Versículos bíblicos populares de E Luk 23

Compartir

Ngta krong ngar engnang o hi knop, to e Yesus ta re te, “Titou ngia kol nga kerkeknen to enda patgiang ngaiting, ekam ko ngat lua mnor mang te, a ni ngaeha to msim ngat kaeharom e.” Ta re tok, to endruk ngma kar va tomten ngata khanier kam kir mo kmar kam mnor te, edim mnam mar nera kol langto langto mnam e Yesus karo it.

Va e Yesus tkoripang te, “Kua havaeng yin lmien te, her gi tete ta yin ngira korsang kar dok kuon ma Loot To La Vu Yar Hak.”

To thera reng e Yesus te, “O-Yesus, koknaik ko ila tavgo na komor o mia tgus, va ngiak pat mang dok.”

ko a kolkha tlo kta nan kat e. Tgi slok ngatngae. A kolkha ta slok vop, to e Yesus ta kael ka ktui klik kam re kuon mail te, “Titou, ngiak vaeng kua nunu ngok kmin ko ko kael ko maktiegom in.” Tre gia re tok knop, to ka ngaung thera mtiet he. Tyor tok, va vgum a yet to ta kaeltoot mang E Nut ka maksien ke rek Ka Taban To A Ho Totur Hak ko ther gi kommenik kam ngam ko vgum kalo gu tgus kmel kalo kae alomin.

To ngta ngorom kngae kpis ko mnam a mhe to ngma mon te, “A Mhel Ka Lpek Ka Kolhi.” To mnam a mhe to endo, ngat hera kaum e Yesus kar alo ngauruvik kam kaum ka krong ngar orom o ot kvat mar engnang o hi. Ko ngta srim a ngauruvik langto ko vanam e Yesus ka miktiek va langto ko vanam ka ksienga.

Pkolkha vop, va vgum a slommok ko ther gi pis pgeik komor a volkha va a mmie tgus kngae kais mavlemas ko a kolkha tlo kta nan kat e. Tgi slok ngatngae. A kolkha ta slok vop, to e Yesus ta kael ka ktui klik kam re kuon mail te, “Titou, ngiak vaeng kua nunu ngok kmin ko ko kael ko maktiegom in.” Tre gia re tok knop, to ka ngaung thera mtiet he. Tyor tok, va vgum a yet to ta kaeltoot mang E Nut ka maksien ke rek Ka Taban To A Ho Totur Hak ko ther gi kommenik kam ngam ko vgum kalo gu tgus kmel kalo kae alomin.

To lRom nga ngaomevek ka rkan langto kalaip tvokom ko e Yesus tyor tok, to khover E Nut ka munik kam re te, “O lmien hak he, a mhel to enda, en a mhel langto tlo vur eharom a kerkeknen tang hak.”