Versículos bíblicos populares de Luké 12

Compartir

Ko kimoutolu foki ke mou toka teuteu: he ko e hoko mai ‘a e Fanautama ‘a Tangata ‘e fai ‘i ha taimi ‘oku ‘ikai te mou ‘amanaki ai kiate ia.

Kehe pē ke mou kumi ‘a e pule‘anga ‘o‘ona; pea ‘e ‘atu mo ia foki ‘a e ngaahi me‘a ko ia.

Pea ne lea kiate kinautolu ‘o pehē, Mou ‘ā, ‘o le‘ohi kimoutolu telia ‘a e ngaahi mānumanu: he neongo ‘oku fu‘u lahi ‘a e koloa ‘a ha taha, ka ‘oku ‘ikai hoko ai ‘o tautau ‘ene mo‘ui ki he‘ene nga‘oto‘ota.

he ko e potu ‘oku ‘i ai ho‘omou koloa ‘e ‘i ai foki mo homou loto.

Pea neongo ho‘omou lotomo‘ua, tala‘ehai ‘e lava ‘e ha taha ke tolo‘i atu hono ta‘u ko ha fo‘i hanga.

Pea lea ia ki he‘ene kau ako, Ko e me‘a ‘i he‘ene pehē, ko ia ‘oku ou tala ai kiate kimoutolu, ‘oua te mou lotomo‘ua koe‘uhi ko ho‘omou mo‘ui, ki ha me‘a te mou kai; ‘uma‘ā homou sino, ki ha me‘a te mou ‘ai ki ai.

Ka na‘a mo e ngaahi tu‘oni lou‘ulu ‘omoutolu kuo ‘osi lau fakalāutelau. ‘oua te mou manavahē: ‘oku mou mahu‘inga ‘i ha fanga misi tokolahi.

Na‘i fanga sipi toko si‘i, ‘oua ‘e manavahē; he kuo finangalo ‘e ho‘omou Tamai ke ‘atu kiate kimoutolu ‘a e pule‘anga.

Mou vakai ‘a e fanga lēveni: he ‘oku nau tūtuu‘i pe tu‘usi, pe ai hanau loki pe feleoko? ka ‘oku fafanga kinautolu ‘e he ‘Otua; hono ‘ikai mahu‘inga noa pē kimoutolu ‘i he fanga manupuna!

Ka ko kimoutolu, ‘oua te mou fepōkaki ki ha‘amou kai, pe ko hamou inu, pea ‘oua te mou loto tāla‘a.

Pea kapau ‘oku kofu fakatafu‘ufu‘u pehē ‘e he ‘Otua ‘a e mohuku, ‘a ia ‘oku ‘i he kelekele he ‘aho ni, kae tafu ‘aki ‘a e ‘ōvani ‘apongipongi; huanoa ‘a kimoutolu, ‘a e kau tui vaivai!

Ka ‘oku ‘ikai ha me‘a, neongo kuo fufū ‘aupito, ka ‘e fakahā; pe lilo ka ‘e ‘iloa.