Versículos bíblicos populares de Máciya 6

Compartir

Jijand jiyinoo mata Jáyiiyaju jata Ateemit ban li jiloŋ loon afañumuu, wah waawu feh fan asenuul wo afamen to.

Jakum jiyinoo ŋáa’ yata kajom, mata kajom fan jibaj uyinoo wakee. Hunakoohunak sílaam ho sifite.

— Mó mújimuu li eenuul: Jakum jiyinoo ŋáa’ mata buloŋabu booluul. Jakum jiyinoo ŋáa’ waa jóomi li jitiñ, li waa jommuu li jihob. Jakum foof jiyinoo mata eniilaayi yooluul, min joon waa jóomi li jikoko. Inti buloŋ lahaŋe hutiñ? Eñiil, inti lahaŋe búkoko?

Bale awu, ufañumuu kal̥aw, li ujow ubaboo li káfitaku kooli, min ul̥aw Atuubayi aano tomuu tan yolomuu. Atuubayi Ateemit, ajukemuu wah wakaani li huyoloo, fan alaañeni wo.

— Muñeˈe jóotimuu jinaak jil̥aw eeno: «Atúubawoli ammuu haatiya, kajawi kúkaanumi. Jáyiiyaju jiya jibil. Húfañumahu huya ubaj li etaamayi loon haatiya.

Usénoli síyaat wahawu wan jóotimuu jitiñ síyaat.

Ban li ubonket bafetabu bóololi loon jibonketemuu foof kafetemuu li óloli.

Ban jakum úkatoli min jilo li jabunt, bale úfakenoli li Majakutamu. Mata awu ukile jáyiiyaju, li sembaasu, li máyiineniyamu boot nanoonan, Aameen.»

«Mata jibonketumuu kafetumuu li bukuluul, Atuubawuul ammuu haatiya fan abonket foof bafetabu booluul.

Fan jijuke basuuwabu báyititoolemuu haatiya. Búwañeliit, búcaceliit; bújoojeneliit mutiñaay bujow butah li bulaŋen. Atuubawuul ata haatiya inti ummu min ákuumene bomuu? Ban inti bukuluul jihaŋ bo?

— Jakum jiŋes min jibaj ebaj yáamak boot li bukuluul li etaamayi, dán bulolabu li búkolabu buyilimuu bukajen wah, li dán ékuuwayi eyilimuu élu kuteefaku min ékuwet wah. Bale jiŋes min jibaj ebaj boot li bukuluul híndo emitayi, dán bulolabu li búkolabu buyilaatumuu bukajen wah, li dán ékuuwayi eyilaatumuu élu kuteefaku min ékuwet wah. Mata tan ebajayi yooli yommuu, to foof buyinumabu booli bommuu bulako.

— An ayilaat alako aloka ata kunahaan kúl̥uba li mano, mata fan alat akee min afañ aahu, mantee foof fan átuul akee, min abes aahu. Jiyilaat jilako li mano emiikeel yata Ateemit li foof yata sídalam.

Ateemit afan ásangen élunfenayi inyu yammuu síyaat li siŋamasu, yan jihaasumuu joon kajom fan ebeteni li sambun, háŋum bukuluul humumuul? Mó káyinenuul kukite kutiti!

Bale usenumuu asukateen wah, jakum ukat maayeet abukeyi ata húkow min ahaas. Bájum li lako wah wakaani li huyoloo. Ateemit, Atuubayi ajukemuu wah wakaani li huyoloo, fan alaañeni wo.

— Jíkaanum, jakum jikaan wahawu wan Ateemit afañumuu hákil ésukayi feh, mantee bukanabuku li kujukuul. Mata jikaan momuu, Atuubawuul ata haatiya let acaamuul.

— Jilakomuu kamommo boot kal̥aw, jakum jíyiyenoo loon káhoolomuu kukaanemuu, kañootenemuu wuuliil bájum ésukayi li ehaas yoon kamommo kóomi lí kó. Li mal̥egenamu fan ilobuul, bacaamabu booliil kuyab bo kuban. Bale ulakomuu kamommo boot kal̥aw, ufos buuli ban li úl̥aasul walawu wooli. Bájum ésukayi jakum ehaas yoon kamommo lóomi lí kó, min Atuubayi bale ahaas, aano tomuu tan yolomuu. Ateemit, Atuubayi ajukemuu wah wakaani li huyoloo, fan alaañeni wo.