Mwani - WBT Version (NT)

<div class="version vid1148 iso6393wmw" data-vid="1148" data-iso6393="wmw">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s1">Insa asowera na mwanamuka wa Samariya</div><div class="p"> 1Mwenye Insa, pejiwe kuwa Mafarizeu w&#226;sikira kuwa iye kankoza wanu wengi na &#225;kiwa nawo wanafunzi zaida ya Yahaya, 2(ingawa Insa mwanyewe siakoza, ila wakoza ndi wanafunzi wake), 3iye akilawa Yudeya, akiludira tena Galileya. 4Ikimbidi apite Samariya. 5Basi, akija ire mpaka kaya moja ya Samariya yakwitiwa Sikari, karibu na uweru Yankubu wampere mwanawe Yusufu. 6Noparepare &#250;kiwepo nrimbu waasimbire Yankubu. Ndimana, Insa kwa kuwa kasokera na safari yake, akikala panrimbu nopare. Nowo wakati&#8209;wo &#237;kiwa karibu ya aduhuri.</div><div class="p"> 7Noparepare, akija mwanamuka mmoja nSamariya kuteka maji. Insa akimwambira: &#8220;Nunu, nimereni maji ninywe.&#8221; 8(Epo iri wanafunzi wake woka kaya ulu kuuza cakurya.) 9Mwanamuka nSamariya ire akinjibu: &#8220;Umwe muwa Yahudi, omi niwa nSamariya. Munilebelaja maji a kunywa?&#8221; (Akisema javyo kamana Mayahudi na waSamariya awakipatana.) 10Insa akinjibu, akimwambira javi: &#8220;Kamba ukijiwa uwezo wa Mwenyezimungu, na ari kukulebela maji a kunywa&#8209;yo, uwe ndi ukisaka kunlebela, na iye nanga kakupa maji a mainsha ako.&#8221; 11Iye akimwambira: &#8220;Mwenye, umwe amuna ndoo, na nrimbu&#8209;wu wica pakulu. Sambi maji akunipa mainsha&#8209;yo, musaka kupata ndepi? 12Ewu nrimbu&#8209;wu katipa babu yetu Yankubu. W&#225;kinywanga iye na wanawe pamoja na mifuwo yake. Sambi, uwe kunzaidi iye?&#8221; 13Insa akinjibu, akamba: &#8220;Eya maji&#8209;ya anywa onse iludira kunkola nyotwa tena. 14Fala munu akinywa maji animpa omi, ainludira futi kunkola nyotwa kwa milele. Kwasa javyo, maji animpa omi, kwake iye antadukira kuwa nviriro wakububuka mainsha a milele.&#8221; 15Mwanamuka ire akimwambira: &#8220;Mwenye, nimere noyo maji&#8209;yo ipate isinikore nyotwa tena, wala nisije epa tena kuteka maji!&#8221; 16Insa akimwambira: &#8220;Uka ukamwite nlumako, muje onse.&#8221; 17Mwanamuka ire akinjibu, akamba: &#8220;Omi sina nlume.&#8221;</div><div class="p">Insa akimwitikizira: &#8220;Kusowera sana kwamba: &#8216;Omi sina nlume&#8217;. 18Kwa kuwa &#250;kiwa nawo walume watanu. Na nlume wa&#250;ri nawo sambi&#8209;yo siyo nlumako. Epo kusowera kweli yako!&#8221; 19Mwanamuka ire akimwambira Insa: &#8220;Mwenye, omi niwona kuwa uwe kuwa nabii! 20WaSamariya wababu zetu, pawakabudu ndi nowu mwango&#8209;wu. Fala umwe Mayahudi mukwamba kuwa mahala wanu pawajuzi kwabudu ndi Yerusalemu.&#8221; 21Insa akimwambira: &#8220;Nunu, namini omi vyanukwambira&#8209;vi: ukuja kufika wakati wakuwa ewu mwango&#8209;wu wala Yerusalemu amuja kumwabudu Baba. 22Umwe waSamariya mumwabudu nlungu samumwijiwa. Ila ofwe Mayahudi Nlungu watimw&#225;budu timwijiwa, konta kuvushiwa kulawa ka Mayahudi. 23Fala wakati wankufika, na kweli epa ufika futi, ware wamw&#225;budu ka ukweli wamwabudu Baba kwa roho, wakifulata ukweli. Kamana Baba nowo ndi wawasakula wamwab&#250;du iye. 24Mwenyezimungu ndi roho. Basi wenye kuntukuza iye wajuzi wantukuze kwa roho, wakifulata ukweli.&#8221; 25Mwanamuka ire akilawa akamba: &#8220;Omi nukwijiwa kuwa Almasihi akuja. Na akija, atambira vinu piya.&#8221; 26Basi Insa akisema: &#8220;Omi&#8209;pa ndi noyo-noyoni, omi niri kusowera nawe&#8209;mi.