Versículos bíblicos populares de Matie 7

Compartir

“Nyɛ́n sán kɩ yɛ lɛ tán nyɛ̀n; nyɛ́n ji kɩ nyɛ lɛ cɔ̀, nyɛ́n gɔ́n esù ɛkɔrɛ̀ kɩ ye le srú nyɛ̀n esù.

Ɔmuhi ɔwrɔn totɔtɔ̀n léyi kɛ sán nɔn, yɛ tán nɛ̀n, ɔwrɔn léyi ke ji nɔn nɛ lɛ cɔ̀, kɩ ɔwrɔn léyi kɛ gɔ́n esù ɛkɔrɛ̀ nɔn ye le srú nɛ̀n esù.

“Ɔmu lɔ de ɔwrɔn totɔtɔ̀n léyi ke die m'ankà-dɔ̀ nukùɛ, hɩ kɛ hán n'ɛkɔrɛ̀zì-ci nɔn, ke le dù kɛ̀ cá ɛnkruemɛ̀n-ẅɛn-wrɔn léyi ke ku n'ɔwɔn obù wú nɔn.

Eci léyi nye ji le yɛ hán yɛ tán nyɛ̀n nɔn, nyɛ́n mán nyɛ́n hán nyɛ́n tán nyɛ́n nyran hɔ̀n: ndɔ lɔ de Mohizì mán Ɔwɔ-mùanwú-ankà-dɔ́-bɔ̀ wrú hɔ̀n lɔ kɛ wá tán le yɛ hán nɔn.”

Tɛ́n esù cɛcɛ, kɩ ɛnlevri léyi ke sɩ́ ɛwúvà-kɔrɛ̀ mɛ̀n nɔn, krɛ-fɔ́n, kɩ anwrɔn ẅiɛ kɩ ke bɩ́ ɛnlevri lɔ.”

“Nyɛ́n ci angbàtà cɛ lɔ nyɛ́n bru anwɔn mɛ̀n! Ɔmuhi ɛci gbàngbàn sù lɔ ntrɛ̀, kɩ n'ɛnlevri lɔ ke sɩ́ anwrɔn léyi ke ci n'ɛwú nɔn ɛzrɛ́n mɛ̀n; kɩ anwrɔn bobrebe de ke ci nanvrɛn lɔ nɔn.

Anwrɔn gbàngbàn hɔ̀n léyi dú nyɛ̀n nɔn, nye nyri tán ny'ɛẅì hɔ̀n ɛci ankrànkràn. Anhɔntan de nyɛ́n Zi léyi dú anhobɩ́ nɔn ke sɩ̀ tán anwrɔn léyi kɛ sán nɔn ɛci ankrànkràn nɛ́n?

“Nyɛ́n bɩ́ ci nyɛ́n nyran hɔ̀n ɛmrɛ̀n ô kɛ hán tán Ɔwɔ mán ke ci nyɛ̀n ɛmrɛ̀n. Ɔmuhi Ɔwɔ mán ke le ci nyɛ̀n ɛmrɛ̀n kɛ lɛ hán ɔmu le nye ci nyɛ́n nyran hɔ̀n ɛmrɛ̀n, kɩ ne le bɩ́ eci zri léyi nye bɩ nyɛ wɔɛ́n ɛci nyɛ tán nyɛ́n nyran hɔ̀n nɔn, nɛ̀n wɔɛ́n ɛci nɛ̀n tán nyɛ̀n.

Tɛ́n ɔwrɔn totɔtɔ̀n léyi ke die m'ankà-dɔ̀ nukùɛ, hɩ ke sɩ́ hán n'ɛkɔrɛ̀zì-ci nɔn, ne le dù kɛ lɛ cá ɔbrɔ̀sà-wrɔn léyi ku n'ɔwɔn ɛnhiẅia mɛ̀n nɔn.

Cɛci kruhú kɛ ɛ nyan ankɔ̀hɔ́ ẅie léyi dú ɔmuan-ẅì ɛvɛ́-ẅìemɛ̀n, zɛtɛn e sɩ́ kán ɛtɛ̀-mù léyi dú v'ɛvɛ́-ẅì lɔ mɛ̀n nɛ́n? Anhɔntan de ɛ lɛ hán ɛ̀ dɔ́ ɔmuan-ẅì le: ‘Teze mɛ̀n, mɛ̀n mrɛ́n mɛ́n ankɔ̀hɔ́ ẅie ɛvɛ́-ẅìemɛ̀n’, tɛ́n ɛtɛ̀-mù dú v'ɛvɛ̀-ẅì lɔ mɛ̀n!

“Nyɛ́n wá anhyɔ̀n Wɔ-mùanwú-ankà-dɔ́-bɔ̀ ankà esùva, tɛ́n y'ɛnbɔrɛ mɛ̀n, yɔ dù yɔ hán ovú lɛ̀tù hɔ̀n hɔ́. Nyɛ́n le nyri yɔ, y'eci-hán mɛ̀n. Ye sɩ́ küɛ mango ɛwí-tɛ̀ wú, kɩ annyrɛn mán ye sɩ́ küɛ nɛ̀n ɛnbrà-wiemɛ̀n.

Ɛtɛ̀ ankrànkràn ke shi ɛẅì ankrànkràn, tɛ́n ɛtɛ̀ gbàngbàn ke shi ɛẅì gbàngbàn.

Ɛtɛ̀ ankrànkràn ke sɩ̀ shi ɛẅì gbàngbàn rɔ́, kɩ ɛtɛ̀ gbàngbàn mán ke sɩ̀ shi ɛẅì ankrànkràn rɔ́.

Ɛtɛ̀ totɔtɔ̀n léyi ke sɩ́ shi ɛẅì ankrànkràn nɔn, yɛ voyan nɛ̀n ku ɛnhyà.