Kogi - WBT Version (NT) Non-Drama

Cogui - WBT Edition (NT)

Kogi - WBT Version (NT)

<div class="version vid1505 iso6393kog" data-vid="1505" data-iso6393="kog">
 <div class="book bkMAT">
 <div class="chapter ch11" data-usfm="MAT.11">
 <div class="label">11</div><div class="s">Jua&#241;ja shaxaldixakue Duwe akz&#649;zukane</div><div class="r">(Lk 7.18-35)</div><div class="p"> 1Ek&#237; Duwe Jes&#250;ja nas&#649;&#241; 12 shi kagitixakua&#241; sak&#237; aj&#237; jiba axatshakualdixa auxa z&#649;&#241;me&#241;gueniki amak z&#649;nakax&#225;. Gu&#241;gueni ald&#233;&#241;ki e&#241;gui Galdildeya baxega ku&#237;buldukueni Ajate shalda kakbeji, shi kaxaldiyal ne na gua.</div><div class="p"> 2Gu&#241;gueni Jua&#241; nik majaukshakueki kalseldi izhogu&#233;&#241; Duwe atshatoguauxa nuka&#241;guake, ald&#233;&#241; shaxaldixakue ek&#237; Duwek akz&#649;zukal kakax&#225;:</div><div class="p"> 3&#8212;Saldi&#241;ga netshi Jateja ezua z&#649;nekualdal z&#649;&#241;gakaxaldixa guakldane ne, &#191;ma ai shi mald&#225;? &#191;Azhi aiki jiaktuakuega shi z&#649;&#241;gats&#225;?</div><div class="p"> 4Guake Duweja kakiy&#243;:</div><div class="p">&#8212;Mokue Jua&#241; nugaldi mineyaldiniki sak&#237; mimij&#237; ubak naldi atshat&#233; natumine, sak&#237; guagat&#233; naldukamine miyakbeyald&#237;: 5Uba is&#649;&#769;&#241;zekueki kaz&#649;tu&#241;shapani, kalda ixanane neyag&#225;ldekue kalde&#241;shapani, ajuba ikaldunatukakueki mokue janshi kaxazgu&#237;, zukag&#225;ldekueki kazukshapani,#Is 29.18-19; 35.5-6 shuanekue jiaga mokue kezhgaldakshi. Nashikue z&#649;nake Jateja sak&#237; kalkualdaldixa shalda kakbeji.#Is 61.1; Lk 4.18-21 6Mieldeki alduna nazish&#225;l za nukaki Najateja ze&#241; ja&#241;guxa naldaldixa nakld&#225; &#8212;na kakbey&#225;.</div><div class="p"> 7Ek&#237; kakbe&#241;guake Jua&#241;ja shaxaldixakue saldi ald&#233; gu&#241;guake, Duweja exa ashekualguekuek ek&#237; Jua&#241; shalda kakbeyald&#225;: &#8220;Mai&#241; z&#649;k ze&#241;ka k&#225;guba muldetua zhekualdazh&#233;&#241;ka &#191;me mitualdixa mi&#241;neshi shi nemin&#225;? &#191;Azhi m&#250;lkaldaja abaldax&#225; mani mual axabuxaldiake aldi, aldi uldeyamakb&#233;, ezua sig&#237; mozhua, mozhua akldeka nuxa shi tual nemin&#225;? 8E tual neyazh&#225;mine nake, &#191;me shi tual nemin&#225;? &#191;Azhi ezua sig&#237; zhaku&#225; akz&#233; ijuakue shi tual nemin&#225;? Naldag&#225;lde. Mielde zhaku&#225; akz&#233; ijuakueki s&#225;&#241;kalda tshuxa za izhuka naldash&#225;. 