Versículos bíblicos populares de A Luk Sõng 3

Compartir

A Zã waa n soo nebã n sɛ, t'a Zezi meng tol n deeg soobo. A Zezi sẽn waa n ket n pʋʋsdẽ la arzãn sẽn pake, tɩ Vʋʋsem Sõng sig b zug ne bũmb wẽnego, ne wall wẽnego. Koɛɛg n yi yĩngr n yetẽ: «Fo yaa mam bi-nongre, mam n dog foo rũnna bala.»

Dẽ la a Zã leok-b fãa: «Mam sooda yãmb koom; la ned n wate, tɩ b pãng yɩɩd maam; mam pa zem bũmb n na n lok b gãndalsa gĩs ye. Bãmb na n so-y la ne Vʋʋsem Sõngo la bugum.

Wom-y biis sẽn be yõodo, sũ-tekr biisi la y ra saag n yeele: ‹D ba la a Abraam ye.› Mam yeta yãmba tɩ Wẽnnaam tõe tɩ kugã sẽn digã, dog kamb n kõ a Abraam.

Marsã lar zoe n dɩga tɩɩs yẽgnẽ, tɩɩg ning sẽn pa womd-a bi-sõma fãa, b kɛɛgd-a lame n lob bugmẽ.»

wala b sẽn gʋls bãngd a Izayi sebrẽ: «Sẽn moond-a weoogẽ wã koɛɛg la woto: segl-y Soaala sore, maneg-y b soya n demse! Tãn-long fãa sĩdi! Sarem-y tãmsa la kunkuba fãa! Rems-y so-golomse! So-rʋda legb saalse! Tɩ woto ninsaal fãa na yãend Wẽnnaam fãagre.»