Surat Ralan na'a Vaidida

<div class="version vid2178 iso6393frd" data-vid="2178" data-iso6393="frd">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Yesus Kristus i rfanara Ia ne, Ubu Ni Vaivatul a, nma lanit ivavan a ma neluk tamata</div><div class="p"> 1Lalan a, na&#42892;ut i Ubu wol notu lanit ivavan obin, na Ia i rfanara Ia ne, Ubu Ni Vaivatul a, nana&#42892;a lan roak. Ia nana&#42892;a roak ovu Ubu, ovu Ia Ubu Ia. 2Na&#42892;ut i Ubu wol notu lanit ivavan obin, na Ia nana&#42892;a lan roak ovu Ubu. 3Ubu notu afakataka munuk na&#42892;a lanit ivavan a nahu Ni Vaivatul a, ba afa ovi rna&#42892;a lanit ivavan a munuk wol bisma rna&#42892;a, wean i wol notu afa avyai nahu Ni Vaivatul a. 4Ubu Ni Vaivatul a nala vava&#42892;at mnga&#42892;un verin tamata ra. Vava&#42892;at mnga&#42892;un yai ntali Ia, ovu nala lyawan verin tamata ra. 5Lyawan yai vanan na&#42892;a dedan ralan, ovu dedan wol bisma nteri nala ia.</div><div class="p"> 6Amar isa, na Ubu nsinir tamata isa naran Yohanes.#1:6 Yohanes ini nbaptis tamata ra, na&#42892;uk wol ntulis kitab ini. 7Ia nma ma nfamalik na&#42892;a lyawan yai, boma tamata ra munuk bisma rorang lyawan yai. 8Lyawan yai wol Yohanes, na&#42892;uk ia nma watan, boma nfamalik lyawan yai. 9Lyawan mnga&#42892;un i nala lyawan verin tamata ra munuk nma roak lanit ivavan a.</div><div class="p"> 10Lyawan yai nana&#42892;a roak lanit ivavan a. Ubu notu lanit ivavan a nahu lyawan yai, na&#42892;uk tamata ovi rna&#42892;a lanit ivavan a wol rka&#42892;a Ia.#1:10 Tamata ovi rna&#42892;a lanit ivavan wol rka&#42892;a ne, Yesus yai Ubu yanan Ia. 11Ia nma lahir Ni ahu livur a, na&#42892;uk Ni tiniman ovi rna&#42892;a inyai wol rtorung ma rala Ia.#1:11 Tamata ovi rleal Yesus Ni ahu livur a, avyai tamata Yahudi ra. 12Na&#42892;uk tamata ovi rtorung ma rala Ia ovu rorang Ia, na Ubu nala ngrebat verin ira ma reluk yanan ra. 13Ira wol reluk Ubu yanan ra tevek renarir-yamarira ra rarali ira, te rira ininan a, te wol rtali brana ni ininan verin awan a, na&#42892;uk Ubu ka&#42892;i notu ma reluk yanan ra.</div><div class="p"> 14Ubu Ni Vaivatul neluk tamata, ma nana&#42892;a roak lanit ivavan ovu ita, ovu vali ita tsi&#42892;ik roak Ni dawan a. Ni dawan yai, Yaman a nala verin Ia, tevek Yanan ikisa lalo&#42892;i watan. Ubu Yanan nma tali Yaman a, ma notu ma tka&#42892;a lahir Ubu Ni rala lolin i dawan urun, ovu afa ovi nfavotuk ra munuk kena.</div><div class="p"> 15Yohanes nfalyawang Vaivatul yai ovu vain dawan ma nfalak ne, &#8220;Ini tamata i ufamalik roak Ia. Ufalak ne, &#8216;Ia veka norang ya&#42892;a nma, na&#42892;uk Ni dawan a nlia ya&#42892;a, tevek wol rarali ya&#42892;a obin, na Ia nana&#42892;a lan roak.&#8217; &#8221; 16Ia Ni lolin a dawan dalang, ba nala Ni kalolin ra lalawatan verin ita munuk. 17Ubu nala Ni inukun ra verin ita nahu Musa.