Bible Text in Txitxopi© SociedadeBíblica de Moçambique, 1999 Audio recording of the Bible Text ℗ Hosanna, 2018

Txitxopi - 1999 MOZ (NT) Drama

<div class="version vid2848 iso6393cce" data-vid="2848" data-iso6393="cce">
 <div class="book bkLUK">
 <div class="chapter ch13" data-usfm="LUK.13">
 <div class="label">13</div><div class="s">Ta laveka kuhunduluka</div><div class="p"> 1Ka txoneto txikhati va to humelela vathu va va nga mu xawutela mhaka ya va Galileya, avava Pilato a nga patanisela mnoha wawe kumweko ni mnoha wa timhamba ti va nga txi phaxa ngu tona.#13:1 Vamwani va wombisa ku: Avava Pilato a nga va daya, mbimo yi va nga txi phaxa mhamba yawe ya sihari.</div><div class="m"> 2Ene a to va xamula a txi khene: &#8220;Mi pimisa ti to evo vathu va Galileya i ti vaonhi va hombe ngutu kupinda votshe vamwani vathu va Galileya, nguko va nga welelwa ngu dikhombo do nga eto, kani? 3Lambi! Ani na mi gela ti to na nanu, ngako mi si hunduluki, mi na lovisa toneto. 4Hambi vale va digumi ni mtxhanu ni vararu, va nga welelwa ngu txitezi txa Silowame, txi txi va daya, ina mi khanu i ti vaonhi va hombe ngutu kupinda votshe va va nga aka Jerusalema kani? 5Lambi! Ani na mi gela ti to na nanu, ngako mi si hunduluki, motshe mi na lovisa ku nga toneto.&#8221;</div><div class="s">Txidinganiso txa mkuwu wa kwa mbi veleka</div><div class="p"> 6Se a to va mahela txidinganiso txiya: &#8220;M'thu wokari a ti phayile mkuwu hagari ka thembwe yakwe ya mivhinya, se e tsula kuya lava mihando, aniko kha yi mana. 7Se a to gela mxayisi wa thembwe a txi khene: &#8216;Hinga wona, ku ni malembe mararu ni tako ni lava mihando ka mkuwu wuwa, aniko kha ni yi mani; se wu xakelela txani mafu kani?&#8217; 8Aniko ene a to womba a txi khene: &#8216;Mkoma, hinga wu leka kambe ka diya dilembe; ani ni na phamutela mafu, ni tshanganisa kotshe ha tshina, ni ku theletela so nonisa; 9Kasi kuwona ti to mwendo wu na veleka mihando. Ngako wu si veleki, ngu kona u no wu sengula.&#8217; &#8221;</div><div class="s">Jesu a txi hanyisa ngu ditshiku da Sabbata</div><div class="p"> 10Jesu a ti gondisa disinagogani ngu ditshiku da Sabbata. 11Se a ti ti ho konaho wamsikati a nga ti ni moya, wu nga txi mu lwalisa malembe a digumi ni mtxhanu ni mararu; a ti dombekile e tandeka ni kululama. 12Ku ti ngako Jesu a txi mu wona, a to m'dhana, a txi khene: &#8220;Wamsikati, u thukunyutwe wulemani kwako.&#8221; 13Se a to msanzeka manza txitimwi, koneko wamsikati a so lulama, e dhumisa Txizimu. 14Kambe mthangeli wa disinagoga a to henya, nguko Jesu a nga hanyisa m'thu ngu Sabbata. Se e gela vathu a txi khene: &#8220;Ku na ni masiku a mtxhanu ni dimwedo, ayawa vathu va tumelelwako kuthuma ngu ona; ngonani ngu ona mi ta hanyiswa, i si nga ngu ditshiku da Sabbata.&#8221; 15Aniko Mkoma a mu xamute a txi khene: &#8220;Anu vaxengeteli, ina mmwani ni mmwani kwanu kha thukunyuli homu mwendo mbongola yakwe, ngu txibalani, a txi yi yisa kuselani ka mati ngu Sabbata kani? 16Ina awuwa wamsikati, i ku mwanana wa Abrahamu, awu a nga ti sungilwe ngu Sathani ngu malembe a digumi ni mtxhanu ni mararu, ti sa fanela ku e thukunyulwa ngu ditshiku da Sabbata kani?