Versículos bíblicos populares de THILSIAM THU 6

Compartir

Lei chung ah mihing a la siam tâk ziakin, LALPA chu a kisik in, a lungthim a na ma ma ziang tai.

Chun, LALPA’n lei chung ah mihing gitlo dan nasat zia leh a lungthim ngaituanau zosia le gitlona dim zing ahi ti a he ta’n.

Himaleh, Noah chun Pathian ja’ngaina a chang hi.

Ziate hi Noah suante a hiu: Noah chu midik leh ama khang ah mite lak ah demna bei ahi: Noah chu Pathian tawh a kivop zing ui.

Tichun, LALPA’n, “Ka mihing siamte hi lei chung ah kipat in hi’mangthai mai ing ka, mihing hileh, ganhing hileh, a bokvâkte hileh, chung leng vachate natiang in, amau ka la siam hi ka kisîk ta ahi,” a ti’n.

Lei chung ah mihing a hung pun ua, chanute a hung pian tam phat ah chun, pathian chapate chun mihing chanute chu mêlpha a sa ma mau ah; tichun, a dawi taphot uh chu a kichenpi ziang tau a. Ziaphatchun, LALPA’n, “Ka thagau mihingte kiang in umsak zing ta pua’ng ka, amau chu la phe leh vo mai ahi ngal un; a dam sung uh chu kum za leh sawmni tiang bep hita’n ah,” a ti’n. Zia lai ah chun Nephilimte chu lei ah hin a um un. Zia nung ah chunle pathian chapate’n mihing chanute chu a pawl ua, amau tawh chate a nei nalai ui. Ziate chu nidang lai ah mihat, mi minthangte kha a la hiu a.

Zia gual chun Noah in a bawl ta’n; Pathian in thu a piak gual in a bawl tai.

Pathian in Noah kiang in, “Taksa zosia subei ding ka hi tai, amau haw ziakin lei chung hi kipawngbawlna’n a dim ah; ziate ziak ah chun, a leisiat natiang hile susia khawm ding ka hi.

Nang â dingin Gopher thing in long kibawl in la; long ah chun pindan chuam chuam siam in la tin, a sunglam leh a pawlam chu thingnâi ah la jutbit ding ahi.

Pathian in lei hi a en ah, a se zo ta’n; lei chung ah hinna nei zosia hindan dik ah a hin tâk lo ziak un.

Nangma tawh hinghoi khawm dingin hinna nei zosia, chitin lak ah pani chiat la kiang ah long sung ah la pui lût ding ahi. Amau chu a nu tawh a chal chiat a hi’diu ahi.