9Ake, ezua&#241;gabaki &#191;me shi tual nemin&#225;? &#191;Azhi ezua Jatetshi m&#250;ldigaba naldi&#241;ga z&#649;xaitshixa shi tual nemin&#225;? Akze, e guana tual nemine naldash&#225;. Ne Jua&#241; m&#237;&#241;gaki Jatetshi m&#250;ldigaba naldi&#241;ga z&#649;xaitshixakue guashi&#241;ki zhakld&#233; akz&#233; giemi nakld&#225;. 10Jua&#241; shaldaga guana, Najateja nakbeji aj&#237; m&#250;ldigabak ek&#237; sezheklde:</div><div class="q1">&#8216;Nasga na mizhaxa&#241;ga ezua maldeyaldixa shalda guashi</div><div class="q1">ji&#250;&#241;gulda semixagauwi jana gaxaldikue nzha.&#8217;#Mal 3.1; Ex 23.20</div><div class="m"> 11Akna namak ek&#237; mi&#241;meyaldikue. Jua&#241; nik majaukshakueki k&#225;guba kuka guanauxa guashi&#241;ki zhakaldak akz&#233; na izh&#243;k. Naldatshak mielde minaldaldi nepanamin&#233;&#241; zhinik na Jate j&#233;kaldaxa izhuka mi&#241;sanegapanatshak, aikua&#241; z&#649;nake Jua&#241; zhakld&#233; mi&#241;zekue minaldaldixa nakld&#225;.</div><div class="p"> 12&#8221;Akze, Jua&#241; nik majaukshakueja Jate shalda guagapan&#233;&#241; zhinik kaiga yo, Jate j&#233;kaldaxa izhukaja aj&#237; kamak k&#225;guba kaksanegapanaldixa shalda akuagapanane. Ek&#237; akuagat&#233; aldukatshakna matshuwi nekueja&#241;ki kagatsauxa Jateja kaksanexaldiamak aldiji na, jiy&#225;ja&#241;gaba kagitamakuat&#233; jiaga, ab&#225; naldak&#237; kama izhalshiji&#241;gaba ashekualdapanane. 13Guatshak Jua&#241;ja Jate shalda guaxal nagag&#225; nogue&#241;gaki, Jateja nauwibama Mues&#233;k jian izhoxa guiyaba z&#649;&#241;kabajaneja, aj&#237; m&#250;ldigaba naldi&#241;ga z&#649;xaitshixakueja ald&#233;&#241; sak&#237; agatsaldi z&#649;&#241;sanexaldixa shalda z&#649;&#241;meyatonane.#11.12-13 Lk 16.16. Ekueja&#241;ki Jateja z&#649;&#241;sanexaldixa akuagatogatshake, ald&#233;&#241; ezua z&#649;nekualdal gaxaldixa shalda akuagatone. 14Akze, mauze&#241;ga Jateja aj&#237; m&#250;ldigaba naldi&#241;ga z&#649;xaitshixa Eldiya mokue kagik gaxaldixa guakldane ne, ai namak ja&#241;gundana mi&#241;zegake, ake, Jua&#241; na e tsaldi&#241;ga gaxane nakld&#225;.#Mal 4.5; Mt 17.10-13; Mlk 9.11-13 15Akna, saldi&#241;ga kuxa mi&#241;kaldikueke muldetua nukshi mi&#241;guald&#237;.</div><div class="p"> 16&#8221;Mai&#241; kaiga zhekualdabinukakua&#241;, &#191;ji na shi mimezhguajanaka na? Mai&#241;ki sukuakue k&#225;guba zhen&#233;&#241; ajokldegatukakue jana nuxa miyatshixa. Akze, sukuakueki ajokldeshi&#241;ga na, 17&#8216;kaigaki ze&#241; z&#649;&#241;neshi kuizi ajuigatshak kuiskuizi&#8217; izhgabeyatshak jiaga, ezuakueja&#241;ki &#8216;ek&#237;ki z&#649;&#241;nunak&#237; nakld&#225;&#8217; aldeshi amak akuizazh&#233;. Ek&#237; aldexaldiake ake, &#8216;kaigaki ezua z&#649;nshuane ibauwa&#241;kalduka jana&#241;gaba neshi kuisjokldeshi&#8217; izhgabeyatshak jiaga, ezuakueja&#241;ki &#8216;ek&#237;ki z&#649;&#241;nunak&#237; nakld&#225;&#8217; aldeshi amak aldegazh&#233;.