&#8221; 17Ngako a txi womba timhaketo, vakaneti vakwe va to telwa ngu tingana, se dibutho dotshe di to tsaka ngu mhaka ya mithumo yo xamalisa yi nga ti mahwa ngu ngene.</div><div class="s">Txidinganiso txa nyingi ya sinapi ni mtshumbelo</div><div class="r">(Matewu 13:31-32; Marku 4:30-32)</div><div class="p"> 18Se a txi khene: &#8220;Mfumo wa Txizimu wu fana ni txani, ni na wu fananisa ni txani kani? 19Wu fana ni nyingi ya txinapi, ayi m'thu a nga yi teka, a txi ya phaya thembweni kwakwe; se yi kula yi maha mndonga, se sinyana sa nzumani si ta aka madhavini ka wona.&#8221; 20A to engeta a txi khene: &#8220;Mfumo wa Txizimu ni na wu fananisa ni txani kani? 21Wu fana ni mtshumbelo wu wamsikati a nga wu teka e wu patanisa ni mpupu wa tipimo tiraru, si za si vila sotshe.&#8221;</div><div class="s">Ta txike txo songa</div><div class="r">(Matewu 7:13-14,21-23)</div><div class="p"> 22Jesu a ti tsimbila madhoropani ni mu mitini, a txi gondisa, a txi ya Jerusalema. 23M'thu wokari a mu wotisile a txi khene: &#8220;Mkoma, ina mtengo wa vale va hanyiswako mbudotho kani?&#8221; 24Ene a mu xamute a txi khene: &#8220;Zamani ngu mtamo kuwulela ngu txike txo songa, nguko ani na mi gela ti to vavangi va na zama kuwulela, kambe kha va na mbi sikota. 25Nyamne wa m'ti a na khukha a txi seka ditimba, se anu mi na sala hahanze, mi txi gogota ditimba, mi txi khanu: &#8216;Mkoma, hi tulele!&#8217; 26Konako, mi na khata kuwomba mi txi khanu: &#8216;Hi dyite, hi txi sela ni nawe, kambe awe u gondisile mithandani kwathu.&#8217; 27Ene a na mi xamula a txi khene: &#8216;Na mi gela ku khani kha ni mi zivi ti to mi ta ngu hani. Tsulani kule ni nani, anu mi mahako mithumo yo biha.&#8217; 28#Wona ni ka: Mat. 22:13; 25:30. Konaho ku nava ni kudila ni kugegeresela ka makwasa, mbimo yi mi nota wona Abrahamu, Isaake, Jakobe, ni votshe vaprofeti va di Mfumoni ka Txizimu, na anu mi txi rethetelwa mi yiswa hahanze. 29Va nata vathu va wutxani ni va mswa-ditambo ni va wuphemba ni va wulambwe, va nata khalahatsha ha mezani ka sakudya, Mfumoni ka Txizimu. 30#Wona ni ka: Mat. 19:30; 20:16; Mar. 10:31. Vamwani vo gwitisa va na va i di vo khata, ni vamwani vo khata va na va i di vo gwitisa.&#8221;</div><div class="s">Jesu a txi dilela Jerusalema</div><div class="r">(Matewu 23:37-39)</div><div class="p"> 31Ka yoneyo mbimo, ku to bwaka vamwani Vafarisi kwakwe, va ta kha vona: &#8220;Khukha hawa u tsula, nguko Herodha a lava ku kudaya.&#8221; 32Se a txi khene kwawe: &#8220;Tsulani mi txi ya gela nyapweyo, mi txi khanu: Nyamsi ni mangwana ni tovela madhimoni ni kuhanyisa valwali. Wutawo ni na hetisa mthumo wangu. 33Kambe ni fanete kulongoloka nyamsi ni mangwana ni wutawo, nguko kha ti faneli ti to mprofeti e dawelwa hahanze ka Jerusalema. 34Jerusalema, Jerusalema, awe u dayako vaprofeti, u txi va balisela ngu marigwi ava va nga rumwa kwako, nzikhati singani, ni nga lava kusengeleta vanana vako, nga khukhu yi fundamelako sisondo sa yona hahatshi ka mabhapi a yona, kambe khwa ti lava. 35Wonani, konkuwa m'ti wanu wu na maha dirumbi. Na mi gela ku khani: Kha mi na mbi ngadi mi ni wona, kala mbimo yi mi no khanu: A na dhumiswe awu a tako ngu ditina da Mkoma.&#8221;</div>
 </div>
 </div>
</div>

