Versículos bíblicos populares de Gênesis 25

Compartir

Senhor Deusũ kemakĩ: —Ha bake dabe mĩ pustu meranuarã, habus hiwea yura shukua dabe detenameshanaibu bebũkiri mia bika tenemaibu mĩ hayaki. Huni bake dabe mĩ kaĩshanaii, betsa kushipa inũ betsa kushipa beshmasrã. Ha mashku kaiãtũ hawẽ betsa iyua tsuma washanikiki— aka

haskakubainaibũ shaba betsa bari kaya Jacó bawakĩ mabesh waya Esaú tsakai txaihaira ka txĩtũkirani hikitã punu nukahaira bunihairai mawakatsis ikĩ Jacó yuikĩ: —Punu nukahaira hui ẽ mawakatsis ikaii. Mĩ mabesh tashipa wa beatã menã ea amariwe, ea merabewakinã— aka mabesh tashipa yukaiwẽ taeshũ Esaú kena betsa wakĩ Edomki, nukũ hãtxawenã, tashiparã.

Rebeca ma bari itxapa kabia bake biamaskẽ Isaque merabewakĩ Senhor Deusbe Rebeca ea ashuna nĩkatã hawẽ nuikĩ Senhor Deusũ merabewa Rebecã tsupibu bake binikiaki.

hanushũ Esaú ana yuikĩ: —Ẽ iyuabia buni txakayamai ẽ mawa ha ẽ epã kushipa ẽ hayashanai ikis ea hawa merabewatirumaki. Peki. Ẽ mia hutxi waii— aka Jacó yuikĩ: —Haskabia Senhor Deusũ nuku uĩkĩ unãyã ha dukũ hawaira ea yubawe, mĩ ea yuba txipu ẽ mia pimairã— aka Esaú yukarãwã yuikĩ: —Senhor Deusũ nuku uiãyã ẽ mia yubaii, hutxi wakinã— aka

Hanua mashkũ iyuatũ tae txitxuku tsuma kaiã kenakĩ: “Jacóki”, anibukiaki. Hanua hawẽ aĩ Rebeca hawẽ bake dabe kaĩkẽ Isaque 60 ano hayanikiaki.

Isaque huni bake dabe yumei ewatã hanua Jacó hãtxaisma pes hawẽ mae dapishũ txashuwã mekei besti dayaya hakia hanu tsua hiweabumanu Esaú kashũ dekuyakĩ tsakanika metsapahairakũkaĩkĩ hawẽ epa Isaque yuinaka nami tsakashũ pimamiswẽ taeshũ hawẽ epã Esaú ha betxipaihairaya hakia hawẽ ewa Rebecãri Jacó betxipaihairariaya