Versículos bíblicos populares de Yohana 3

Compartir

Nguno ū Mulungu abatogilwe no a ba mu sī, kūshisha nose ūmfunya Ng'wana wakwe ūmò wike; gīkī būlī ng'wene ūyo ūnzunya atizūyagala, alīyo abize na būpanga butashelaga.

Ū Mulungu atantūmile ū Ng'wana wakwe kwiza mu sī kūlwa kūbinha nsango a ba mu sī, alīyo a ba mu sī bapījiwe mu nzīla yakwe.

Ū Yesu ūnshokeja ūng'wīla, “Zunyaga nalīkūwīla go ng'hana gīkī, ū munhū ūlū atabyalilwe būpya, atūdūla ū kūbūbona ū būtemi bo ng'wa Mulungu.”

Būlī ng'wene ūyo ūnzunya atinhwa nsango, alīyo būlī ng'wene ūyo atanzunije alī mu nsango, nguno atalīzunije ī lina lya Ng'wana, ūyo alī Myalwa ūmò wike wa ng'wa Mulungu.

Ū nsango ūyo gūlīho gwene gūlī gīkī, ī lisana lyamalile kwiza ū mu sī, alīyo a banhū bashitogilwe ī giiti kūtinda ī lisana, īkī ī shītwa shabo shilī shabūbi.

Ū wei shing'wigeleelilwe kongeja kūhangama, lelo ū nene ng'wene nongeje kūdoha.”

Nguno būlī ng'wene ūyo akīītaga yabūbi alīkolilwe ī lisana, hangī atūdūla ū kwiza ū kūlyo, nguno atatogilwe ī shītwa shakwe shibonwe.

Ūyo ūnzunya ū Ng'wana alī na būpanga butashilaga, lelo ūyo atūnzunya ū Ng'wana, atūbūbona ū būpanga, alīyo ū būpelanu bo ng'wa Mulungu būng'wikalīlile!”

Ūmo Musa akasungīla nzoka higūlya kū matogolo, h'ūmo nū Ng'wana wa Munhū shing'wigeleelilwe asungwe higūlya

Ū Baba antogilwe no ū Ng'wana wakwe, na lūūlū pyī ī shikolo ashitūūlile mu nkono gokwe.