Versículos bíblicos populares de Yauhaas 17

Compartir

Koj txujlug yog lug tseeb; thov muab koj txujlug tseeb ntxuav kuas puab huv.

Txujsa ntev dlhawv moog ibtxhis ntawd, yog qhov kws puab paub koj hab paub has tas koj tuab leeg txhaj yog Vaajtswv, hab paub Yexus Khetos tug kws koj khaiv lug.

“Tsi yog kuv thov koj paab cov tuabneeg nuav xwb, tabsis kuv thov koj paab cov tuabneeg kws nov tej lug kws puab qha hab lug ntseeg kuv, kuas puab koom ib lub sab. Txiv, thov ca puab nyob huv wb, ib yaam le koj nyob huv kuv hab kuv nyob huv koj, Thov koj paab kuas puab ua tau ib lub sab, tuabneeg nplajteb txhaj paub has tas koj khaiv kuv lug.

Kuv tsi tau thov kuas koj coj puab tawm huv lub nplajteb nuav moog, tabsis kuv thov koj tsomkwm puab kuas puab tsi xob raug dlaab Ntxwgnyoog dlaag ntxag.

Kuv ua rua puab tau koob meej ib yaam le koj ua rua kuv tau koob meej, kuv ua le ntawd kuas puab koom tau ib lub sab ib yaam le wb koom tau ib lub sab. Kuv nyob huv puab hab koj nyob huv kuv, kuv ua le ntawd kuas puab txhaj koom tau ib lub sab, tuabneeg nplajteb txhaj paub has tas koj khaiv kuv lug, hab paub has tas, koj hlub puab ib yaam le koj hlub kuv.