Versículos bíblicos populares de لوکا 4

Compartir

” هُداوندئے روه منی سرا اِنت، آییا منا رۆگن پِر مُشتگ تانکه وار و نێزگاران وشّێن مِستاگے برسێنان، منا دێمی داتگ که بندیگ و اَسیران آزاتیئے بشارتا بدئیان و په کۆران بیناییئے مِستاگا برسێنان، زُلم دیستگێنان برَکّێنان و هُداوندئے مِهر و رهمتئے سالئے بشارتا بدئیان.“

ایسّایا پَسّئو دات: ”پاکێن کتابا نبیسگ بوتگ: وتی هُداوندێن هُدایا پرستش بکن و تهنا هماییئے هِزمتا بکن.“

ایسّایا پَسّئو دات: ”پاکێن کتابا نبیسگ بوتگ که مردم تهنا په نان زندگَ نبیت.“

ایسّا، هُدائے پاکێن روها سررێچ، چه اُردُنئے کئورا پِر ترّت و پاکێن روه، گیابانا آییئے رهشۆن اَت.

ایسّایا پَسّئو دات: ”پاکێن کتاب چُش هم گوَشیت: وتی هُداوندێن هُدایا مچَکّاس و آزمائِش مکن.“

شئیتانا، وهدے وتی سجّهێن چَکّاس هلاس کرتنت، ایسّایی په دگه شرترێن وهد و مۆهێا اِشت و شت.

گڑا شئیتانا آ، یکّ بُرزێن جاگهێا برت و په یکّ دمانے دنیائے سجّهێن بادشاهی پێش داشتنت و گوَشتی: ”من اِشانی سجّهێن وَس و واک و شئوکتا ترا دئیان، چێا که اے منی دستا کپتگ‌اَنت و من هرکَسا بلۆٹان، دئیانِش. پمێشکا، اگن تئو منا پرستش بکنئے، اے سجّهێن تئییگَ بنت.“ ایسّایا پَسّئو دات: ”پاکێن کتابا نبیسگ بوتگ: وتی هُداوندێن هُدایا پرستش بکن و تهنا هماییئے هِزمتا بکن.“

رَندا، شئیتانا ایسّا اورشَلیما برت، مزنێن پرستشگاهئے دیوالئے بُرزترێن جاگها اۆشتارێنت و گوَشتی: ”اگن تئو هُدائے چُکّ ائے گڑا وتا چه اِدا جَهلاد دئور بدئے. چێا که پاکێن کتابا نبیسگ بوتگ: هُدا په تئیی نِگهپانیا وتی پرێشتگان هُکمَ کنت و آ، ترا وتی دَستانی دلا دارنت تان تئیی پاد ڈۆکێا ملگّیت.“ ایسّایا پَسّئو دات: ”پاکێن کتاب چُش هم گوَشیت: وتی هُداوندێن هُدایا مچَکّاس و آزمائِش مکن.“