Versículos bíblicos populares de Luc 9

Compartir

I sin, o sé bé kwlaa bé ke: Swran nga i waan oh suh n su'n, mon o klen i wun man min, ye o sue i waka'n tyen kwlaa o su n su.

Afin swran nga i waan oh seseh i wun'n, oh kpeh i nguan'n sin, sannge swran ng'o kpe i nguan'n sin min ti'n, swran so'n o sese i nguan'n sakpa.

Ye Jésus sé i ke: Swran ng'o tra charrue (*f24*) nun nan o nien i sin'n, o kwla di'a Nyanmien siéle'n i dyunman'n wié.

?Se swran kun nyan men wunmuan'n, nan se o satyi i wun annze se i nguan'n kpe sin'n, nzu ye o yô yé men io?

M bo n katyii Swran'n mh bah, swran'm béh wunh ke min nin n Si nin n Si ange mun é nyrun ti nyannyan o yô srô. Swran nga bo min, nin min nde'n ti nyannzuen kuin'n, ke mh bah so'n, nyannzuen wa kun min swran so'n ti.

Jésus séé i ke: Sôlôngbi'm bé le kunman la nun, ye anunman'm bo bé tu sin'n, bé le lawle, sannge m bo n katyii Swran'n n le'a lika bo n la nun dé wunmien bo kaan.

Swran ng'o so bakan nga nun n dunman nun'n, wuun m bobo min ye wa so min nuon, ye swran ng'o so min nun'n, wuun swran b'o sunmaan min'n, i nun ye wa soo. Afin swran ng'o ti amun kwlaa amun nun kaan'n, i sofue'n ye o ti daan.