Versículos bíblicos populares de TAUNET 6

Compartir

Ki riir let Kamuktaindet ne Toroor agobo chii ne ki yai eng' ng'wony, ak ki kas ng'wanindo eng' muguleldanyi.

Ki keer Kamuktaindet ne Toroor kole, oo miising' tengektap kimugulmet eng' ng'wony, ak kabwaatutik tugul che po muguleldanyi ko tengekto kityo peetuut age tugul.

Ago ki chamak Noah eng' taitap Kamuktaindet ne Toroor.

Chu isubi ko ooreetap kap Noah. Ki chiito Noah ne po imanda ak kogesunotkei eng' ibindanyi. Kibendoti ineendet ak Kamuktaindet.

Ak ki mwa Kamuktaindet ne Toroor kole, “Abare awong'u piik che ki ayai eng' ng'wony komugul; kong'etee chii, kiyagiik, che ichuutegei ng'wony agoi toriit alak tugul che po parak; ki mata myee ayai icheek.”

Ye kingo toi kotesagis piik eng' ng'wony ak kosich tiibiik, kogeer anyun `weeriigap Kamuktaindet tiibiichooto po piik kole korooron, komutyigei tugul che ki lewen koek kwonyiikwak. Ki mwa Kamuktaindet ne Toroor kole, “Ma tebee `Kabuusennyu chii agoi amu ineendet ko poorto. Ko uu nooto anyun, ko egu peetuusyekyik kenyiisyek pogol ak tiptem.” Ki miitei Piik che eecheen che uu chemosin ng'wony eng' peetuusyechooto, ye kingo tuiyogei weeriigap Kamuktaindet ak tiibiigap piik ak kosikyi icheek lagok. Lagochooto anyun ko ki ek piik che ki nyigoonen ko po keny, ak ki murenik che ki taagunotiin.

Ki yai anyun Noah ko uu nooto; ki yai kiy tugul ko uu ye ki ng'at `Kamuktaindet ineendet.

Ak ki leenji `Kamuktaindet Noah, “Kaabegechi agees piik tugul, amu oo puunyoondit ak ng'emisyet eng' ng'wony amu icheek. Ko uu nooto anyun, ang'eme icheek kobooto ng'wony komugul.

Yachigei moinget ne po keetiigap taragonik; ak ipchei kooriik che mengeechen eng' moinget ak imale manget oriit ak saang'.

Ki iro Kamuktaindet ng'wony kole ki kong'emak, amu kiga kowelel piik tugul atebosyekwak eng' ng'wony.

Ketu alak eng' tuguuk tugul che saptos kobwa moinget oriit, aeng' aeng' che po ooreet age tugul, si iriip kosapcho kobooten, lewen kirgit ak subeen.