Versículos bíblicos populares de Sioné 1

Compartir

Ka ka ‘ilonga kinautolu na‘e ma‘u ia, na‘a ne fakamafai‘i kinautolu ke hoko ko e fānau ‘a e ‘Otua, ‘io, ‘a kinautolu ‘oku tui pīkitai ki hono huafa

‘I HE kamata‘anga kuo ‘i ai ‘a FOLOFOLA, pea na‘e feangai mo e ‘Otua ‘a Folofola, pea na‘e ‘Otua ‘a Folofola.

Pea ‘oku ulo ‘a e maama ‘i he po‘uli; pea na‘e ‘ikai lava‘i ia ‘e he po‘uli.

Pea na‘e hoko ‘a Folofola ko e kakano; ‘o ne fokotu‘u hono tāpanekale ‘i hotau lotolotonga, pea na‘a tau mamata ki hono Sikaina (ko ha lāngilangi na‘e taau mo ha ‘alo-tofu-pē-taha kuo ha‘u mei he‘ene tamai)–ta ‘oku ne fonu ‘i he kelesi mo e mo‘oni.

Ko e hoko mai ‘a e me‘a kotoa pē na‘e fou ‘iate ia; pea na‘e ‘ikai ha momo‘i me‘a ‘e taha ‘e hoko mai, ‘o ‘ata‘atā mo ia. ‘Ilonga ha me‘a kuo hoko mai na‘e nofo ‘i he toko taha ko ia ko e mo‘ui; pea ko e mo‘ui ko ia ‘a e maama ‘a e tangata.

Ko e ‘aho na‘a na feholoi, na‘a ne sio kia Sīsū ‘oku ha‘u kiate ia, pea ne pehē; Vakai, ko ena ‘a e Lami ‘a e ‘Otua, ‘a ia ‘oku ne ‘ave ‘a e angahala ‘a māmani!

Na‘a ne ‘i māmani, pea ko e hoko mai ‘a māmani na‘e fou ‘iate ia, ka ka ‘ikai ‘ilo ia ‘e māmani. Na‘a ne ha‘u ki hono ‘api tonu, ka ka ‘ikai tali ia ‘e hono kakai ‘o‘ona.

Kuo ‘i ai ‘a e Maama mo‘onia, ‘a ia ‘oku ne huluhulu ‘a e tangata takitaha, pea ‘oku ne ha‘u ki māmani.

He na‘e fou ‘a e Lao ‘ia Mōsese, ko e me‘a tuku mai; ka ka fou ‘a e kelesi mo e mo‘oni ‘ia Sīsū Kalaisi, ‘o mātu‘aki hiki mai.