#1:17 Ubu wol mane nfadoku inukun vutu watan verin nabi Musa, na&#42892;uk nfadoku ma nlia tali inyai. Tamata ovi rorang Yesus rka&#42892;a Musa ni inukun vutu a, ovu ni inukun liak ra vali, na&#42892;uk Yahudi rira inukun rivun vali na&#42892;a rira adat. Vai mala nfalak hukum Taurat te hukum Tuhan te hukum-hukum. Inukun avyai rna&#42892;a Kejadian ti naran Ulangan. Na&#42892;uk ita tka&#42892;a Ubu Ni rala lolin ovu ivar i kena nahu Yesus Kristus.</div><div class="p"> 18Wol tamata isa vali nrea Ubu, na&#42892;uk Yanan i ikisa lalo&#42892;i yai nana&#42892;a lalawatan ovu Ia. Yanan yai nfalyawang lahir Yaman a verin ita.</div><div class="s">Yohanes i nbaptis tamata ra ka&#42892;i nfamalik ni karya a</div><div class="r"> Matius 3:1-12; Markus 1:1-8; Lukas 3:1-18</div><div class="p"> 19Yahudi rira dawan ovi rna&#42892;a Yerusalem rsinir mela falurut ra, ovu tamata Lewi ra ma rti rorat Yohanes ne, &#8220;Oa ini iki mnga&#42892;un?&#8221;#1:19 Tamata boku tali arun dawan Lewi reluk Yahudi rira mela falurut ra, ma rkarya verin Ubu na&#42892;a rira Rahan Dawan Falurut na&#42892;a Yerusalem. 20Ia ntorung ma nfalyawang lahir ne, &#8220;Ya&#42892;a wol eluk Raja i ntevut dida salasilan ra.&#8221;#1:20 Raja i ntevut dida salasilan ra ihin a na&#42892;a vai Mala ne, Mesias.</div><div class="p"> 21Nata rorat ewal ia ne, &#8220;Ba iki oa? Beta ne oa ini nabi Elia?&#8221;</div><div class="p">Ia nfalak ne, &#8220;Wahal!&#8221;</div><div class="p">Ba rorat ewal vali ia ne, &#8220;Beta ne oa ini nabi i lan a Ubu ntorung roak ma nma lanit ivavan a?&#8221;#1:21 Nabi i veka nma yai, Ubu ntorung roak na&#42892;a Ulangan 18:15, 18.</div><div class="p">Ia nfalak ne, &#8220;Wahal!&#8221;</div><div class="p"> 22Nata rorat ia ne, &#8220;Ba eka fwalak verin ami ne, oa ini iki mnga&#42892;un? Ami musti amfalyawang verin tamata ovi rsinir ami. Ba eka ka&#42892;i fwamalik tenam a!&#8221;</div><div class="p"> 23Yohanes nfalak ne, &#8220;Ya&#42892;a ini tamata i ufwak na&#42892;a wan lean vu dawan ma tamata ra rfamalola linga&#42892;an verin Duila&#42892;a.&#8221; Afa ovi Yohanes nfalak yai, wean lahir i nabi Yesaya ntulis roak na&#42892;a ni kitab a.#1:23 Yesaya 40:3</div><div class="p"> 24Tali tamata ovi rorat Yohanes, na tamata boku rtali Yahudi rira sidovung isa i naran Farisi. 25Ira rfalak ne, &#8220;Oa wol meluk Raja i mtevut dida salasilan ra, ovu oa wol nabi Elia oa, ovu vali oa wol nabi i Ubu ntorung ma veka nma lanit ivavan a, ba afakinimi bwaptis tamata ra?&#8221; 26Yohanes nfalak ne, &#8220;Ya&#42892;a ubaptis tamata ra ovu wear, na&#42892;uk tamata i ndiri fruabira ra, mia wol mkya&#42892;a ne, iki Ia. 27Ia veka norang ya&#42892;a nma. Velik ne wean inyai, na&#42892;uk wol inovan lahir ma aling Ni tatea ni tatur ra, tevek ya&#42892;a wol verang a ratang Ia.&#8221;</div><div class="p"> 28Yohanes ovu tamata ovi rorat ia rfamalik afa avyai munuk na&#42892;a ahu Betania. Ahu yai nana&#42892;a oar Yordan ni lihir timur a. Ia nbaptis tamata ra na&#42892;a inyai.