</div><div class="p"> 18&#8221;Jinake ek&#237; mimezhguajanaka naldak&#237;. Jua&#241;ja&#241;ki gakue mi&#241;gajamak gazh&#233;, kalw&#233;ldia siyagaxaune#11.18 &#8220;vino&#8221; tugazh&#233; nalguakna, mai&#241;ki &#8216;e&#241;ki jis&#233;tshi aldunaja aksaneka nakna ek&#237; izh&#243;k&#8217; mi&#241;guaka. 19Naldatshak nas Jatetshi Asuku&#225;ga ixagabaldeklduge z&#649;nake, mai&#241; mizajamakga zakuge, kalw&#233;ldia siyagaxaune nauwa tukuge. Ek&#237; minatuatshakna, &#8216;E z&#649;nake z&#649;&#769;xaitsha zaxa, tuka. E&#241;ki sha atshixa akuakakue, s&#225;&#241;kaldak akiyalzabine zhiksuikakuetshi apebu nzha&#8217; minakuaka. Ek&#237; mozhua kaldamakga minaz&#649;nakuaka nak z&#649;nepanas&#649;&#769;&#241; mi&#241;zeka. Naldatshak anu&#241;ka nekueja&#241;ki nas&#649;&#241; shizhiya&#241;kaldamak jian atshiji asheku&#233;&#241; zhinik na, Saldi&#241;ga netshi Jate ald&#233;&#241;gaba mits&#225; ishku&#233; ne awatu&#241;shaka nakld&#225;&#8221; na kakbey&#225;.</div><div class="s">Sha atsha majazh&#225;nekue kaxaldeklde</div><div class="r">(Lk 10.13-15)</div><div class="p"> 20Gu&#241;guenik Duwe Jes&#250;ja ku&#237;buldukue ald&#233;&#241; naldi kaxabizhiji, exaga na akld&#233; giemiki janshizhe ajanashat&#233; at&#250; guazh&#225;mak kaxatshat&#233; atuatshak jiaga, sha ajanashixa abaji&#241;ga abajazh&#225;ldi, Ajate axakualdinazh&#225; guane shalda na kaxaldeshi&#241;ga ek&#237; guak: 21&#8220;Mai&#241; ku&#237;buldu Kuldas&#237;&#241; zaldakue, Betsailda zaldakue na, &#161;wau wau wau sak&#237; guiyaba mitualdixa ne! Jinake naldak&#237;. Matshuwi sha ajanashixakuetshi ku&#237;buldukue Tildu na Sid&#243;&#241; na,#Is 23.1-18; Ez 26.1&#8211;28.6; Jl 3.4-8; Am 1.9-10; Zac 9.2-4 mai&#241; nuge&#241;ka matshuwi janshizhe ajanashat&#233; at&#250; guazh&#225;mak mi&#241;katshanugamak kaxatshanakuash&#237;&#241;ki, kauwizh&#233;&#241;ki mitsaga zhinik sha atsha maji&#241;ga maja, Jatek axakualdi guane nogatald&#233;. Amak abajatshake sha ajanashane shalda izhajani&#241;gaba saldi&#241;gaja katualdiamak ajanash&#225; guane nogatald&#233;. 22Ne mai&#241; z&#649;nake sha atsha majazh&#225; guamin&#233;&#241; zhinik na, Jateja saldi&#241;ga agatsaldi ne tualdixa niuwa&#241; zegatshak, ku&#237;buldu Tildu zaldakue, Sid&#243;&#241; zaldakue guiyaba katu&#241;shaldixa guashi&#241;ki, zhakaldak guiyaba mimatu&#241;shaldixa nakld&#225;.