Versículos bíblicos populares de Mak 13

Compartir

Ya iri lau mari kameh baseken aha bwe, tasah aha badeh, an hamon tek. Arile, are lau tawi iy ili isos munyak ano, Kindrei kameh winiyan akohok iy i hamon ja.

Bale aha kudu aliy! Aha kanyolom kamwenen, tasah aha tanan bwe, saba len handru, kameh iy eme hamon ja.

Ya, i buku none iri atehei aha ka ta sahou, aha sabwerei ta saba sahou kameh aha kasehek. Arile, i buku none len ta aliy asahan, aha kameh asehek sahou Kindrei edeu ewek taha, tasah sahou aha asehek kameh sahou taha bwe, sahou ta Malawin Ndrabun labai.

Kandrah hawe kon munyak dah kameh ano iu, arile sahou tek le kameh winiyan bano bwe.

“Ari ndramak bala tanan len, deh, mada an ta Laban eme hamon bwe. Iri angelo badu kandrah ma nadun ale tanan bwe, taman le ari badeh, tanan ai.

Ya i buku none ado anuhun kurutuwe bahun ereu mirihik, ma yoyou ta bahun ereu len, budon tado sandra-i, ndri-iy. Iri lakou doh kameh asahan bwena op, arile lakou mari ta ano kameh kahis le.

Ya aha kanyolom kamwenen, tasah aha tanan saba len tama asiu kameh eme bwe. Iy kameh asahan na beyeh, deh bwe, iy kameh asahan na ben alih deh, bwe na boho len deh, bwe na ma ndraben an eme loken. Koro-an iy keme i le mani tur, ya iy kameh kasilahei aha amadin kahis le. Lakou jo asehek nyala ado badeh, jo asehek nyala aha mari ya mada aha kaleu!”

Tasah, kon munyak tinan ari kameh amekes bahun i ta kon tinan ari, ya kabin badu kon rakon kameh amekes bahun i ta kabin badu kon rakon ja. Ma idah kameh kon ari ari kameh ndroi asahan aliy, ma son kameh asahan bolo kon. Iri lakou mari doh anya kasahan buku none sisi-in ta badih anya kato-ou nah.

Eme ma sahou mwasin badeh, katiye mwena op, ki tiri kon marakon.

Iri lau solo-an kameh ame anya iri asehek sahou tek ma anya, ‘Jo dah Krais’ Ya iri kameh wendreyani lau solo-an.

“Arile, bale aha ki-in taha, tasah iri kameh ateu ado ma adeu aha a mine iri kansol ma atehei aha a ta sahou. Ya iri kameh ubwi aha an bolo asiu ta atukum tiri Juwis, ma aha kameh ales are mada iri lau ta atondrok ma hawe iri kabin. Iri amekes doh ta ado katiye sahou tek mwasin ki tiri ya iri marakon kanuhun ma katanan.

Tasah, idah kameh krais ta wendreya ma hawe propet ta wendreya kameh asahan. Ya iri kameh amekes iri lahou tinan ma kalem ta wendreya iri lau, ma ale anya kanone iri lau ala budon ta Kindrei udu tiri badeh, kataku.

“Arile, hamon ta len ndra-in ano, ya udu bolo len doh kameh, ‘An kameh ilik, ma bun kameh winiyan banya bwe. Ya ndrau udu kandrah kameh taku ereu kandrah eme andri, ma boto-on mari badu kandrah kameh nyukunyok.’