Versículos bíblicos populares de Teg Num 5

Compartir

Petus hab cov timthawj teb has tas, “Peb yuavtsum noog Vaajtswv lug heev dlua le noog tuabneeg lug.

Puab naj nub moog qha Txujmoo Zoo kws has txug Yexus kws yog tug Mexiyas huv lub Tuamtsev hab huv puab tej tsev rua suavdlawg noog.

Petus has rua Ananias has tas, “Ananias ua le caag koj yuav ca dlaab Ntxwgnyoog kaav koj lub sab kuas koj dlaag Vaaj Ntsujplig tug Dlawbhuv, cov nyaj kws koj muag koj thaaj aav, koj tub muab ib co khaws ca lawm los sav? Thaus koj tsi tau muag koj thaaj aav, thaaj aav ntawd yeej yog koj le; thaus koj muab muag lawm, cov nyaj yeej yog koj le hab. Ua le caag koj yuav muaj lub sab ua le ntawd? Tsi yog koj dlaag tuabneeg, tabsis yog koj dlaag Vaajtswv!” Thaus Ananias nov Petus has le ntawd, taamsim ntawd Ananias txawm qaug ntawg hab tuag kag lawm; thaus suavdlawg nov zaaj nuav, suavdlawg ntshai kawg le.

Yog le ntawd, kuv has rua mej has tas, mej ca le tso cov timthawj nuav moog, tsi xob ua le caag rua puab. Tej num kws puab ua ntawd, yog tuabneeg kuas puab ua xwb, ces tej ntawd yeej yuav pluj moog, tabsis yog Vaajtswv kuas puab ua, ces mej yuav kov tsi yeej puab le. Yog mej tawmtsaam puab, nyob tsaam yog mej tawmtsaam Vaajtswv!” Cov numtswv pum zoo lawv le Nkamaliyees has.