</div><div class="p"> 23&#8221;Mai&#241; ku&#237;buldu Kapeldah&#250;m zaldakue, &#191;sak&#237; shi Jateki akld&#233; mi&#241;zukui, mataxa mimebekshaldixa mija&#241;g&#250;? Akbi&#241;gaki agu&#225;&#241; giemi mimezhbashiji, guiyaba tu za nogakue&#241;ka mimausabaldixa nakld&#225;. Jinake naldak&#237;. Mai&#241; nuge&#241;kaki, nas naldi janshizhe ajanashat&#233; at&#250; guazh&#225;mak mi&#241;katshanugamakga Suldumaxa#Gn 19.24-28; Is 14.13-15; Mt 10.15; Lk 10.12 kaxatshanakuashi&#241;ki, kauwizh&#233;&#241;ki sha atsha abaji&#241;ga abajan&#233;&#241; zhinik Jateja ai ku&#237;buldu aklda&#241;gashazh&#225; guane nogatald&#233;. 24Ne mai&#241; z&#649;nake sha atsha majazh&#225; guamin&#233;&#241; zhinik na, Jateja k&#225;guba agatsaldi azhi agatsaldak&#237; ne tualdixa niuwa&#241; zegatshak, Suldumaxa zaldakue guiyaba katu&#241;shaldixa guashi&#241;ki, zhakaldak guiyaba mimatu&#241;shaldixa nakld&#225;.&#8221;</div><div class="s">Duwe Jes&#250;ki jie z&#649;&#241;zeg&#233;&#241; z&#649;nezhiksekushixa</div><div class="r">(Lk 10.21-22)</div><div class="p"> 25Ek&#237; guaguenik na Duweja Ajate ek&#237; axazguaxald&#225;: &#8220;Najate, ma za saldi&#241;ga alnoba agatsauxa, kagi agatsauxatshi S&#225;&#241;kalda mizhuka akld&#233; mikzamakga mikzukui, &#8216;ze&#241; nzhakld&#233;k&#8217; ni mikbe&#241;k&#250;. Jinake naldak&#237;. Mieldekueki kauwizh&#233;&#241;gaba matshuwi ishku&#233; itshankakue, jika matshuwi shitiyanekue aldaldatshak jiaga, aikuek na sak&#237; guashi shizhiyatokugeki katu&#241;shazh&#225;ldi, muldetua kagajienazh&#225;ldiamak kagitshuakshamalde noxabalduka. Ne ai itsaldag&#225;lde axajankakue, sukua jana ma za alduna misha izhukakuek z&#649;nake amak katu&#241;shamalde. 26Akze, ma &#8216;ek&#237; ni atshaldik&#250;&#8217; ja&#241;gui amak atshamalde nak &#8216;ze&#241; nzhakld&#233;k&#8217; ni mikbe&#241;k&#250;.&#8221;</div><div class="p"> 27Ek&#237; axazguaguenik k&#225;gubakuek ek&#237; kakbey&#225;: &#8220;Najateja ishku&#233; nalda, kama axald&#225; nahauxa nasgaba nagene. Najate ald&#233;&#241; za nas Asuku&#225;k me naug&#233; auxaga akualkuge. Jiak ekibe&#241;ga na, nas Asuku&#225;k za ald&#233;&#241; &#8216;me ne&#8217; auxaga naku&#233;. Ek&#237; nakuakna, Najate &#8216;me ne&#8217; mieldekueki katu&#241;shaldikuamak kezhgakuxaldikuake, ekuek za na amak kakualdaldixa nzha.</div><div class="p"> 28&#8221;Mai&#241;ki sak&#237;gaba jiba&#241; mi&#241;gatseshi, jigaba, jigab&#225; atshakue mi&#241;gats&#233; mi&#241;gabeji&#241;gaba aldunaxa jie mi&#241;zeshi, mi&#241;gus&#225; mi&#241;zekakueki naxaldashi mi&#241;guald&#237;. Amak minaxaldaxaldiake, nas naldi mimezhiksekushaldikue. 