&#8221;</div><div class="p"> 27Kwa noure wakati ure, wanafunzi wa Insa wakiludi, washanga kunsingana Insa akipakanira na mwanamuka ire. Falakini anta mmoja andairire: &#8220;Usakulani&#8209;pa?&#8221; wala &#8220;Mbana kwankusowera naye?&#8221; 28Ikisa, mwanamuka ire akasa nkanfu wake ure nopare, akiludira ukaya, akuka akiwereza wanu: 29&#8220;Tukeni mukammone munu anifafanurire piya vyanitendire. Fala noire si Almasihi?&#8221; 30Basi wanu ware wakilawa nkaya mure, wakuka mpaka kaakiwa Insa kure.</div><div class="p"> 31Paalawire mwanamuka ire, wanafunzi ware wakinlebela Insa: &#8220;Mwanlimu, iryani ciwa conse&#8209;ci.&#8221; 32Fala iye kawambira: &#8220;Omi nirya cakurya umwe samwijiwa.&#8221; 33Kwa javyo, wanafunzi ware wanza kudairiyana watupu: &#8220;Fala aapo ajire nawo cakurya akimpa?&#8221; 34Insa akiwambira: &#8220;Cakurya cangu omi ndi kutenda vyaasaka Mwenyezimungu anipereke, na kutimiza canitumiwe kutenda. 35Umwe musoweranga javi: &#8216;Ibaki tena myezi mine kufika wakati wa mavuno&#8217;, sinovyo? Fala omi nukwambirani: fungulani maso, munang'anize mmamasamba&#8209;mo konta mbeyu piya zitokota, zisaka kuvuniwa.#4:35 Akiwamba wanu w&#225;kiwa tayari kwingira mainsha mapya kunfulata iye. 36Mweny&#233; kuvuna kapata nshahara wake futi, na akus&#225;nya visumo apata mainsha a milele. Kwa namuna&#8209;yi, nvyari pamoja na nrimi piya watenderana radi. 37Konta ewu usowezi&#8209;wu wakweli: &#8216;Mmoja ndi avy&#225;la na mwengine ndi av&#250;na.&#8217; 38Omi nukuperekani umwe muvune camutowire kukola kazi. Wengine wanza eyi kazi&#8209;yi, umwe mwankufaika ewo cawanzire kutenda.&#8221;</div><div class="p"> 39WaSamariya wengi wakik&#225;langa kaya ulu ire wankubali Insa julu ya ushahidi wereze mwanamuka ure akamba javi: &#8220;Iye kanifafanurira omi piya vyanitendire!&#8221; 40WaSamariya pawajire, wakintafadali kuwa wekare nawo. Basi Insa akikala nawo suku mbiri. 41Na wengi wawenye tena wankubali Insa julu ya usemi wake iye mwanyewe. 42Ewo mwanamuka ire wakimwambira javi: &#8220;Ataminire kwa sababu vyausowere uwe basi, kamana nofwe wanyewe tinsikira. Epa tijiwa kuwa eyu kweli-kwelini ndi Nvushi wa mulumwengu&#8209;mu.&#8221;</div><div class="p"> 43Bandi ya suku mbiri zekare zire, Insa akilawa akiludira Galileya. 44(Kusema kweli, Insa mwanyewe k&#226;lavya ushahidi wakuwa aapo nabii anta mmoja wakwinshimiwa kwawo.) 45Paafikire Galileya, waGalileya wampokerera sana-sana, kamana w&#226;wona piya vyaatendire Yerusalemu pasherehe ya Pashukwa. Kamana ewo novyo woka noko.</div><div class="s1">Alama yapiri yolota vya&#225;ri Insa: amponesa mwana wa nkolakazi maalumu</div><div class="p"> 46Sambi, Insa akiludira tena Kanaa porovinsiya ya Galileya, kaya ya&#226;taduse maji akitenda vinyu. Kaya nyengine, Kafarnaumu, &#225;kiwapo nkolakazi maalumu wa nfalume, mwanawe &#225;kiwa nlwere. 47Nkolakazi ire, paasikire kuwa Insa kalawa Yudeya kafika Galileya, akipita akinsakula. Nakummona akintafadali pakulu pawenye akamba: &#8220;Tuke ukamponese mwanangu, iye kawa karibu kufwa!&#8221; 48Insa akimwambira javi: &#8220;Ikiwa amuwonire alama na maajuza, amushubutu futi kukubali.&#8221; 49Nkolakazi ire akijibu: &#8220;Mwenye, tuke onse sambi&#8209;pa, mwanangu saanamba kufwa.&#8221; 50Insa akimwambira: &#8220;Uka, mwanawo&#8209;yo apona!&#8221; Mwananlume ire akikubali usowezi wa Insa ure, akiludira kwawo. 