Versículos bíblicos populares de Jon 3

Compartir

Iruhin anan douk atun arag Nuganin meyoh nape. Aria Iruhin nakri nanawasham abom ihish arpesh um agudok nahobig, namudok aria anan neshopoki anudok atun nuganin um eshesh. Aria eshesh shusuhw ananin baraen dodog aria eshesh ta mare shunak shuwishuk uwe, uwok. Aria ko shupe wosik abom ihih nyumneh.

Iruhin madae neshopok ananin Nuganin nunamori agudok atapig nahobig um nunemesh baraen arpesh kabi douk anan jas um uwe, uwok. Aria anan douk neshopokan nanamori nurao ihish arpesh shutanamori shupe wosik atin.

Aria Jisas ta nakripan nakri namudok, “Adur atin yakripen, douk enen arpen mare ta nyutogur namunyi um, enyen ko mare nyuwish abrudok wabur Iruhin nape Debeini um ananish arpesh shapeum uwe, uwok.”

Eshudok douk shusuhw ananin baraen shugipeshen iri, Iruhin ko mare nunekumesh baraen aria nukri um eshesh ko shunak um debeihi nyih, uwok. Aria eshudok douk madae shusuhw ananin baraen shugipeshen iri uwe, Iruhin douk nenekumesh baraen aria riguk anan adur nakri eshesh yoweishi ta shunam debeihi nyih. Umum maresh? Eshesh douk madae shunek bilip um anudok Iruhin ananin atun Nuganin uwe, uwok.

Baugenyum baraen um agundok Iruhin ko nunemesh baraen um douk namudok. Arman nape kabi laitmori douk nanaki nabuhi agudok atapig nahobig, aria arpesh esheship urkwip panasuhw yoweishi inahos pape kabi douk arukwutigun um. Aria lait shanoiwosat. Umum maresh? Eshesh douk shapeum shenek yoweishi inahos atin iri.

Umum maresh? Ananin nyeigur ta nyuto iruhw aria eikin nyeigur ta nyubuk atap.”

Ihish arpesh douk shapeum shenek yoweishi inahos iri, eshesh douk shenek horin horik um anudok arman douk nape kabi lait um iri. Eshesh douk shakri uwok um esheshish yoweshi inahos shutogur yopugunum aria ihishmorim shanoiwos um shanaki um lait.

Aria eshudok douk shumnek anudok Nuganin ananin baraen shusuhwen shigipeshen iri, eshesh ta shupe wosik abom ihih nyumneh. Aria eshudok douk shukonaguk agabus Nuganin iri aria mare shugipesh ananin baraen iri, eshesh ta mare shupe ihih nyumneh uwe, uwok. Aria Iruhin ananish urkum apahw juwehosish atish um eshesh aria ko shunam debeihi nyih shumnek eriger ihih nyumneh.”

Seiwok Moses nahao enen rowog agundok wehigunum douk arpesh uwok um. Aria nowaur anar yur douk nenekor brasin ain iri rataur. Aria douk ta namudok atin. Eik Anudok Arman douk yatogur adurin arpen iri ko shutuke shiyaur itaur enen rowog.

Aria, Yaken douk urkum manawasham abom um ananin Nuganin aria nakon ihishumori eshudok aria anan nape debeinarimesh.