29Mai&#241; nas za mi&#241;sanekldaka naja&#241;gui, nas shi mi&#241;kaldiyanaka minaja&#241;guald&#237;. Jinake ek&#237; naja&#241;guakue naldak&#237;. Naski sam akzaldi za atshikuge, agu&#225;&#241; zhikzukuanuge ga za izhokuge nakna, ek&#237; agatsaldi za mi&#241;sanexaldikue. Akna aldunaxa namak giemi mizhiksekualdixa.#Is 30.15; Jer 6.16 30Jinak zhiksekuaminaka naldak&#237;. Nasga ji shi mi&#241;kaldikugeki, shitiyas&#225; jiba&#241; mi&#241;zukuazh&#225;ldixa. Ek&#237;ga na, ji naxatshakue mi&#241;me&#241;kugeki, atshas&#225; jiba&#241; mi&#241;zukuazh&#225;ldixa nakld&#225;.&#8221;</div>
 </div>
 </div>
</div>

Ekí Duwe Jesúja nasʉñ 12 shi kagitixakuañ sakí ají jiba axatshakualdixa auxa zʉñmeñgueniki amak zʉnakaxá. Guñgueni aldéñki eñgui Galdildeya baxega kuíbuldukueni Ajate shalda kakbeji, shi kaxaldiyal ne na gua.
Guñgueni Juañ nik majaukshakueki kalseldi izhoguéñ Duwe atshatoguauxa nukañguake, aldéñ shaxaldixakue ekí Duwek akzʉzukal kakaxá:
—Saldiñga netshi Jateja ezua zʉnekualdal zʉñgakaxaldixa guakldane ne, ¿ma ai shi maldá? ¿Azhi aiki jiaktuakuega shi zʉñgatsá?
Guake Duweja kakiyó:
—Mokue Juañ nugaldi mineyaldiniki sakí mimijí ubak naldi atshaté natumine, sakí guagaté naldukamine miyakbeyaldí: Uba isʉ́ñzekueki kazʉtuñshapani, kalda ixanane neyagáldekue kaldeñshapani, ajuba ikaldunatukakueki mokue janshi kaxazguí, zukagáldekueki kazukshapani, shuanekue jiaga mokue kezhgaldakshi. Nashikue zʉnake Jateja sakí kalkualdaldixa shalda kakbeji. Mieldeki alduna nazishál za nukaki Najateja zeñ jañguxa naldaldixa nakldá —na kakbeyá.
Ekí kakbeñguake Juañja shaxaldixakue saldi aldé guñguake, Duweja exa ashekualguekuek ekí Juañ shalda kakbeyaldá: “Maiñ zʉk zeñka káguba muldetua zhekualdazhéñka ¿me mitualdixa miñneshi shi neminá? ¿Azhi múlkaldaja abaldaxá mani mual axabuxaldiake aldi, aldi uldeyamakbé, ezua sigí mozhua, mozhua akldeka nuxa shi tual neminá? E tual neyazhámine nake, ¿me shi tual neminá? ¿Azhi ezua sigí zhakuá akzé ijuakue shi tual neminá? Naldagálde. Mielde zhakuá akzé ijuakueki sáñkalda tshuxa za izhuka naldashá. Ake, ezuañgabaki ¿me shi tual neminá? ¿Azhi ezua Jatetshi múldigaba naldiñga zʉxaitshixa shi tual neminá? Akze, e guana tual nemine naldashá. Ne Juañ míñgaki Jatetshi múldigaba naldiñga zʉxaitshixakue guashiñki zhakldé akzé giemi nakldá. Juañ shaldaga guana, Najateja nakbeji ají múldigabak ekí sezheklde:
‘Nasga na mizhaxañga ezua maldeyaldixa shalda guashi
jiúñgulda semixagauwi jana gaxaldikue nzha.’
Akna namak ekí miñmeyaldikue. Juañ nik majaukshakueki káguba kuka guanauxa guashiñki zhakaldak akzé na izhók. Naldatshak mielde minaldaldi nepanaminéñ zhinik na Jate jékaldaxa izhuka miñsanegapanatshak, aikuañ zʉnake Juañ zhakldé miñzekue minaldaldixa nakldá.
