Versículos bíblicos populares de Gɔwɔ tɔɔi 9

Compartir

Yálá yɛ nwɔ̨nɔ̨ diɛ: «Mįnɛ̨i tii kɔ́lɔn ɉɛn gaa mą, gwa kaa ni gu lɔwai, kwa nu kanŋaa ku lɔwai di yii hvóló kəlee yee mu, kpəla pələi hvo mą, ya ka: «Gáá nwɔ́ gbəi-mįlįįn naai yələ kwəi, yili ɓə pai kɛi a mįnɛ̨i ŋɛ̨i kwa yɛnɛ̨ɛ̨ nuą ku lɔwai, gili kɔ́lɔn ɉɛn.

Gbəi-mįlįįn gaa pai kɛi yələ kwəi, ŋą́ gaa, mįnɛ̨i ŋɛ̨i gaa, ɲą́ą́ kwa nɔ̨ɔ̨nɔ̨ɔ̨ ɉɛnŋaa kəlee ku lɔwai, nąą kili a too ŋą́.»

«Nui a mɛlan ɲąmą pu, nu lɔ ɓə a mąą nu ɲąmą pu, mąąhɔlɔɓo, Yálá ə nu pɛli Yálá kpinį mąą nįnįn ɉu.

Yálá ə lúwɔ́ too Noe da non ɉinąą diɛ, yɛ diɛ: «Ka ka káá, ka lɔi mɛ̨i laa hvɛɛ.

«Nɔ̨ɔ̨-nɔ̨ɔ̨ hɛnŋąąi kpɔ di kaa lɔi mɛ̨i, gəlee kaa a ka kɔ̨nɔ̨n, ŋą́ą́ yiliɠaai kəlee tɛɛ ka pɔ, yɛ pələi ŋį́ kala nwunŋąą kəlee tɛɛ la, gəlee kaa nwɔ̨nɔ̨ a ka wɔɔ.

Lɔi mɛ̨i huwɔɠaa da yələi nwɛ̨niɠaa kəlee, di kaa pai kɛi ɲɔwi kaa, ə mą kɛ tala huwɔɠaa kəlee da hɔwɔleeɠaa kəlee.

«Ka wɛi, ka ka káá, ka huwu ə ɓɛlɛ, ka lɔi mɛ̨i laahvɛɛ.»