51Munjira paakiteremukira kwawo, akisimanana na watumisi wake wakimwinza, wakimwambira wakamba: &#8220;Mwanenu kapona, kawa hai!&#8221; 52Iye kawadairi: &#8220;Mwanangu kapona wakatini?&#8221;</div><div class="p">Ewo wakinjibu: &#8220;Ijana, &#8216;uma ora&#8217;, homa ndi paimpitire.&#8221; 53Wawa ire kejiwa kuwa kweli-kwelini mwanawe kapona noure wakati wambiriwe na Insa ure akamba javi: &#8220;Mwanawo kapona!&#8221; Kwa javyo, iye pamoja na wajamaa zake piya wakimwamini Insa. 54Na eyi iwa ndi mara yapiri Insa yaatendire alama ya matajabisa paalawire Yudeya akija Galileya.</div>
 </div>
 </div>
</div>

Mwenye Insa, pejiwe kuwa Mafarizeu wâsikira kuwa iye kankoza wanu wengi na ákiwa nawo wanafunzi zaida ya Yahaya, (ingawa Insa mwanyewe siakoza, ila wakoza ndi wanafunzi wake), iye akilawa Yudeya, akiludira tena Galileya. Ikimbidi apite Samariya. Basi, akija ire mpaka kaya moja ya Samariya yakwitiwa Sikari, karibu na uweru Yankubu wampere mwanawe Yusufu. Noparepare úkiwepo nrimbu waasimbire Yankubu. Ndimana, Insa kwa kuwa kasokera na safari yake, akikala panrimbu nopare. Nowo wakati‑wo íkiwa karibu ya aduhuri.
Noparepare, akija mwanamuka mmoja nSamariya kuteka maji. Insa akimwambira: “Nunu, nimereni maji ninywe.” (Epo iri wanafunzi wake woka kaya ulu kuuza cakurya.) Mwanamuka nSamariya ire akinjibu: “Umwe muwa Yahudi, omi niwa nSamariya. Munilebelaja maji a kunywa?” (Akisema javyo kamana Mayahudi na waSamariya awakipatana.) Insa akinjibu, akimwambira javi: “Kamba ukijiwa uwezo wa Mwenyezimungu, na ari kukulebela maji a kunywa‑yo, uwe ndi ukisaka kunlebela, na iye nanga kakupa maji a mainsha ako.” Iye akimwambira: “Mwenye, umwe amuna ndoo, na nrimbu‑wu wica pakulu. Sambi maji akunipa mainsha‑yo, musaka kupata ndepi? Ewu nrimbu‑wu katipa babu yetu Yankubu. Wákinywanga iye na wanawe pamoja na mifuwo yake. Sambi, uwe kunzaidi iye?” Insa akinjibu, akamba: “Eya maji‑ya anywa onse iludira kunkola nyotwa tena. Fala munu akinywa maji animpa omi, ainludira futi kunkola nyotwa kwa milele. Kwasa javyo, maji animpa omi, kwake iye antadukira kuwa nviriro wakububuka mainsha a milele.” Mwanamuka ire akimwambira: “Mwenye, nimere noyo maji‑yo ipate isinikore nyotwa tena, wala nisije epa tena kuteka maji!” Insa akimwambira: “Uka ukamwite nlumako, muje onse.” Mwanamuka ire akinjibu, akamba: “Omi sina nlume.”
Insa akimwitikizira: “Kusowera sana kwamba: ‘Omi sina nlume’. Kwa kuwa úkiwa nawo walume watanu. Na nlume waúri nawo sambi‑yo siyo nlumako. Epo kusowera kweli yako!” Mwanamuka ire akimwambira Insa: “Mwenye, omi niwona kuwa uwe kuwa nabii! WaSamariya wababu zetu, pawakabudu ndi nowu mwango‑wu. Fala umwe Mayahudi mukwamba kuwa mahala wanu pawajuzi kwabudu ndi Yerusalemu.” Insa akimwambira: “Nunu, namini omi vyanukwambira‑vi: ukuja kufika wakati wakuwa ewu mwango‑wu wala Yerusalemu amuja kumwabudu Baba. Umwe waSamariya mumwabudu nlungu samumwijiwa. Ila ofwe Mayahudi Nlungu watimwábudu timwijiwa, konta kuvushiwa kulawa ka Mayahudi. Fala wakati wankufika, na kweli epa ufika futi, ware wamwábudu ka ukweli wamwabudu Baba kwa roho, wakifulata ukweli. Kamana Baba nowo ndi wawasakula wamwabúdu iye. Mwenyezimungu ndi roho. Basi wenye kuntukuza iye wajuzi wantukuze kwa roho, wakifulata ukweli.” Mwanamuka ire akilawa akamba: “Omi nukwijiwa kuwa Almasihi akuja. Na akija, atambira vinu piya.” Basi Insa akisema: “Omi‑pa ndi noyo-noyoni, omi niri kusowera nawe‑mi.”