”Akze, Juañ nik majaukshakueja Jate shalda guagapanéñ zhinik kaiga yo, Jate jékaldaxa izhukaja ají kamak káguba kaksanegapanaldixa shalda akuagapanane. Ekí akuagaté aldukatshakna matshuwi nekuejañki kagatsauxa Jateja kaksanexaldiamak aldiji na, jiyájañgaba kagitamakuaté jiaga, abá naldakí kama izhalshijiñgaba ashekualdapanane. Guatshak Juañja Jate shalda guaxal nagagá nogueñgaki, Jateja nauwibama Muesék jian izhoxa guiyaba zʉñkabajaneja, ají múldigaba naldiñga zʉxaitshixakueja aldéñ sakí agatsaldi zʉñsanexaldixa shalda zʉñmeyatonane. Akze, mauzeñga Jateja ají múldigaba naldiñga zʉxaitshixa Eldiya mokue kagik gaxaldixa guakldane ne, ai namak jañgundana miñzegake, ake, Juañ na e tsaldiñga gaxane nakldá. Akna, saldiñga kuxa miñkaldikueke muldetua nukshi miñgualdí.
”Maiñ kaiga zhekualdabinukakuañ, ¿ji na shi mimezhguajanaka na? Maiñki sukuakue káguba zhenéñ ajokldegatukakue jana nuxa miyatshixa. Akze, sukuakueki ajokldeshiñga na, ‘kaigaki zeñ zʉñneshi kuizi ajuigatshak kuiskuizi’ izhgabeyatshak jiaga, ezuakuejañki ‘ekíki zʉñnunakí nakldá’ aldeshi amak akuizazhé. Ekí aldexaldiake ake, ‘kaigaki ezua zʉnshuane ibauwañkalduka janañgaba neshi kuisjokldeshi’ izhgabeyatshak jiaga, ezuakuejañki ‘ekíki zʉñnunakí nakldá’ aldeshi amak aldegazhé.
”Jinake ekí mimezhguajanaka naldakí. Juañjañki gakue miñgajamak gazhé, kalwéldia siyagaxaune tugazhé nalguakna, maiñki ‘eñki jisétshi aldunaja aksaneka nakna ekí izhók’ miñguaka. Naldatshak nas Jatetshi Asukuága ixagabaldeklduge zʉnake, maiñ mizajamakga zakuge, kalwéldia siyagaxaune nauwa tukuge. Ekí minatuatshakna, ‘E zʉnake zʉ́xaitsha zaxa, tuka. Eñki sha atshixa akuakakue, sáñkaldak akiyalzabine zhiksuikakuetshi apebu nzha’ minakuaka. Ekí mozhua kaldamakga minazʉnakuaka nak zʉnepanasʉ́ñ miñzeka. Naldatshak anuñka nekuejañki nasʉñ shizhiyañkaldamak jian atshiji ashekuéñ zhinik na, Saldiñga netshi Jate aldéñgaba mitsá ishkué ne awatuñshaka nakldá” na kakbeyá.


Guñguenik Duwe Jesúja kuíbuldukue aldéñ naldi kaxabizhiji, exaga na akldé giemiki janshizhe ajanashaté atú guazhámak kaxatshaté atuatshak jiaga, sha ajanashixa abajiñga abajazháldi, Ajate axakualdinazhá guane shalda na kaxaldeshiñga ekí guak: “Maiñ kuíbuldu Kuldasíñ zaldakue, Betsailda zaldakue na, ¡wau wau wau sakí guiyaba mitualdixa ne! Jinake naldakí. Matshuwi sha ajanashixakuetshi kuíbuldukue Tildu na Sidóñ na, maiñ nugeñka matshuwi janshizhe ajanashaté atú guazhámak miñkatshanugamak kaxatshanakuashíñki, kauwizhéñki mitsaga zhinik sha atsha majiñga maja, Jatek axakualdi guane nogataldé. Amak abajatshake sha ajanashane shalda izhajaniñgaba saldiñgaja katualdiamak ajanashá guane nogataldé. Ne maiñ zʉnake sha atsha majazhá guaminéñ zhinik na, Jateja saldiñga agatsaldi ne tualdixa niuwañ zegatshak, kuíbuldu Tildu zaldakue, Sidóñ zaldakue guiyaba katuñshaldixa guashiñki, zhakaldak guiyaba mimatuñshaldixa nakldá.