</div><div class="s">Domba Yanan i nmata al na&#42892;i vatuk dida salasilan ra, inyai Yesus</div><div class="p"> 29Ni ilyan ana, Yohanes nsi&#42892;ik Yesus nma ma ntuan ia, ba nfalak ne, &#8220;Eka msyi&#42892;ik! Ubu Ni Domba Yanan i veka nmata al na&#42892;i vatuk tamata ovi rna&#42892;a lanit ivavan a rira salasilan ra. 30Ia ini tamata i ufamalik roak Ia ne, &#8216;Ia veka norang ya&#42892;a nma, na&#42892;uk Ni dawan a nlia ya&#42892;a, tevek wol rarali ya&#42892;a obin, na Ia nana&#42892;a lan roak.&#8217; 31Lan a wol uka&#42892;a ne, iki Ia. Na&#42892;uk uma, ma ubaptis tamata ra ovu wear, ma ufavotuk Ia verin tamata Israel ra, boma bisma rka&#42892;a Ia.&#8221;</div><div class="p"> 32Yohanes nfamalik vali afa ovi nsi&#42892;ik ra, ma nfalak ne, &#8220;Ya&#42892;a usi&#42892;ik Ubu Ni Roh nsuta tali lanit wean modarlaka, ma ndoku Yesus tenan a.#1:32 Tafsiran boku rfalak ne, lanit ratan. 33Ya&#42892;a wol uka&#42892;a ne, iki Ia. Na&#42892;uk Ubu i nsinir ya&#42892;a ma ubaptis tamata ra ovu wear, nfalak roak ne, &#8216;Wean i msi&#42892;ik Ning Roh nsuta ma nleal tamata isa, na tamata yai veka nbaptis tamata ra ovu Ning Roh a.&#8217; 34Ya&#42892;a usi&#42892;ik roak afa yai, ba ufalak verin mia ne, Ubu Yanan Ia.&#8221;</div><div class="s">Tamata ovi ula lalelan ira ma reluk Yesus Ni tamata ovi rorang Ia</div><div class="p"> 35Ni ilyan ana, Yohanes ovu ni tamata irua ovi rorang ia rna&#42892;a ewal wan yai. 36Na&#42892;ut i Yohanes nsi&#42892;ik Yesus nahu wan yai, na nfalak ne, &#8220;Msyi&#42892;ik, inyai Ubu Ni Domba Yanan a!&#8221;</div><div class="p"> 37Yohanes ni tamata irua yai rarenar afa ovi nfalak ra, ba rti ma rorang Yesus. 38Yesus ntamuri ma nsi&#42892;ik, na rorang Ia, ba norat ira ne, &#8220;Mia mdyava afaka?&#8221; Ira rfalak ne, &#8220;Rabi, Oa mna&#42892;a inba?&#8221; (Rabi ihin a, Tuan Guru) 39Ia nfalak ne, &#8220;Mya ma ka&#42892;i msyi&#42892;ik.&#8221; Ba rorang Ia ma ti rsi&#42892;ik wan i nleal a ma irmunuk rna&#42892;a inyai. Na&#42892;ut inyai, na snain jam empat lersian. 40Tali tamata irua yai, na isa naran Andreas. Ia a&#42892;an verin Simon Petrus. Ia nrenar afa ovi Yohanes nfalak ra, ba norang lahir Yesus. 41Ia nti lahir ma ntuan Simon ma nfalak ne, &#8220;Ami amtuan roak Raja i ntevut dida salasilan ra (ihin a ne, Kristus).&#8221; 42Ba Andreas novun Simon ti verin Yesus. Yesus nsi&#42892;ik Simon ma nfalak ne, &#8220;Oa ini Simon, yamam naran Yohanes.&#8221; Tamata ra veka rera oa ne Kefas (ihin a ne, Petrus).#1:42 Kefas na&#42892;a vai Aram ovu Petrus na&#42892;a vai Yunani, irua ihirira wer isa ne, vatminan.</div><div class="s">Yesus nera Filipus ovu Natanael ma rorang Ia</div><div class="p"> 43Ni ilyan ana, Yesus nvolan mane nti propinsi Galilea. Ia wol nti obin, na ntuan Filipus ma nfalak ne, &#8220;Mwa ma morang Ya&#42892;a!