Versículos bíblicos populares de Gen 27

Compartir

Ainowi God kurina da garewa kunumai ina verem ma am tano ini biibiini da am mura ina rakata. Ina berai da witi ma wain kana greipi kuna yuna kirakiiyei. Ainowi da dobu ma dobu ina biga kubiim, ma dam ma dam ina runomem. Ma titim yoghoyogho kuni badesi. Ma am maduwa tupurereghina na peyarisi ina runomem ma ina vokaravem. Ainowi da iyavo kava inimagim na God inimagisi ma iyavo kava ini biibiinim na God ini biibiinisi.”

Ma Iso ere nuwavisina ivona bo, “Wena mara kana viruwa ivi beroberoweku. Kovi vava bubuni da tuna na ‘Jeikap.’ Kunona kaku gawara iviiya da ivi yaroko ma wekarakava na aku vibiibiina gwabimuwai iyapiya da ivi rapenei.” Muriyai ivi tarakiiyana bo, “Kade vibiibiina sago kuvi yapakei da kubiiku bo kegha?”

Ma Aisiki ivonei bo, “Kesago garewa kunumai inoru da tam kubiim, Kesago tano biibiina da kuna wayowei. Am yawasa kamonai na kuni tona da kuna makai. Ma tim kikei kubiine kuna biga. Ma mara sago koni kawapata kirakai, Ma tuna maranai kuna kiibutawei da nani vitana kuna tatawei.”

Ma Iso na ina mamai ivonei bo, “Kade vibiibiina sago kava kuvi yapakei kubiiku bo kegha? Aku mamai, taku bade kevi biibiiniku!” Ivi sisiya ikovi na itupagavovora da tou ivi karei.