Versículos bíblicos populares de مَرکاس 14

Compartir

گوَشتی: ”ابّا، او منی پت! تئیی دستا هر چیزّ بوتَ کنت. سکّیانی اے پیالها چه من دور کن، بله منی واهگئے سرا نه، هما پئیما که تئیی رزا اِنت.“

هُژّار بێت و دْوا کنێت که آزمائِش و چَکّاسا مکپێت. روه وَه تئیار اِنت، بله جسم نِزۆر اِنت.“

شمارا راستێنَ گوَشان، سجّهێن دنیایا، هر جاه که وشّێن مِستاگئے جار جنَگَ بیت، اے جنێن و اِشیئے کار هم یات کنگَ بنت.“

گۆن آیان گوَشتی: ”منی دل سکّ پرێشان اِنت و اَندۆهان منا مَرکیگ کرتگ، شما همدا بدارێت، مئوپسێت و هُژّار بێت.“

وهدے شام کنگا اَتنت، ایسّایا نگنے زرت، هُدائے شُگری گپت، نگنی چُنڈ چُنڈ کرت و مُریدانا دات. گوَشتی: ”بزورێت! اے منی جسم و جان اِنت.“

پدا پیالهے زرتی، هُدائے شُگری گپت، مُریدانا داتی و سجّهێنان چه همے پیالها نۆشِت. نون گوَشتی: ”اے منی هۆن اِنت، اَهد و پئیمانئے هۆن که په بازێنێا رێچگَ بیت.

ایسّایا گۆن مُریدان گوَشت: ”شما سجّهێن ٹَگلَ ورێت و منا یلهَ دئیێت. چێا که نبیسگ بوتگ: من شپانکا جنان و پس شِنگ و شانگَ بنت.

پاد آێت که رئوێن! آ که منا درۆهیت، پێداک اِنت.“

ایسّایا گوَشت: ”ترا راستێنَ گوَشان، همے مرۆچی، هئو اِنشپی، تئو چه کرۆسئے دومی بانگا پێسر، منی پَجّاه آرگا سئے رَندا اِنکارَ کنئے.“