Zekariya 6
6
Cilengano cankalaki zyone
1Lino ndakaboola alimwi kutambya meso aangu, nkabela ndakabona inkalaki zyone zilazwa akatikati kamalundu obile, Malundu ayo kaali malundu aamukuba. 2#Zek 1:8; Ciy 6:4,5Inkalaki intaanzi kiijisi imbizi zisalala, iyabili kiijisi imbizi zisia, 3#Ciy 6:2iyatatu kiijisi imbizi zituba, ayane kiijisi imbizi zili amabala mabala, 4#Zek 5:10Mpawo ndakabuzya angelo ngundakali kwaambaula awe kuti, Ino ezi nzinzi, mwami? 5#Int 68:17; Heb 1:7,14; 1 Bam 22:19; Job 1:6; Dan 7:10; Lk 1:19; Ciy 7:1Angelo wakandivwiila kuti, Eyi myuuwo yone yakujulu iizwa kukwiimika kubusyu bwamwami wanyika yoonse. 6#Jer 1:14Inkalaki iijisi imbizi zisia ilaya kucisi cakunyika, iijisi imbizi zituba ilaya kumbo, iijisi imbizi zyamabala mabala ilaya kucisi cakumusanza, 7#Matl 13:17Elyo imbizi nizyakazwa zyakali kuyandisya kuya bweendeenda moonse muzisi zyanyika, nkabela wakati, Kamuya bweendeenda munyika, Mpawo bakeendeenda moonse munyika, 8#Muk 10:4Nkabela wakandikwiilila akwaamba kuti, Ezyo izyaya kucisi cakunyika ncobeni zyatontozya moyo wangu omo mucisi cakunyika.
Joshua mbwaakasamikwa munsini wabwami
9Lino ijwi lya-Jehova lyakandisikila, lyakati, 10#Ezr 2:1Tola aba bantu ibasika kuzwa kubuzike bwaku-Babuloni, Heldai a-Tobiya a-Jedaya, uinke abo buzuba obu mbubonya kuŋanda ya-Josiya mwana wa-Zefaniya. 11#Kul 28:36Alimwi bweza insiliva angolida, ukafule musini, akuubika amutwe wa-Joshua mwana wa-Jehozadaki mupaizi mupati. 12#Is 9:6; 4:2; Mik 5:5; Mal 3:1; Jer 23:5; 33:15; Zek 13:7; 3:8; Mk 15:39; Lk 1:78; Joh 1:45; Int 80:15-17; Mt 16:18; Ef 2:20; Flp 2:9; Heb 2:9Elyo uleelede kumwaambila kuti, Mbuboobu mbwaamba Jehova wamakamu. Bona! Oyu ngomuntu uutegwa lusyuuko, nkaambo ngonguwe uuti syuuke mubusena bwakwe, nkabela uyooyaka intempele ya-Jehova, 13#Int 21:5; 110:4; Is 22:24; Heb 3:1Ncobeni nguwe uuti yake intempele ya-Jehova, alimwi uyooba abulemu, uyookala akweendelezya acuuno cakwe cabwami. Nkabela kumbali lyacuuno cakwe cabwami kuyooba mupaizi. Bayoomvwana caluumuno boonse bobile. 14#Mk 14:9Lino musini uyooba muntempele ya-Jehova, ube ciibalusyo kuli-Heldai a-Tobiya a-Jedaya a-Josiya mwana wa-Zefaniya.
15 #
Ef 2:13
Lino bantu bali kule bayooboola kukuyaka intempele ya-Jehova, nkabela muyooziba kuti Jehova wamakamu nguwakandituma kulindinywe. Aya makani oonse ayooba ncobeni, na mwazumina kumvwisya ijwi lyaJehova Leza wanu.
Currently Selected:
Zekariya 6: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.