Versículos bíblicos populares de Metiu 16

Compartir

Eme Jises tiye toro lau tan i buku doh, “Buku none ari ndramak anya ki-in hamon tek, mwasin, iy kamani iri so-ok tan mari, ya iy kabwese-ei kei tondreh tan, ya iy ki-in hamon tek.

Ya jo tiye tam i buku doh: Ou Pita, ya jo kameh amekes iri mwan ma badih tek asahan i buku asiu salom tek, ya ou kameh aseben iri i buku ndru bek aseben asiu ales boto-on udu bwele-e munyak dah, ya Satan hawe boto-on ta imek kameh winiyan batohowei asiu salom tek doh bala andri bwe.

Ya jo kameh amekes nyaram ki buku nyarak. Iri lakou ou asehek iri mwan ma badih kamekes udu munyak dah, mwasin, Kindrei udu kandrah mukuni ale. Ya saba lakou ou turukiy udu kon munyak, idoh kameh Kindrei ale turukiy udu kandrah.”

Tasah, buku none ari ndramak anya katawi kohan kudu, kohan kameh ano. Arile, buku none ari ndramak abudon jo ya kohan ano, iy kameh winiyan andrei kohan ja.

Ya, buku none ari ndramak kuhi lakou mari badu kon munyak, ya iy kimek, iri lakou doh kameh sebenei iy i buku sah handru? Ya lau kadeu saba sowan handru kameh ta akohok kohan keme hamon?

Eme Jises ndremenya oro, “Ya ado amwenen anya jo are lau?” Saimon Pita asumon iy i buku doh, “Ou Krais, Kindrei suni ou ame dah. Ou Nadu Kindrei kohan handru udu aliy.”

Eme Jises asumon sahou tan i buku doh, “Saimon, ou nadu Jon, ou winiyan sekesek. Tasah, ari ndramak badu kon munyak baleheya ou ta sahou dah bwe. Idoh tama le udu kandrah, iy leheyani sahou dah ewek tam.