Kwa noure wakati ure, wanafunzi wa Insa wakiludi, washanga kunsingana Insa akipakanira na mwanamuka ire. Falakini anta mmoja andairire: “Usakulani‑pa?” wala “Mbana kwankusowera naye?” Ikisa, mwanamuka ire akasa nkanfu wake ure nopare, akiludira ukaya, akuka akiwereza wanu: “Tukeni mukammone munu anifafanurire piya vyanitendire. Fala noire si Almasihi?” Basi wanu ware wakilawa nkaya mure, wakuka mpaka kaakiwa Insa kure.
Paalawire mwanamuka ire, wanafunzi ware wakinlebela Insa: “Mwanlimu, iryani ciwa conse‑ci.” Fala iye kawambira: “Omi nirya cakurya umwe samwijiwa.” Kwa javyo, wanafunzi ware wanza kudairiyana watupu: “Fala aapo ajire nawo cakurya akimpa?” Insa akiwambira: “Cakurya cangu omi ndi kutenda vyaasaka Mwenyezimungu anipereke, na kutimiza canitumiwe kutenda. Umwe musoweranga javi: ‘Ibaki tena myezi mine kufika wakati wa mavuno’, sinovyo? Fala omi nukwambirani: fungulani maso, munang'anize mmamasamba‑mo konta mbeyu piya zitokota, zisaka kuvuniwa. Mwenyé kuvuna kapata nshahara wake futi, na akusánya visumo apata mainsha a milele. Kwa namuna‑yi, nvyari pamoja na nrimi piya watenderana radi. Konta ewu usowezi‑wu wakweli: ‘Mmoja ndi avyála na mwengine ndi avúna.’ Omi nukuperekani umwe muvune camutowire kukola kazi. Wengine wanza eyi kazi‑yi, umwe mwankufaika ewo cawanzire kutenda.”
WaSamariya wengi wakikálanga kaya ulu ire wankubali Insa julu ya ushahidi wereze mwanamuka ure akamba javi: “Iye kanifafanurira omi piya vyanitendire!” WaSamariya pawajire, wakintafadali kuwa wekare nawo. Basi Insa akikala nawo suku mbiri. Na wengi wawenye tena wankubali Insa julu ya usemi wake iye mwanyewe. Ewo mwanamuka ire wakimwambira javi: “Ataminire kwa sababu vyausowere uwe basi, kamana nofwe wanyewe tinsikira. Epa tijiwa kuwa eyu kweli-kwelini ndi Nvushi wa mulumwengu‑mu.”
Bandi ya suku mbiri zekare zire, Insa akilawa akiludira Galileya. (Kusema kweli, Insa mwanyewe kâlavya ushahidi wakuwa aapo nabii anta mmoja wakwinshimiwa kwawo.) Paafikire Galileya, waGalileya wampokerera sana-sana, kamana wâwona piya vyaatendire Yerusalemu pasherehe ya Pashukwa. Kamana ewo novyo woka noko.

Sambi, Insa akiludira tena Kanaa porovinsiya ya Galileya, kaya yaâtaduse maji akitenda vinyu. Kaya nyengine, Kafarnaumu, ákiwapo nkolakazi maalumu wa nfalume, mwanawe ákiwa nlwere. Nkolakazi ire, paasikire kuwa Insa kalawa Yudeya kafika Galileya, akipita akinsakula. Nakummona akintafadali pakulu pawenye akamba: “Tuke ukamponese mwanangu, iye kawa karibu kufwa!” Insa akimwambira javi: “Ikiwa amuwonire alama na maajuza, amushubutu futi kukubali.” Nkolakazi ire akijibu: “Mwenye, tuke onse sambi‑pa, mwanangu saanamba kufwa.” Insa akimwambira: “Uka, mwanawo‑yo apona!” Mwananlume ire akikubali usowezi wa Insa ure, akiludira kwawo. Munjira paakiteremukira kwawo, akisimanana na watumisi wake wakimwinza, wakimwambira wakamba: “Mwanenu kapona, kawa hai!” Iye kawadairi: “Mwanangu kapona wakatini?”
Ewo wakinjibu: “Ijana, ‘uma ora’, homa ndi paimpitire.” Wawa ire kejiwa kuwa kweli-kwelini mwanawe kapona noure wakati wambiriwe na Insa ure akamba javi: “Mwanawo kapona!” Kwa javyo, iye pamoja na wajamaa zake piya wakimwamini Insa. Na eyi iwa ndi mara yapiri Insa yaatendire alama ya matajabisa paalawire Yudeya akija Galileya.

Escucha a Yahaya 4