Versículos bíblicos populares de João 7

Compartir

Habiaskari Deusũ hãtxa keneni keska wakĩ tsuãra ea ikũwaĩ hawẽ huĩti meranua hiwekuĩmati hene habai netsuama ishanikiki, hatu kuxipa wairã— hatu waniki.

Nawai keyui hawẽ henei ma shaba dabe inũ besti kaya nawai besi bexiã ma kakatsi keyui dasibi itxahairabũ Jesus benikawã hãtxa kuxipawẽ hatu yuikĩ: —Ũpash manuhairai mã tetsusinairã, eanu beshũ aki bekãwẽ, ea ikũwãkinã.

Haska nuku yuikinã, Deusũ Yushĩ Pepakiri nuku yuiniki. Hanushũ Jesus ikũwaĩbu hawẽ kuxipa Deusũ inanũ ikaya Jesus mawa besteã hawẽ Epanu kariamakẽ Deusũ Yushĩ Pepa nuku inãyuama iniki.

Haskakẽ hawara bemakia uĩtã xinaĩ hawaira hãtxayamakubaĩkãwẽ. Hakia hawara mã unãti wakatsi ikairã, hawa kaneama uĩ pehairawatã pe xinãkĩ unãti watã ikubaĩkãwẽ— hatu waya

Hamẽ huni betsa ibubis hatu kẽwãmakatsi ikirã, yusĩnã pepai hawẽruamisbuki. Hakia hatũ ea yununi ẽ matu kẽwãmakatsis ikaiwẽ taea txakabuuma pepa besti yui ẽ txani txakamaki. Haskawẽ taeshũ tsuã ha yusĩakiri ekiri metutirubumaki.

haska hãtxaibu unãkĩ Jesusũ hatu yuikĩ: —Na ẽ yusĩaĩ mã nĩkairã, enamaki. Ea hatũ yununitũ xinãwẽ ẽ matu yusĩ ikaii.

Jesusũ hatu yuikĩ: —Haska ẽ ishanairã, kemariamaki. Maturã, tsuã matu hawa danãbuma hamapaiaibutiã mã katiruki. Hakia eãnã, hatũ txakabukiri shabakabi ẽ hatu yuiaiwẽ taeshũ eki sinatakĩ ea danãkanikiki. Haskawẽ taea ẽ daya ẽ meneriamawẽ taea ẽ kayutirumaki.