”Maiñ kuíbuldu Kapeldahúm zaldakue, ¿sakí shi Jateki akldé miñzukui, mataxa mimebekshaldixa mijañgú? Akbiñgaki aguáñ giemi mimezhbashiji, guiyaba tu za nogakueñka mimausabaldixa nakldá. Jinake naldakí. Maiñ nugeñkaki, nas naldi janshizhe ajanashaté atú guazhámak miñkatshanugamakga Suldumaxa kaxatshanakuashiñki, kauwizhéñki sha atsha abajiñga abajanéñ zhinik Jateja ai kuíbuldu akldañgashazhá guane nogataldé. Ne maiñ zʉnake sha atsha majazhá guaminéñ zhinik na, Jateja káguba agatsaldi azhi agatsaldakí ne tualdixa niuwañ zegatshak, Suldumaxa zaldakue guiyaba katuñshaldixa guashiñki, zhakaldak guiyaba mimatuñshaldixa nakldá.”


Ekí guaguenik na Duweja Ajate ekí axazguaxaldá: “Najate, ma za saldiñga alnoba agatsauxa, kagi agatsauxatshi Sáñkalda mizhuka akldé mikzamakga mikzukui, ‘zeñ nzhakldék’ ni mikbeñkú. Jinake naldakí. Mieldekueki kauwizhéñgaba matshuwi ishkué itshankakue, jika matshuwi shitiyanekue aldaldatshak jiaga, aikuek na sakí guashi shizhiyatokugeki katuñshazháldi, muldetua kagajienazháldiamak kagitshuakshamalde noxabalduka. Ne ai itsaldagálde axajankakue, sukua jana ma za alduna misha izhukakuek zʉnake amak katuñshamalde. Akze, ma ‘ekí ni atshaldikú’ jañgui amak atshamalde nak ‘zeñ nzhakldék’ ni mikbeñkú.”
Ekí axazguaguenik kágubakuek ekí kakbeyá: “Najateja ishkué nalda, kama axaldá nahauxa nasgaba nagene. Najate aldéñ za nas Asukuák me naugé auxaga akualkuge. Jiak ekibeñga na, nas Asukuák za aldéñ ‘me ne’ auxaga nakué. Ekí nakuakna, Najate ‘me ne’ mieldekueki katuñshaldikuamak kezhgakuxaldikuake, ekuek za na amak kakualdaldixa nzha.
”Maiñki sakígaba jibañ miñgatseshi, jigaba, jigabá atshakue miñgatsé miñgabejiñgaba aldunaxa jie miñzeshi, miñgusá miñzekakueki naxaldashi miñgualdí. Amak minaxaldaxaldiake, nas naldi mimezhiksekushaldikue. Maiñ nas za miñsanekldaka najañgui, nas shi miñkaldiyanaka minajañgualdí. Jinake ekí najañguakue naldakí. Naski sam akzaldi za atshikuge, aguáñ zhikzukuanuge ga za izhokuge nakna, ekí agatsaldi za miñsanexaldikue. Akna aldunaxa namak giemi mizhiksekualdixa. Jinak zhiksekuaminaka naldakí. Nasga ji shi miñkaldikugeki, shitiyasá jibañ miñzukuazháldixa. Ekíga na, ji naxatshakue miñmeñkugeki, atshasá jibañ miñzukuazháldixa nakldá.”

Escucha a Mateyu 11