&#8221; 44Filipus ini ntali ahu Betsaida. Andreas irua Petrus rtali vali inyai. 45Ba ia ti ntuan Natanael ma nfalak ne, &#8220;Ami amtuan roak tamata i Musa ntulis roak Ia na&#42892;a ni inukun ra, ovu nabi ra rtulis vali roak na&#42892;a tamata yai. Tamata yai, Yesus i ntali Nazaret a. Yusuf yanan Ia.&#8221; 46Na&#42892;uk Natanael nfalak ne, &#8220;Wol bis lahir ma afa lolin ntali Nazaret nma.&#8221; Filipus nfalak ne, &#8220;Mwa ma msi&#42892;ik lahir.&#8221; 47Yesus nsi&#42892;ik Natanael nma ma ntuan Ia, ba nfalak ne, &#8220;Msyi&#42892;ik kikyai, ini tamata Israel mnga&#42892;un ia.#1:47 Tamata Israel ovu tamata Yahudi irua wear isa watan. Ubu nfanara Abraham ubun Yakub ne, Israel. Nata rfalak Abraham ubun nusin munuk tamata Israel ra. Tamata ini nfalak lalawatan afa ovi kena ra.&#8221; 48Ba Natanael norat Yesus ne, &#8220;Wean inba ma Oa mka&#42892;a ya&#42892;a?&#8221; Yesus nfalak ne, &#8220;Filipus wol nera oa obin, na urea roak oa na&#42892;a aa ara vavan a.&#8221; 49Natanael nfalak ne, &#8220;Tuan Guru, Ubu Yanan Oa ovu Raja Oa verin tamata Israel ra!&#8221; 50Yesus nfalak ne, &#8220;Oa morang Ya&#42892;a, tevek ufalak ne, urea roak oa na&#42892;a aa ara vavan a? Oa veka msi&#42892;ik lahir afa dawan ovi rlia tali afa yai.&#8221; 51Nata Yesus nfalak lahir ne, &#8220;Afa i ufalak verin oa ini kena urun! Oa veka msi&#42892;ik lanit natvadil, ovu Ubu Ni sansinir ra rtali lanit ratan suta-rata ira verin Tamata Yanan a.&#8221;</div>
 </div>
 </div>
</div>

Lalan a, naꞌut i Ubu wol notu lanit ivavan obin, na Ia i rfanara Ia ne, Ubu Ni Vaivatul a, nanaꞌa lan roak. Ia nanaꞌa roak ovu Ubu, ovu Ia Ubu Ia. Naꞌut i Ubu wol notu lanit ivavan obin, na Ia nanaꞌa lan roak ovu Ubu. Ubu notu afakataka munuk naꞌa lanit ivavan a nahu Ni Vaivatul a, ba afa ovi rnaꞌa lanit ivavan a munuk wol bisma rnaꞌa, wean i wol notu afa avyai nahu Ni Vaivatul a. Ubu Ni Vaivatul a nala vavaꞌat mngaꞌun verin tamata ra. Vavaꞌat mngaꞌun yai ntali Ia, ovu nala lyawan verin tamata ra. Lyawan yai vanan naꞌa dedan ralan, ovu dedan wol bisma nteri nala ia.
Amar isa, na Ubu nsinir tamata isa naran Yohanes. Ia nma ma nfamalik naꞌa lyawan yai, boma tamata ra munuk bisma rorang lyawan yai. Lyawan yai wol Yohanes, naꞌuk ia nma watan, boma nfamalik lyawan yai. Lyawan mngaꞌun i nala lyawan verin tamata ra munuk nma roak lanit ivavan a.
Lyawan yai nanaꞌa roak lanit ivavan a. Ubu notu lanit ivavan a nahu lyawan yai, naꞌuk tamata ovi rnaꞌa lanit ivavan a wol rkaꞌa Ia. Ia nma lahir Ni ahu livur a, naꞌuk Ni tiniman ovi rnaꞌa inyai wol rtorung ma rala Ia. Naꞌuk tamata ovi rtorung ma rala Ia ovu rorang Ia, na Ubu nala ngrebat verin ira ma reluk yanan ra. Ira wol reluk Ubu yanan ra tevek renarir-yamarira ra rarali ira, te rira ininan a, te wol rtali brana ni ininan verin awan a, naꞌuk Ubu kaꞌi notu ma reluk yanan ra.
