Versículos bíblicos populares de پێدایش 21

Compartir

هما پئیما که هُداوندا وت گوَشتگ‌اَت، سارَهئے سرا مهربان بوت و په سارَها هما کاری کرت که وادهی کرتگ‌اَت.

هُدایا چُکّئے تئوار اِشکت و هُدائے پرێشتگا چه آسمانا هاجِر گوانک جت و گوَشت: ”هاجِر! ترا چے بوتگ؟ متُرس. چُکّ هما جاگها که اێر اِنت، هُدایا آییئے تئوار چه همۆدا اِشکتگ. پاد آ، چُکّا چست کن، دستایی گِر که من آییا مزنێن کئومے کنان.“

سارَهئے لاپ پُرّ بوت و اِبراهێمئے پیرانسریا په آییا مَردێن‌چُکّے آورتی. چُکّ هما گیشّتگێن وهدا پێدا بوت که هُدایا چه پێسرا اِبراهێم هال داتگ‌اَت.

سارَها گوَشت: ”هُدایا منا ’کَندَگ‘ داتگ و هرکَس که سهیگَ بیت، گۆن منَ کَندیت.“

بله هُدایا گۆن اِبراهێما گوَشت: ”په بچکّا و وتی مۆلدێن زالا پرێشان مبئے. هرچے سارَه ترا گوَشیت، هما وڑ بکن، چێا که تئیی نَسل و پَدرێچ چه اِساکا زانگَ بیت.

من مۆلدێن زالئے چُکّا هم کئومے کنان چێا که آ هم تئیی نَسل و پَدرێچ اِنت.“