A Bíblia em Txitxopi © Bible Society in Mozambique, 2016.

Ka txoneto txikhati va to humelela vathu va va nga mu xawutela mhaka ya va Galileya, avava Pilato a nga patanisela mnoha wawe kumweko ni mnoha wa timhamba ti va nga txi phaxa ngu tona.
Ene a to va xamula a txi khene: “Mi pimisa ti to evo vathu va Galileya i ti vaonhi va hombe ngutu kupinda votshe vamwani vathu va Galileya, nguko va nga welelwa ngu dikhombo do nga eto, kani? Lambi! Ani na mi gela ti to na nanu, ngako mi si hunduluki, mi na lovisa toneto. Hambi vale va digumi ni mtxhanu ni vararu, va nga welelwa ngu txitezi txa Silowame, txi txi va daya, ina mi khanu i ti vaonhi va hombe ngutu kupinda votshe va va nga aka Jerusalema kani? Lambi! Ani na mi gela ti to na nanu, ngako mi si hunduluki, motshe mi na lovisa ku nga toneto.”

Se a to va mahela txidinganiso txiya: “M'thu wokari a ti phayile mkuwu hagari ka thembwe yakwe ya mivhinya, se e tsula kuya lava mihando, aniko kha yi mana. Se a to gela mxayisi wa thembwe a txi khene: ‘Hinga wona, ku ni malembe mararu ni tako ni lava mihando ka mkuwu wuwa, aniko kha ni yi mani; se wu xakelela txani mafu kani?’ Aniko ene a to womba a txi khene: ‘Mkoma, hinga wu leka kambe ka diya dilembe; ani ni na phamutela mafu, ni tshanganisa kotshe ha tshina, ni ku theletela so nonisa; Kasi kuwona ti to mwendo wu na veleka mihando. Ngako wu si veleki, ngu kona u no wu sengula.’ ”

Jesu a ti gondisa disinagogani ngu ditshiku da Sabbata. Se a ti ti ho konaho wamsikati a nga ti ni moya, wu nga txi mu lwalisa malembe a digumi ni mtxhanu ni mararu; a ti dombekile e tandeka ni kululama. Ku ti ngako Jesu a txi mu wona, a to m'dhana, a txi khene: “Wamsikati, u thukunyutwe wulemani kwako.” Se a to msanzeka manza txitimwi, koneko wamsikati a so lulama, e dhumisa Txizimu. Kambe mthangeli wa disinagoga a to henya, nguko Jesu a nga hanyisa m'thu ngu Sabbata. Se e gela vathu a txi khene: “Ku na ni masiku a mtxhanu ni dimwedo, ayawa vathu va tumelelwako kuthuma ngu ona; ngonani ngu ona mi ta hanyiswa, i si nga ngu ditshiku da Sabbata.” Aniko Mkoma a mu xamute a txi khene: “Anu vaxengeteli, ina mmwani ni mmwani kwanu kha thukunyuli homu mwendo mbongola yakwe, ngu txibalani, a txi yi yisa kuselani ka mati ngu Sabbata kani? Ina awuwa wamsikati, i ku mwanana wa Abrahamu, awu a nga ti sungilwe ngu Sathani ngu malembe a digumi ni mtxhanu ni mararu, ti sa fanela ku e thukunyulwa ngu ditshiku da Sabbata kani?” Ngako a txi womba timhaketo, vakaneti vakwe va to telwa ngu tingana, se dibutho dotshe di to tsaka ngu mhaka ya mithumo yo xamalisa yi nga ti mahwa ngu ngene.