Ubu Ni Vaivatul neluk tamata, ma nanaꞌa roak lanit ivavan ovu ita, ovu vali ita tsiꞌik roak Ni dawan a. Ni dawan yai, Yaman a nala verin Ia, tevek Yanan ikisa laloꞌi watan. Ubu Yanan nma tali Yaman a, ma notu ma tkaꞌa lahir Ubu Ni rala lolin i dawan urun, ovu afa ovi nfavotuk ra munuk kena.
Yohanes nfalyawang Vaivatul yai ovu vain dawan ma nfalak ne, “Ini tamata i ufamalik roak Ia. Ufalak ne, ‘Ia veka norang yaꞌa nma, naꞌuk Ni dawan a nlia yaꞌa, tevek wol rarali yaꞌa obin, na Ia nanaꞌa lan roak.’ ” Ia Ni lolin a dawan dalang, ba nala Ni kalolin ra lalawatan verin ita munuk. Ubu nala Ni inukun ra verin ita nahu Musa. Naꞌuk ita tkaꞌa Ubu Ni rala lolin ovu ivar i kena nahu Yesus Kristus.
Wol tamata isa vali nrea Ubu, naꞌuk Yanan i ikisa laloꞌi yai nanaꞌa lalawatan ovu Ia. Yanan yai nfalyawang lahir Yaman a verin ita.


Yahudi rira dawan ovi rnaꞌa Yerusalem rsinir mela falurut ra, ovu tamata Lewi ra ma rti rorat Yohanes ne, “Oa ini iki mngaꞌun?” Ia ntorung ma nfalyawang lahir ne, “Yaꞌa wol eluk Raja i ntevut dida salasilan ra.”
Nata rorat ewal ia ne, “Ba iki oa? Beta ne oa ini nabi Elia?”
Ia nfalak ne, “Wahal!”
Ba rorat ewal vali ia ne, “Beta ne oa ini nabi i lan a Ubu ntorung roak ma nma lanit ivavan a?”
Ia nfalak ne, “Wahal!”
Nata rorat ia ne, “Ba eka fwalak verin ami ne, oa ini iki mngaꞌun? Ami musti amfalyawang verin tamata ovi rsinir ami. Ba eka kaꞌi fwamalik tenam a!”
Yohanes nfalak ne, “Yaꞌa ini tamata i ufwak naꞌa wan lean vu dawan ma tamata ra rfamalola lingaꞌan verin Duilaꞌa.” Afa ovi Yohanes nfalak yai, wean lahir i nabi Yesaya ntulis roak naꞌa ni kitab a.
Tali tamata ovi rorat Yohanes, na tamata boku rtali Yahudi rira sidovung isa i naran Farisi. Ira rfalak ne, “Oa wol meluk Raja i mtevut dida salasilan ra, ovu oa wol nabi Elia oa, ovu vali oa wol nabi i Ubu ntorung ma veka nma lanit ivavan a, ba afakinimi bwaptis tamata ra?” Yohanes nfalak ne, “Yaꞌa ubaptis tamata ra ovu wear, naꞌuk tamata i ndiri fruabira ra, mia wol mkyaꞌa ne, iki Ia. Ia veka norang yaꞌa nma. Velik ne wean inyai, naꞌuk wol inovan lahir ma aling Ni tatea ni tatur ra, tevek yaꞌa wol verang a ratang Ia.”
Yohanes ovu tamata ovi rorat ia rfamalik afa avyai munuk naꞌa ahu Betania. Ahu yai nanaꞌa oar Yordan ni lihir timur a. Ia nbaptis tamata ra naꞌa inyai.

Ni ilyan ana, Yohanes nsiꞌik Yesus nma ma ntuan ia, ba nfalak ne, “Eka msyiꞌik! Ubu Ni Domba Yanan i veka nmata al naꞌi vatuk tamata ovi rnaꞌa lanit ivavan a rira salasilan ra. Ia ini tamata i ufamalik roak Ia ne, ‘Ia veka norang yaꞌa nma, naꞌuk Ni dawan a nlia yaꞌa, tevek wol rarali yaꞌa obin, na Ia nanaꞌa lan roak.’ Lan a wol ukaꞌa ne, iki Ia. Naꞌuk uma, ma ubaptis tamata ra ovu wear, ma ufavotuk Ia verin tamata Israel ra, boma bisma rkaꞌa Ia.”
