Versículos bíblicos populares de O Kandɔɔ 9

Compartir

Mí Hala cɔɔlu vɛlɛ dimi aa: «Le fɛɛn a fɛɛn, te vanacieo co vɔ pɛ yoomu o ceendo coo, tɔɔmasele kpema ya yiilu niaa a ɲaa yoomaa-o co hoo ni: I kɛsi ninginangaa coocoo, ndu vanin tɔɔmaseloo le loonɔnndo a kpema ya yiilu niaa-o ni.

Ninginangaa hini pɛ o yumbuyumboo coo, mì tofa ndu, i loonun dɔ́ɔ́ a kpema ya yiilu ɲaa yoomaa o lɛŋnden coo le fɛɛn a fɛɛn-ndo.»

Kani vana soli pɛ vanacieo koovan, ndu bɛɛ vanacieo sòli ndu koovan. Bau a velan ya Hala-o ya cɔw vanacieo ni.

Mí Hala dɔaw Noe nda poaa ndɔa duaa, mó dimul nda aa: «La naŋ ipúlú, la kuí mì la pei lɛŋnden ca.

Ɲaa yoomaa co kelaa o lɛŋnden coo-a kpede vanin ɲɛ niaa diaa ni. Mɛɛ ya yɔngu niaa bil kiyɛiyo a yɔmii koamɛi le dioo yɛ, lende koni ya yɔngu vɛlɛ niaa ɲaa yoomaa kan ni.

Visia bɛndua a à pɔmbɔa o lɛŋnden coo, yowva, visia sasun lɛŋ-nda a suwva o peelo kpow a nɔnin siòòŋii niɛi. Niaa o ba bɛngu nda vanin ni.

Le niaa yɛ, la naŋ ipúlú, la kuí taw mì la tiw o lɛŋnden coo sɔ́.»