Se a txi khene: “Mfumo wa Txizimu wu fana ni txani, ni na wu fananisa ni txani kani? Wu fana ni nyingi ya txinapi, ayi m'thu a nga yi teka, a txi ya phaya thembweni kwakwe; se yi kula yi maha mndonga, se sinyana sa nzumani si ta aka madhavini ka wona.” A to engeta a txi khene: “Mfumo wa Txizimu ni na wu fananisa ni txani kani? Wu fana ni mtshumbelo wu wamsikati a nga wu teka e wu patanisa ni mpupu wa tipimo tiraru, si za si vila sotshe.”


Jesu a ti tsimbila madhoropani ni mu mitini, a txi gondisa, a txi ya Jerusalema. M'thu wokari a mu wotisile a txi khene: “Mkoma, ina mtengo wa vale va hanyiswako mbudotho kani?” Ene a mu xamute a txi khene: “Zamani ngu mtamo kuwulela ngu txike txo songa, nguko ani na mi gela ti to vavangi va na zama kuwulela, kambe kha va na mbi sikota. Nyamne wa m'ti a na khukha a txi seka ditimba, se anu mi na sala hahanze, mi txi gogota ditimba, mi txi khanu: ‘Mkoma, hi tulele!’ Konako, mi na khata kuwomba mi txi khanu: ‘Hi dyite, hi txi sela ni nawe, kambe awe u gondisile mithandani kwathu.’ Ene a na mi xamula a txi khene: ‘Na mi gela ku khani kha ni mi zivi ti to mi ta ngu hani. Tsulani kule ni nani, anu mi mahako mithumo yo biha.’ Konaho ku nava ni kudila ni kugegeresela ka makwasa, mbimo yi mi nota wona Abrahamu, Isaake, Jakobe, ni votshe vaprofeti va di Mfumoni ka Txizimu, na anu mi txi rethetelwa mi yiswa hahanze. Va nata vathu va wutxani ni va mswa-ditambo ni va wuphemba ni va wulambwe, va nata khalahatsha ha mezani ka sakudya, Mfumoni ka Txizimu. Vamwani vo gwitisa va na va i di vo khata, ni vamwani vo khata va na va i di vo gwitisa.”


Ka yoneyo mbimo, ku to bwaka vamwani Vafarisi kwakwe, va ta kha vona: “Khukha hawa u tsula, nguko Herodha a lava ku kudaya.” Se a txi khene kwawe: “Tsulani mi txi ya gela nyapweyo, mi txi khanu: Nyamsi ni mangwana ni tovela madhimoni ni kuhanyisa valwali. Wutawo ni na hetisa mthumo wangu. Kambe ni fanete kulongoloka nyamsi ni mangwana ni wutawo, nguko kha ti faneli ti to mprofeti e dawelwa hahanze ka Jerusalema. Jerusalema, Jerusalema, awe u dayako vaprofeti, u txi va balisela ngu marigwi ava va nga rumwa kwako, nzikhati singani, ni nga lava kusengeleta vanana vako, nga khukhu yi fundamelako sisondo sa yona hahatshi ka mabhapi a yona, kambe khwa ti lava. Wonani, konkuwa m'ti wanu wu na maha dirumbi. Na mi gela ku khani: Kha mi na mbi ngadi mi ni wona, kala mbimo yi mi no khanu: A na dhumiswe awu a tako ngu ditina da Mkoma.”

Escucha a Luka 13