Yohanes nfamalik vali afa ovi nsiꞌik ra, ma nfalak ne, “Yaꞌa usiꞌik Ubu Ni Roh nsuta tali lanit wean modarlaka, ma ndoku Yesus tenan a. Yaꞌa wol ukaꞌa ne, iki Ia. Naꞌuk Ubu i nsinir yaꞌa ma ubaptis tamata ra ovu wear, nfalak roak ne, ‘Wean i msiꞌik Ning Roh nsuta ma nleal tamata isa, na tamata yai veka nbaptis tamata ra ovu Ning Roh a.’ Yaꞌa usiꞌik roak afa yai, ba ufalak verin mia ne, Ubu Yanan Ia.”

Ni ilyan ana, Yohanes ovu ni tamata irua ovi rorang ia rnaꞌa ewal wan yai. Naꞌut i Yohanes nsiꞌik Yesus nahu wan yai, na nfalak ne, “Msyiꞌik, inyai Ubu Ni Domba Yanan a!”
Yohanes ni tamata irua yai rarenar afa ovi nfalak ra, ba rti ma rorang Yesus. Yesus ntamuri ma nsiꞌik, na rorang Ia, ba norat ira ne, “Mia mdyava afaka?” Ira rfalak ne, “Rabi, Oa mnaꞌa inba?” (Rabi ihin a, Tuan Guru) Ia nfalak ne, “Mya ma kaꞌi msyiꞌik.” Ba rorang Ia ma ti rsiꞌik wan i nleal a ma irmunuk rnaꞌa inyai. Naꞌut inyai, na snain jam empat lersian. Tali tamata irua yai, na isa naran Andreas. Ia aꞌan verin Simon Petrus. Ia nrenar afa ovi Yohanes nfalak ra, ba norang lahir Yesus. Ia nti lahir ma ntuan Simon ma nfalak ne, “Ami amtuan roak Raja i ntevut dida salasilan ra (ihin a ne, Kristus).” Ba Andreas novun Simon ti verin Yesus. Yesus nsiꞌik Simon ma nfalak ne, “Oa ini Simon, yamam naran Yohanes.” Tamata ra veka rera oa ne Kefas (ihin a ne, Petrus).

Ni ilyan ana, Yesus nvolan mane nti propinsi Galilea. Ia wol nti obin, na ntuan Filipus ma nfalak ne, “Mwa ma morang Yaꞌa!” Filipus ini ntali ahu Betsaida. Andreas irua Petrus rtali vali inyai. Ba ia ti ntuan Natanael ma nfalak ne, “Ami amtuan roak tamata i Musa ntulis roak Ia naꞌa ni inukun ra, ovu nabi ra rtulis vali roak naꞌa tamata yai. Tamata yai, Yesus i ntali Nazaret a. Yusuf yanan Ia.” Naꞌuk Natanael nfalak ne, “Wol bis lahir ma afa lolin ntali Nazaret nma.” Filipus nfalak ne, “Mwa ma msiꞌik lahir.” Yesus nsiꞌik Natanael nma ma ntuan Ia, ba nfalak ne, “Msyiꞌik kikyai, ini tamata Israel mngaꞌun ia. Tamata ini nfalak lalawatan afa ovi kena ra.” Ba Natanael norat Yesus ne, “Wean inba ma Oa mkaꞌa yaꞌa?” Yesus nfalak ne, “Filipus wol nera oa obin, na urea roak oa naꞌa aa ara vavan a.” Natanael nfalak ne, “Tuan Guru, Ubu Yanan Oa ovu Raja Oa verin tamata Israel ra!” Yesus nfalak ne, “Oa morang Yaꞌa, tevek ufalak ne, urea roak oa naꞌa aa ara vavan a? Oa veka msiꞌik lahir afa dawan ovi rlia tali afa yai.” Nata Yesus nfalak lahir ne, “Afa i ufalak verin oa ini kena urun! Oa veka msiꞌik lanit natvadil, ovu Ubu Ni sansinir ra rtali lanit ratan suta-rata ira verin Tamata Yanan a.”

Escucha a Yohanes 1