaghey gys dooinney ommijagh, hrog e hie er y gheinnagh

As cre’n‐fa t’ou cronnaghey yn brinneen t’ayns sooill dty vraarey, agh cha vel geill ayd da’n darrag t’ayns dty hooill hene? Ny kys jir oo rish dty vraar, Lhig dou yn brinneen y ghoaill ass dty hooill, as cur‐my‐ner ta darrag ayns dty hooill hene?

Bee‐jee er nyn dwoaie jeh phadeyryn foalsey, ta cheet hiu ayns coamrey keyrragh, agh cheu‐sthie t’ad nyn moddee‐oaldey jollyssagh. Ver shiu enney orroo liorish nyn messyn. Vel mess y villey‐feeyney er ny heiy jeh drineyn, ny mess y villey‐figgagh jeh onnaneyn?

Myr shen ta dagh billey mie tilgey mess mie: agh ta drogh‐villey tilgey drogh‐vess.

Cha vod billey mie drogh‐vess y chur magh: ny drogh‐villey mess mie.

Bee dy chooilley villey nagh vel gymmyrkey magh mess mie, giarit sheese, as ceaut ayns yn aile.